Author: editor

Në reagim e PD-së Sali Berishës, thuhet se kjo “ video e Gjicit është simptoma e kësaj mënyre të ushtruarit të tij. Abuzimi me postin, të konsideruarit e detyrës si mundësi për të kënaqur funksionarin dhe jo shërbyer qytetarin, për të ushtruar presion, merr formën më të plotë gjatë fushatës elektorale dhe zgjedhjeve”.

Sakaq në reagimin e plotë theksohet se në Kukës duhet të mbahen zgjedhje të reja pas këtij skandali, pasi qytetarët kanë të drejtë të zgjedhin kryetarin e tyre që i përfaqëson denjësisht.

Deklarata e plotë:

Video e publikuar sot, që përmban një regjistrim të pahijshëm të kryetarit të Bashkisë së Kukësit, Safet Gjici, ka sjellë në vëmendje të opinionit disa fakte që lidhen me pushtetin dhe abuzimin me të. Së pari, është përdorimi i zyrës së kryebashkiakut si dhomë gjumi apo shtëpie publike, çka shënon mungesën e respektit për institucionet dhe për votuesit.

Së dyti, është shenjë se pushteti i fituar pa të drejtë, me para dhe abuzime elektorale, çon në sjellje të tilla të padenja për një funksionar publik dhe prind.

Së treti, video e Gjicit është shenja se pushteti i Edi Ramës nuk ushtrohet ndryshe veçse duke shkelur ligjin dhe kodet e etikës, duke përdhosur zyrat e shtetit. Pushtetit të tij nuk i mjaftojnë shtëpitë, hotelet, makinat. Ky pushtet, pasi merr me forcën e abuzimit elektoral zyrat e shtetit, i kthen ato në “distrikt të dritave të kuqe”.

Ky është një sistem që ngrihet prej një dekade tashmë, dhe video e Gjicit është simptoma e kësaj mënyre të ushtruarit të tij. Abuzimi me postin, të konsideruarit e detyrës si mundësi për të kënaqur funksionarin dhe jo shërbyer qytetarin, për të ushtruar presion, merr formën më të plotë gjatë fushatës elektorale dhe zgjedhjeve. Safet Gjici, si produkt i zgjedhjeve të abuzuara dhe shtrembëruara, nuk mund të kishte fund tjetër. Safet Gjici si modeli që Rama ka zgjedhur, nga Veriu në Jug, nuk mund të podhonte trashëgimi tjetër veç asaj që la në Kukës. Një qytet të zbrazur nga ku duan të ikin të gjithë, me stadium dhe aeroport ku nuk ka tifozë dhe as udhëtarë. Një zyrë kryebashkiaku e cila u vulos me zgjedhje të vjedhura dhe me nderin e institucionit dhe të trevës të përdhosur. Ndërkohë që organet e ligjit bëjnë punën e tyre, dhe duke qenë se vendi i kryetarit të Bashkisë është tashmë vakant, i bëjmë thirrje Edi Ramës të njoftojë Presidentin për vakancën, dhe ky i fundit të shpallë sa më parë datën e zgjedhjeve. Kuksianët kanë të drejtë të flasin me votë dhe të zgjedhin kryetarin e tyre denjësisht. Ata që zgjidhen kulisave në kulisa e mbyllin, siç vërtetoi video-regjistrimi.

Videoskandali i kryebashkiakur të Kukësit, Safet Gjici, i bërë publik ditën e sotme ka sjellë reaime të shumta në rrjet.

Gazetari Mero Baze ka bërë publike dhe foton e vajzës, e cila sipas tij mund të jetë personi që ndodhet në zyrën e Bashkisë së Kukësit bashkë me Safet Gjicin.

Siç shihet edhe në foton e publikuar nga Baze, vajza ka dalë në foto me ish-kryeministrin Sali Berisha.

Me ironi Baze shkruan se “Safetit të shkret dhe dashnoret ja gjen Saliu.”

