Shqiperia Ime

Author: editor

  • Dëshmia e 24-vjeçarit që mbyti nënën me plastmas në Përmet: Ç’ishte kjo që bëra?!

    Dëshmia e 24-vjeçarit që mbyti nënën me plastmas në Përmet: Ç’ishte kjo që bëra?!

    Alban Muhollari, 24-vjeçari që mbyti me plastmas mbrëmjen e së shtunës nënën e tij në Përmet ka thënë para oficerëvë të Policisë Gjyqësore ka pranuar krimin dhe njëkohësisht ka refuzuar të japë shpjegime për ngjarjen duke thënë se do ti bëj të ditura arsyet në një moment tjetër pasi nuk ishte në gjendje.

    Para OPGJ-së në momentin fillestar të arrestimit ka qenë i qetë duke thënë vetëm një frazë: “Ça ishte kjo që bëra?”.

    Në qelinë e Komisariatit përgjatë gjithë qëndrimit ai ka pirë vetëm ujë dhe ka ngrënë një kroasant. Fqinjët pohojnë se Albi ka qenë duke kërkuar një armë kur mbërriti në Shqipëri, për arsye që ende nuk dihen.

    “Kanë qenë në punë të tyre,kanë qenë tregtare që në 90’. Djalin e kishte në Amerikë, nuk e njihnim fare. Dje nuk dëgjuam gjë. Ishin familje e respektuar, se prisnim gjallë në botë. S’kishte pse ta bënte. Ajo grua e mirë shumë, shumë e lartë. Ishin shumë të mirë, asnjëri nuk e priste. Djali ka qenë në shkollë për së mbari, djali më i qetë të tërë habiten. Nuk e di, fat i keq për të dy, edhe për djalin edhe për atë, grua e rrallë”, shprehet fqinja.

    Dyshohet se AlbiMuhollari ka qenë në gjendje depresive mbrëmjen që kreu krimin e rëndë. 24-vjeçari mbaroi studimet në Amerikë dhe është ekselent. Dyshohet se vuan nga probleme me depresionin.

    I riu ka përfunduar studimet për Inxhinieri Kompjuterike në Dearborn, Michigan, Shtetet e Bashkuara. Nënë e bir jetonin në Amerikë. Ata kishin vetëm 4 ditë që ishin kthyer në Shqipëri për pushime./albeu.com/

  • Shiu nuk i ndahet Shqipërisë! Si do të jetë moti në javën e dytë të qershorit?

    Shiu nuk i ndahet Shqipërisë! Si do të jetë moti në javën e dytë të qershorit?

    Java që nisëm do të vijojë të jetë nën ndikim të kushteve atmosferike relativisht të paqëndrueshme.

    Sipas Shërbimit Meteorologjik Ushtarak, ditët fillojnë me mot të kthjellë e vranësira të cilat do të vijnë në zhvillim në orët e mesditës.

    Në orët e mesditës dhe kryesisht pasdite vranësirat do të shoqërohen me reshje shiu të herëpashreshme me intensitet të ulët përgjatë Ultësirës Perëndimore, ndërsa përgjatë relieveve malore lokalisht reshje shiu në formën e shtrëngatave dhe shoqëruar me shkarkesa elektrike dhe breshër.

  • Pjesë e grupit kriminal, arrestohet nipi i deputetit socialist (Emri)

    Pjesë e grupit kriminal, arrestohet nipi i deputetit socialist (Emri)

    Policia njoftoi se ka goditur një grup kriminal që merrej me shitjen në doza të lëndës narkotike cannabis sativa, në zona të ndryshme të qyteteve Berat dhe Kuçovë, ndërsa në pranga janë vënë katër pjesëtarë të tij. Pjesë e grupit kriminal që u arrestua sot në Kuçovë për shitje lëndësh narkotike është dhe një i afërm i gjeneralit Bardhyl Kollçaku, deputet i PS-së në qarkun Berat, 23-vjeçari Jurgen Kollçaku.

    Drejtoria Vendore e Policisë Berat ka bërë me dije sot finalizimin e operacionit policor të koduar “Vëzhgimi” si dhe arrestimin e 4 shtetasve: Jurgen Kollçaku,23 vjeç, Gjergji Braha,26 vjeç, Kleo Doko,18 vjeç dhe Sherif Isaj, 19 vjeç, tre të parët banues në Kuçovë.

    Sipas burimeve zyrtare të policisë, 4 të rinjtë ishin pjesë e një grupi të struktuar kriminal që merrej me shitjen në doza të lëndës narkotike “cannabis sativa” në zona të ndryshme të qyteteve Berat dhe Kuçovë.

    Për arrestimin e tyre DVP-së Berat ju desh një hetim 2-mujor me metoda proaktive,për dokumentimin dhe goditjen e veprimtarive kriminale në fushën e narkotikëve, pas informacioneve të siguruara nga inteligjenca policore.

    Burimet policore konfirmojnë se, gjatë kontrrollit në banesat dhe automjetet në pronësi të këtyre shtetasve u gjetën dhe sekuestruan edhe armë të ftohta dhe municione luftarake, ndërkohë që po vijojnë hetimet me qëllim identifikimin dhe arrestimin e shtetasve të tjerë që mund të jenë të implikuar në këtë veprimtari kriminale.

    Mes 4 të rinjve të arrestuar si pjesë e këtij grupi të strukturuar kriminal është edhe nipi i gjeneralit Bardhyl Kollçaku, njëkohësisht deput i qarkut Berat. 23-vjeçari Jurgen Kollçaku është djali i shtetasit Fadil Kollçaku, që rezulton të jetë djali i xhaxhait të gjeneral Bardhyl Kollçaku.

  • “Do të hasni këtë javë shumë pengesa”, cilën shenjë paralajmëron Paolo Fox gjatë datave 5-11 qershor

    “Do të hasni këtë javë shumë pengesa”, cilën shenjë paralajmëron Paolo Fox gjatë datave 5-11 qershor

    DASHI

    Yjet ju këshillojnë që të flisni qartë dhe shkoqur, nëse doni që të sqaroheni mirë. Me të gjitha vështirësitë që po hasni në punë, vetëm nëse do të jeni në gjendje të bëni manovra të mëdha, do t’ia dilni mbanë. Në dashuri tregohuni të vendosur dhe të sigurt në vete. Venusi do të jetë në anën tuaj dhe do t’ju ndihmojë nëse do të tregoheni të guximshëm.

    DEMI

    Këto do të jenë ditë të qeta për të lindurit në shenjën e Demit. Në aspektin profesional gjërat do të ecin me ritme të ngadalta, edhe në frontet e tjera situata parashikohet e qetë. Përfitoni nga këto ditë qetësie për t’u përgatitur për atë që ju pret në vijim. Vera do të jetë e mbushur me mundësi, tani është momenti për të hedhur themelet për diçka që ju intereson. Përqafojini risitë, ndoshta një ndryshim është ajo që duhet për t’ju shkundur nga mërzia.

    BINJAKËT

    Të lindurit në shenjën e Binjakëve do të ndihen shumë energjikë në ditët në vijim. Nuk do të uleni për asnjë minutë, do të kaloni nga një projekt në tjetrin pa u ndalur kurrë. Megjithatë, entuziazmi juaj mund të jetë një thikë me dy tehe: ju jeni efikasë dhe sillni bukën në shtëpi, por kur nuk keni asgjë për të bërë, shfaqni shenja nervozizmi. Mundohuni të ruani qetësinë, mos ua shfryni dufin njerëzve të afërt.

    GAFORRJA

    Të lindurit në shenjën e Gaforres do të kenë këtë javë shumë angazhime pune. Duket se nuk ka paqe për ju këto ditë, me t’u zgjidhur një problem do të shfaqen tre të tjerë. Saturni në prapavijë nuk ju ndihmon, ai vetëm sa shton më shumë pengesa në rrugën tuaj. Shtrëngoni dhëmbët dhe vazhdoni me durim deri në fund. Këtë fundjavë më në fund do të shihni një dritë në fund të tunelit.