Gazetari Genc Burimi tha për Euronews Albania se problemi me rastin shumë të përfolur këtë të premte të Safet Gjicit, kryetarit të dorëhequr të Kukësit, nuk është te pjesa që ai ka kryer marrëdhënie seksuale me një vajzë në zyrë.

Ai tha se kjo është jeta e tij private dhe nuk duhet të gjykohet për këtë.

Gjithashtu ai tha se edhe më herët ka pasur raste të tillë në politikën botërore dhe ka marrë si shembull ish-presidentin e Amerikës Bill Clinton duke thënë se në atë kohë nuk u konsiderua skandal fakti që ai kreu marrëdhënie në zyrën ovale, por fakti që ushtroi autoritetin e tij ndaj stazhieres Monika Lewinsky.

“Kjo për mua është temë shumë e ndjeshme. Është jeta private. Ka pasur raste që kanë bërë seks në zyrat e FMN-së dhe nuk kanë rënë për këtë, por nuk kanë rënë për këtë, por për përdhunim. Klintoni nuk u dënua se bënte marrëdhënie në zyrën ovale me Monika Lewinsky-n, por se shfrytëzoi autoritetin me nëj shtazhiere. Ne në perëndim nuk kemi të njëjtën qasje me ju, ju talleni e qeshni, por skandali nuk ekziston te kjo”,-tha Genc Burimi.

Këshilli i Ministrave ka shkarkuar me urgjencë kryebashkiakun e Kukësit Safet Gjici, pas publikimit të një videoje erotike brenda zyrave të bashkisë.

Ish-kryebashkiaku i Kukësit tashmë, Safet Gjici, është filmuar duke kryer marrdhënie seskuale brenda zyrave të Bashkisë. Video e cila është regjistruar në datë 6 të këtij muaji rreth rës 16:00.

Pas bërjes publike të videos Safet Gjici në një reagim publik, pa u bërë ende i ditur lajmi për shkakimin e tij zyrtar, ka deklaruar se jep dorëheqjen, pasi me aktin e tij ka tradhtuar besimin e qytetarëve.

Por çfarë ndodh pas shkarkimit të Gjicit?

Presidenti i Republikës, Bajram Begaj, do të duhet të duhet të shpallë brenda 4 javëve datën e re të zgjedhjeve për Bashkinë e Kukësit. Kujtojmë që në zgjedhjet e 14 majit Safet Gjici mori 11632 vta thënë ndryshe 49.7% të votave, përballë kandidatit të koalivionit Bashkë Fitojmë, Admir Sinemati i cili mori 9562 vota, ndërsa kandidati i Partisë për Integrim dhe Europianizim të Shqipërisë, Abedin Oruçi mori 2180 vota.

Zgjedhje edhe në Bashkinë e Rrogozhinës

Bashkia e Kukësit nuk do të jetë e vetmja ku do të zhvillohen sërish zgjedhje, pasi edhe në Bashkinë e Rrogozhinës qytetarët do të duhet të drejtohen përsëri drejt kutive të votimit pas vendimit të Kolegjit Zgjedhor.

Një ditë më parë Kolegji Zgjedhr vendosi përsëritjen e zgjedhjeve në Bashkinë e Rrogozhinës, pas shkeljeve të gjetura në kutitë e votime të 14 majit.

Kujtojmë që në 14 maj u shpall fitues kandidati i Partisë Socialiste, Edison Memolla, i cili mori 5129 vota, kundrejt 5108 votave që mori kandidati i koalicionit “Bashkë Fitojmë”, Shkëlqim Hoxha.

Drejt përsëritjes së zgjedhjeve edhe Bashkia e Himarës

Ndërkohë përsëritje zgjedhjesh mund të kemi edhe në Bashkinë e Himarës, pasi është drejt skadencës afati për betimin para Këshillit Bashkiak i Fredi Belerit, i cili edhe pse u arresua dy ditë para zgjedhjeve u shpall fitues.

Kujtojmë që Fredi Beleri u arrestua nga policia dy ditë para zgjedhjeve me akuzën e blerjes së votave, ndërkohë që vijon të jetë në burg.

Sipas Kodit Zgjedhor, nëse fituesi i zgjedhjeve brenda 45 ditësh nuk bën betimin para Këshillit Bashkiak, Këshilli i Ministrave e shkarkon, duke i hapur rrugë zgjedhjeve të reja.

Duhet theksuar se Belerit i kanë ngelur në dispozicion edhe 13 ditë për të bërë betimin, në të undërt Presidentit të Republikës do i duhet që brenda katër javëve të shpallë datën për zhvillimin e zgjedhjeve edhe në këtë bashki.

Një shtetas shqiptar 54-vjeç me banim në Itali është qëlluar me thikë dhe ndodhet në gjendje të rëndë për jetën.

Autoritetet italiane bëjnë me dije se sulmi ndodhi në orët e vona të së enjtes më 15 qershor në Napoli, ku disa persona të paidentifikuar kanë goditur me thikë një shtetas 54-vjeçar nga Shqipëria dhe e kanë lënë në trotuar.

Dëshmitarët kanë njoftuar menjëherë ambulancën dhe karabinierët. Shqiptari është transportuar me urgjencë në klinikën Villa dei Fiori në Acerra.

54-vjeçari ndodhet aktualisht në spital dhe sipas medieve italiane, ai është në gjendje të rëndë shëndetësore si pasojë e plagëve të marra nga sulmi me thikë.

Policia e Acerras ka nisur hetimet për të zbardhur dinamikën e ngjarjes dhe për të identifikuar autorët.

Jep dorëheqjen Safet Gjici. Kryetari i bashkisë së Kukësit vetëm pak orë pasi doli video e tij duke bërë seks në zyrën e shtetit përmes një postimi në Facebook njoftoi largimin. “Kam tradhtuar besimin e atyre mijëra njerëzve” shprehet Gjici.

Pranon autenticitetin e videos dhe akuzon se kurthin ia ngritën rivalët që kishte në zgjedhjet e 14 Majit. Për vajzën që u filmua në zyrë, thotë se “prej disa kohësh unë kam një marrëdhënie intime”, por është i ndërgjegjshëm se “nuk kam asnjë justifikim për atë çka ka ndodhur”.

“Ndjesë të thellë publike çdokujt që sot ka parë atë material të shëmtuar video. Pas një fushate dhe përballjeje jo të lehtë me kundërshtarët e mi, pas të cilës rezultova fitues, fatkeqësisht unë rash pre e një kurthi të përgatitur me detaje nga e njëjta dorë njerëzish me të cilët u përballa në zgjedhje. Ja arritën ta bëjnë në një formë tjetër të pistë atë që se bënë dot me votën e kuksianëve.

Jam shumë i keqardhur për ngjarjen dhe jam mëse i qartë se në këtë situatë nuk ka vlerë asnjë lloj sqarimi. Prej disa kohësh unë kam një marrëdhënie intime me vajzën në fjalë por sigurisht nuk kam asnjë justifikim për atë çka ka ndodhur pavarërisht se i rënë në kurth.

Nuk mund të jem më unë njeriu që punon në atë zyrë shteti pasi e kam tradhëtuar besimin e atyre mijëra njerëzve që besuan e punuan me mua për ta bërë Kukësin një qytet gjithnjë e më të mirë.

Ndjesë të gjithëve dhe mirënjohje gjithë jeten kujtdo më besoi dhe mbështeti. Ishte nderi i jetës time që u njollos nga një mendjelehtësi e pafalshme ndaj sot ndjej detyrimin minimal të jap dorëheqjen! Zoti ju bekoftë të gjithëve” shkruan ai.

Shiu i rënë gjatë mesditës së sotme ka përmbytur qytetin e Kuçovës. Thuajse të gjitha rrugët e qytetit janë nën pushtetin e ujit duke e bërë tejet të vështirë qarkullimin e mjeteve dhe qytetarëve.