    LUANI

    Të lindurit në shenjën e Luanit do të ndihen këtë javë më të fortë se kurrë. Ndikimi pozitiv i Jupiterit ju bën më të vendosur dhe të gatshëm për t’u përballur me çdo sfidë. Është fillimi i një periudhe shumë pozitive që mund të zgjasë gjatë gjithë verës. Në dashuri, përfitoni nga fakti që ndiheni energjikë për t’u hedhur në veprim. Mund të bëni shumë takime interesante.

    VIRGJËRESHA

    Do të hasni këtë javë shumë pengesa që do t’ju bëjnë të ndiheni nervozë. Nuk ju ndihmon as situata e paqëndrueshme në zyrë. Do t’ju duhet të qetësoni tensionet dhe do të keni më pak kohë në dispozicion për veten tuaj. Tundimi për t’jua nxjerrë inatin të tjerëve do të jetë i madh, por yjet ju këshillojnë që të përpiqeni të përmbaheni.

    PESHORJA

    Ditë më të mira do të vijnë për të lindurit në shenjën e Peshores. Më në fund do të merrni frymë të lehtësuar si kur bëhet fjalë për aspektin profesional ashtu edhe për atë personal. Edhe në marrëdhënie me partnerin gjërat do të përmirësohen. Do të mund të arrini një kompromis me të, duke zgjidhur një çështje që ju shqetëson prej kohësh. Edhe në zyrë, përpjekjet tuaja do të shpërblehen, duke ju hapur rrugë të reja për karrierën tuaj.

    AKREPI

    Venusi më në fund nuk do t’ju shkaktojë më telashe të lindurve në shenjën e Akrepit. Kështu, do të jeni në gjendje të gjeni njëfarë stabiliteti nga pikëpamja sentimentale. Në fillim përpiquni të gjeni ekuilibrin tuaj të brendshëm dhe më pas të përfshiheni në një lidhje të re dashurie. Ecni përpara me hapa të vegjël, por të sigurt. Kushtojini vëmendje punës, të ardhurat janë minimale dhe nuk duket se do të ketë ndryshime së shpejti. Mund të detyroheni të bëni disa sakrifica.

    SHIGJETARI

    Zemra e të lindurve në Shigjetar do të rrahë fort në ditët në vijim. Ju ndjeni një lidhje të fortë me partnerin tuaj aktual, një risi e pazakontë kjo për ata që e konsiderojnë veten ujk vetmitar. Nga njëra anë kjo dashuri do të bëhet shkak që të ndiheni të lehtësuar, nga ana tjetër keni frikë se mos ju kufizon. Mundohuni të kuptoni më mirë dëshirat tuaja, por mos e nënvlerësoni atë që keni tashmë. Ka ardhur koha që të silleni më me maturi.

    BRICJAPI

    Këto ditë do të parapëlqeni të rrini në qetësi. Pak ngjarje të rëndësishme do ta karakterizojnë jetën tuaj dhe prandaj mund t’ia lejoni vetes këtë pushim. Me kaq shumë kohë të lirë në dispozicion, kjo mund të jetë periudha e duhur për të krijuar diçka tuajën. Fshijani pluhurin disa projekteve tuaj të vjetra dhe mundohuni t’i vini në zbatim. Kini kujdes në dashuri, mundohuni të mos bini në rutinë. Bëjeni marrëdhënien më pikante.

    UJORI

    Ju që i përkisni shenjës së Ujorit ndieni dëshirën për të qenë të lirë, të çliroheni nga prangat e rutinës dhe të eksploroni dëshirat tuaja. Ndiheni të lidhur me zinxhirë nga ritmet që janë gjithmonë të njëjta, si në punë ashtu edhe në kohën tuaj të lirë. Aktivitetet që dikur ju jepnin kënaqësi, tani duken si pjesë e një cikli të pafund. Kërkoni një mënyrë për t’i thyer këto zinxhirë, atë risi të papritur që ju bën të shkundeni nga rutina.

    PESHQIT

    Dashuria do të jetë në plan të parë këtë javë për të lindurit në shenjën e Peshqve. Kohët e fundit keni hedhur shumë hapa të gabuar. Rrezikoheni të dëmtoheni shumë nëse nuk veproni shpejt. Merreni situatën në dorë dhe tregoni se interesoheni vërtet për njerëzit që ju qëndrojnë pranë. Nuk ka nevojë për gjeste demonstrative, bëjeni të qartë praninë tuaj dhe shprehni ndjenjat tuaja më të sinqerta. Nëse dështoni, ndoshta është koha për të ndryshuar diçka.

  • Aksident i frikshëm, makina futet poshtë kamionit, dy të rinjtë janë në gjendje të rëndë për jetën

    Aksident i frikshëm, makina futet poshtë kamionit, dy të rinjtë janë në gjendje të rëndë për jetën

    Një aksident i rëndë ka ndodhur mesditën e kësaj të hëne në aksin Prrenjas-Librazhd, në Qukës Qendër.

    Sipas informacioneve praprake mësohet se një automjet është përplasur me një mjet të tonazhit të rëndë.

    Thuhet se makina ka përfunduar poshtë kamionit dhe si pasojë kanë mbetur të plagosur dy të rinj të cilët ndodheshin në mjet.

    Menjëherë ata janë nisur drejt spitalit dhe raportohet se janë në gjendje të rëndë për jetën, të plagosurit po transportohen me helikopter drejt spitalit të Traumës.

    Ndërkohë, policia ka shkuar në vendin e ngjarjes dhe po punon për zbardhjen e plotë të aksidentit.

  • ‘La gruan të flinte me meshkuj të tjerë, me kushtin që në mbrëmje të vinte në shtëpi, ja çfarë i kërkon tani gruaja burrit të saj?

    ‘La gruan të flinte me meshkuj të tjerë, me kushtin që në mbrëmje të vinte në shtëpi, ja çfarë i kërkon tani gruaja burrit të saj?

    Mashtruesit nuk përparojnë kurrë, përveç nëse bashkëshorti i tyre e fal atë. Një burrë britanik thotë se marrëdhënia e tij me të dashurën e tij është forcuar pasi ai i sugjeroi asaj të flinte me djem të tjerë ndërsa ai ishte në punë.

    Matt, i cili nuk pranoi të jepte mbiemrin e tij, foli për marrëdhënien e tij të zjarrtë katërvjeçare me Zoe në një intervistë për serialin YouTube “Love Don’t Judge”. 36-vjeçari tha se ai dhe Zoe, 31 vjeç, ishin takuar vetëm për disa muaj kur ai i sugjeroi asaj të fillonte marrëdhënie seksuale me burra të tjerë.

    Kur ranë dakord për të, isha i lumtur, sepse më kishin mashtruar më parë, kështu që isha mjaft i lumtur që gjeta dikë që nuk do të mashtronte.

    Marrëveshja jokonvencionale ndihmoi në eliminimin e paranojës që kishte depërtuar në marrëdhëniet e mëparshme të britanikut, ndërkohë që hapi nivele të reja besimi, intimiteti dhe komunikimi me Zoe. Seancat e seksit të Zoe u zhvilluan ndërsa Matt ishte në punë, por kjo nuk do të thoshte se ai duhej të humbiste argëtimin. Ai i propozoi Zoe të regjistronte rrahjet e saj me meshkujt e huaj, një kërkesë e çuditshme me të cilën ajo ra dakord.

    Do të më dërgonit fotografi, video. Përfundova duke u përfshirë në të praktikisht… Ishte si pornografia ime amatore, tha ai.

    Matt i tha programit se të gjithë partnerët seksualë të Zoes ishin “të rinj” dhe “të pashëm” dhe pranon se kjo mund t’i shkaktojë atij të ndiejë pak xhelozi.