Më problematike situata paraqitet në hyrje të qytetit duke filluar nga “rreth-rrotullimi i Ullirit” e deri tek nëntë-katëshi dhe në lagjet:

“Llukan Prifti”, “1 Maji”, “11 Janari” dhe “Tafil Skëndo”.

Përmbytjes nga shiu nuk i ka shpëtuar as nënstacioni elektrik që ndodhet në hyrje të qytetit të Kuçovës.

Fakti që nënstacioni elektrik ndodhet nën ujë ka bërë stakimin e energjisë elektrike në disa fshatra të Kuçovës.

Pothuajse të gjitha rrugët e qytetit janë nën pushtetin e ujit. Shkak për këtë përmbytje që ka ndodhur gjatë dy viteve të fundit në Kuçovë janë bërë bllokimet e kanalizimeve.

Edhe pse banorët kanë kërkuar disa herë marrjen e masave për zhbllokimin e kanalizimeve deri më sot nuk është bërë asgjë për mbajtjen e situatës nën kontroll dhe evitimin e përmbytjes së rrugëve.

Ilirjani, një telefonues në “Aldo Morning Show” në Tv Klan parashtroi në program kërkesën për të njohur një grua.

Ai është thuajse 50 vjeç dhe thotë se ka nevojë për dikë që të kujdeset për të, për familjen dhe për gjyshërit e tij. Ilirjani merret me blegtori dhe kalon një kohë të konsiderueshme me derrat, të cilët madje i imiton.

Ilirjan: Ju mora të lidhemi bashkë se dua të gjej grua se jam duke shkuar 50 vjeç dhe s’po gjej dot lidhje, jam i tradhtuar nga gratë. Nuk e di pse s’ma varin tani. Dikur ma varnin po tani s’ma varin më. Dua një lidhje serioze për familje, për shtëpi, për katandi, për gjyshin, për gjyshen.

Aldo: Do një lidhje për gjyshin apo për vete?

Ilirjan: Po dhe për vete po më tepër edhe për gjyshin e për gjyshen, për vjehrrin e për vjehrrën. Të paktën të kem një lidhje serioze.

Aldo: Na fol pak për veten.

Ilirjan: Dua dhe për vete unë, po dua dhe për gjyshin e për gjyshen.

Aldo: Tani, e do këtë grua ta ndash me gjyshin apo… s’e kuptova, edhe njëherë?

Ilirjan: E dua edhe për gjyshin, edhe për gjyshen.

Aldo: E kuptova mirë.

Ilirjan: Të jetë ndonjë vajzë e mirë, ndonjë grua e mirë, a kupton?

Aldo: Ti vetë me çfarë merresh?

Ilirjan: Unë me blegtori. Me dele, me lopë, me derra.

Aldo: E qartë.

Ilirjan: Ma bën derri (imiton derrin).

Aldo: Ngaqë konsumon shumë kohë me derrin, merrni dhe jepni me njëri-tjetrin, kuptova. Është si puna e çifteve që jetojnë bashkë dhe fillojnë ngjajnë.

Ilirjan: Po./tvklan.al

Emisari i SHBA-së për Ballkanin Perëndimor, Gabriel Escobar deklaroi prerë se nuk është me vend përdorimi i fjalës “sanksion”, kur është pyetur për masat që SHBA-ja mund të marrë në rast se Kosova dhe Serbia nuk marrin vendime që do të çojnë në de-eskalimin e situatës në veri të Kosovës.

Escobar u shpreh se ambasadorët e SHBA-së në Prishtinë dhe Beograd kanë folur për pasoja dhe ka thënë se ata që do të refuzojnë partneritetin do të përballen me pasoja.

“Shfrytëzimi i fjalës sanksion është e pavend. Ambasadorët kanë folur për pasoja. Absolutisht, jemi duke kërkuar nga dy vendet të marrin vendimet që çojnë në stabilitet.

Ata që refuzojnë partneritetin, do të përballen me pasojat”, tha Escobar.