    Është një ndjenjë mjaft e bukur, edhe pse është xhelozi. Sepse në fund të ditës ju e dini që jeni përfshirë dhe ajo po kthehet në shtëpi tek unë.

    Menjëherë pasi ajo filloi të bënte seks me të huajt, Zoe sugjeroi që i dashuri i saj të fillonte të flinte edhe me gra të tjera, por Matt i trembur tha se ai hezitonte ta bënte këtë. Ai i tha Zoes:

    Unë kurrë nuk kam dashur të fle me dikë tjetër. Por ti doje të më shihje ta bëja atë.

    Ai përfundimisht ra dakord dhe pas katër vitesh çifti është ende në lidhjen e tyre pothuajse të hapur, megjithëse kanë rregulla strikte. Çifti nuk mund t’i mbajë sekrete njëri-tjetrit dhe nuk i lejohet të pengojë tjetrin të flejë me ndonjë person të veçantë që nuk i pëlqen.

    Zoe dhe Matt të dy kanë fëmijë dhe thonë se përfundimisht do të diskutojnë romancën e tyre jokonvencionale kur pasardhësit e tyre të jenë mjaft të rritur për ta kuptuar. Ndërkohë, çifti i çuditshëm thotë se do të vazhdojnë të flenë me njerëz të tjerë dhe do të injorojnë urrejtësit e tyre. TAR

  • Kjo shenjë e horoskopit do ketë shpenzime të shumta, Meri Shehu bën parashikimin edhe për Luanët: Janë të gatshëm erotikisht…

    Kjo shenjë e horoskopit do ketë shpenzime të shumta, Meri Shehu bën parashikimin edhe për Luanët: Janë të gatshëm erotikisht…

    Astrologia e njohur, Meri Shehu, ishte sot e ftuar në emisionin “Wake Up” në Top Channel, ku bërë parashikimin e secilës shenjë të horoskopit për muajin qershor.

    Sipas saj, Gaforret duhet të bëjnë kujdes pasi do kenë shpenzime të mëdha. Nga ana tjetër, Luanët do te kenë një dilemë në lidhje mbi një marrëdhënie që kanë.

    “Gaforret do të shpenzojnë shumë para. Kujdes që tani Gaforret se në shumë ditë këtij muaji do të bëjnë shpenzime të shumta. Do joshen shumë nga gjëra të shtrenjta, do xhelozojnë për gjëra të shtrenjta, do xhelozojnë pasionet e mëdha të të tjerëve. Do futen në disa limane të pa shkelura dhe aty nuk dihet dalin sirenat, peshkaqenët, ça del tjetër.

    Shkojmë të Luanët, të cilët do ndihen të kurorëzuar bukur sepse Afërdita, princesha e dashurisë, futet në shenjën e tyre dhe iu jep një sharm, benefit të mirë dhe një siguri. Mund të luajnë me ndjenjën me pasionet.

    Por një dashuri e pamundur mund të dalë në pah këto 3-4 ditët e para ose një problematikë me energjitë, pasionet që mund të ndikojnë në shenjën e tyre. Ka njerëz që kanë ca vështrime, që e bëjnë një Luan të gatshëm erotikikisht të bjerë për tokë. Ky mund të mos jetë një pasion i vërtetë, ose mund të jetë i vërtetë por që i fut në dilema të mëdha”, tha Meri Shehu.

  • Spartak Ngjela zbulon planin e Serbisë për tensionet në veri të Kosovës, ja pse Kurti s’mund të tërhiqet

    Spartak Ngjela zbulon planin e Serbisë për tensionet në veri të Kosovës, ja pse Kurti s’mund të tërhiqet

    Avokati Spartak Ngjela ishte këtë të hënë në Euronews Albania ku komentoi edhe zhvillimet e fundit në veri të Kosovës. Ai tha se veprimet e Kurtit janë tërësisht brenda normës juridike dhe se nëse do kishte vepruar ndryshe do kishte gabuar.

    Sipas Ngjelës abstenimi i partisë Lista Serbe nga zgjedhjet në Kosovë ishte një “kurth” i përgatitur nga Serbia, në të cilin Kurti nuk ra, pasi ata kanë dashur që zgjedhjet të mos bëheshin e këto komuna të kërkonin shkëputjen nga Kosova.

    Avokati shtoi se kryeministri i një vendi nuk mund ta lërë vendin pa drejtim vetëm se shumica abstenon duke shpjeguar se nëse kjo ndodh, atëherë shumica detyrohet të pranojë të udhëhiqet nga pakica.

    “Abstenimi është në favor të kundërshtarëit, po u tërhoqe nga zgjedhjet pakica fiton dhe bëhet shumicë. Ata nuk u treguan naiv, por ata dështuan. Ata menduan se nëse do tërhiqeshin zgjedhjet nuk do bëheshin dhe do fillonin të shkëepusnin veriun. Kurti e kuptoi, bëri zgjedhjet brenda normës absolute juridike.

    Se është normë absolute që po u tërhoqe ti unë nuk mund të pa zgjedhje dhe pa drejtim. Ata ikën nga të gjithë administrata, si do i linte Kurti pa administratë? Që ata të kërkonin pavarësinë? Se s’mbetej gjë tjetër. Kurti nuk mund të tërhiqet, ai i ka marrë komunat”,-tha Spartak Ngjela.

  • Aksident i rëndë në vend, ka të plagosur

    Aksident i rëndë në vend, ka të plagosur

    Dy persona ndodhen në gjendje të rëndë si pasojë e një aksidenti që ka ndodhur në aksin Librazhd-Prrenjas.

    Sipas informacioneve mësohet se ngjarja ka ndodhur në afërsi të fshatit qafë Qukës, ku paraprakisht dyshohet se një automjet i tonazhit të rëndë është përplasur me një tjetër makinë.

    Si pasojë e aksidentit janë lënduar dy persona të cilët ndodhen për ndihmë mjekësore në spitalin e Librazhdit.

  • Edi, gjirokastriti i burgosur për drogë bën art nga qelia (Video)

    Edi, gjirokastriti i burgosur për drogë bën art nga qelia (Video)

    Edvin Shollo nga Gjirokastra, vuan në Burgun e Fierit dënimin me 3 vite e 4 muaj për trafikim të narkotikëve…

    Ai ka vendosur që ditët e qëndrimit në burg ti kalojë ndryshe duke krijuar piktura murale ku paraqet Kalanë e Gjirokastrës, atë e Krujës, apo Apolloninë antike, të cilat shfaqen jo më larg se 40 metra sapo hapet porta kryesore e Institucionit.

    Teksa e gjejmë duke punuar mbi një tjetër pikturë në muret e burgut ku po vuan dënimin, atë të shtëpisë ku u mbajt Kongresi i Lushnjes, ai tregon se këto vepra kanë një domethënie të madhe për të.

    “Jam i dënuar në burgun e fierit për trafikim narkotikësh, punoj ndonjë pikturë, nga historia, I kam bërë vet sepse kam mbaruar edhe shkollën për pikturë. Është më mirë të merresh me dicka, kalon më mirë koha, por ke edhe lehtësira… Në burg bien ministra por edhe piktorë, (qesh)tani po bëj shtëpinë e kongresit të Lushnjës…-thotë Shollo.

    Pikturat e Edvin Shollos, nuk janë të vetmet në muret e Burgut të Fierit. një park i gjelbëruar, një rrugicë e pastër dhe me lulishte dhe fasadat me piktura murale, janë kthyer nga të dënuarit në një ekspozitë arti.

    Të punuara ndër vite, janë edhe portretet e figurave historike, ai i Skënderbeut, Nënë Terezës apo Ismail Qemalit.

    Angazhimi me punë në burg u krijon të dënuarve mundësi për të kërkuar uljen e dënimit por pasqyrohet si sjellje e mirë dhe rehabilitim në dosjen që mban stafi për secilin prej tyre.