Shqiperia Ime

Author: editor

  • Vrau pronarin, Tony rrëfen krimin pas 15 vitesh: Ai ishte njeri i mirë, ia mora jetën me kaçavidë

    Vrau pronarin, Tony rrëfen krimin pas 15 vitesh: Ai ishte njeri i mirë, ia mora jetën me kaçavidë

    Kemi dëgjuar rrallë për kriminelë që shfaqin pendesë, sidomos kur i kanë marrë jetën një njeriu. Tony Peralta nga New Mexico është një prej tyre.

    Edhe pse i dyshuar për vrasjen e pronarit të tij William Blodgett në Dhjetor të 2008-ës, ai nuk u prangos kurrë pasi nuk kishte fakte për ta provuar një gjë të tillë. Por, pas 15 vitesh Peralta vendosi ta rrëfejë vetë krimin që kishte kryer.

    Mediat e huaja shkruajnë se muajin e kaluar, 37-vjeçari mori hua një telefon dhe komunikoi me policinë duke e thënë hapur se ai kishte vrarë pronarin e tij.

    “Shumë njerëz kanë një justifikim, unë nuk kam,” i tha ai një detektivi. Autoritetet bëjnë me dije se në momentin që ai është arrestuar, ka përsëritur vazhdimisht se çfarë kishte bërë me detaje, që nga mënyra si e kishte vrarë e deri te vendi ku kishte varrosur trupin e të ndjerit.

    “Jam lodhur duke e fshehur, jam lodhur me jetën time. Kam vrarë dikë e kupton, e vrava me kaçavidë!”, mësohet t’u ketë thënë i riu oficerëve të policisë. Gjatë momentit që rrëfehet, atij nuk i mungojnë as lotët.

    “Ai ishte një njeri i mirë, ja mora jetën pa arsye”, shton ai më tej.

    Ky rast ishte lënë në harresë prej kohësh pasi asnjë nga pistat nuk i kishte çuar hetuesit drejt zbulimit të së vërtetës. Më 3 Janar të 2009-ës ishte djali i viktimës, Greg ai që denoncoi zhdukjen e të atit.

    Asokohe policia dyshoi te Peralta pasi ekzistonin dëshmi për një konflikt mes tij dhe pronarit. Peralta jetonte me qira në një nga banesat e viktimës, dhe e gjitha nisi kur ky i fundit i kërkoi të largohej.

    Tashmë Peralta do të përballet me akuzën për vrasje të shkalllës së parë.

  • Dea Michelle i jep “goditjen” e papritur Luiz Ejllit, ja detaji i ri që mori vëmendje

    Dea Michelle i jep “goditjen” e papritur Luiz Ejllit, ja detaji i ri që mori vëmendje

    Ndonëse “Big Brother” ka mbaruar, personazhet që dolën nga ky format, vijojnë të mbeten të preferuarit e publikut, duke mbajtur edhe shifrat më të larta në rrjetet sociale, si çdo të premte, “Top Albania Radio”, vijon të bëjë një përmbledhje të shifrave në “Instagram”, për të parë sesi kanë ndryshuar numrat e tyre.

    E me gjithë famën dhe popullaritetin që ka Luizit, duket se surpriza këtë javë, ka qenë pikërisht fakti se një nga ish-banorët ia ka kaluar, të paktën me shifrat e ndjekësve në “Istagram”.

    Kristi Aliaj dhe Keisi Medini kanë qenë mjaft të komentuar si brenda edhe jashtë shtëpisë së “BBV2” për shkak të lidhjes që patën. Pas daljes, Kristi u shpreh se gjithçka ka mbaruar dhe nuk ka komunikim me Keisin, por duket se gjërat nuk janë tamam ashtu.

    Së fundmi, Kristi dhe Keisi janë parë në shoqërinë e njëri-tjetrit gjatë një eventi, duke qëndruar të dy në një tavolinë. Ai ka shtuar 2 mijë fansa në “Instagram”. Luizi dhe Kiara fotografohen herë pas here nëpër rrugët e Tiranës.

    Por sigurisht nuk mungojnë as postimet në profilet e tyre në rrjetet sociale, ku shfaqen së bashku. Së fundmi Kiara ka postuar në “Instastory” dy foto ku shfaqet një kënd i shtëpisë dhe ndjekësit menjëherë kanë nisur që të aludojnë se është banesa e re e çiftit. Gjithashtu dhe Kiara ka shtuar 2 mijë ndjekës më shumë në “Instagram”.Nita Latifi ishte vetëm një hap larg finales së madhe të “Big Brother VIP”, por ende konsiderohej si një prej lojtareve më të forta. Këngëtarja i është futur tashmë punës për krijimin e projekteve të reja muzikore. Këtë javë ajo ka fituar 2 mijë ndjekës. Olta Gixhari ka qenë gjithashtu një nga personazhet më komentuara.

    Së fundmi po përflitet dhe për një film që do bëjë së bashku me Luizin. Këtë javë ajo ka shtuar 4 mijë fansa në “Instagram”. Si për çudinë e të gjithëve, këtë javë në vend të dytë renditet Luiz Ejlli me 5 mijë ndjekës më shumë nga java e kaluar. Ai ka vendosur të telefonojë me “video call” një ndjekëse, e cila quhet Kristina dhe jeton në Greqi.

    Këngëtari ka pohuar se kishte po aq emocione sa zonja Kristina, duke shkruar edhe një shkrim falënderues për të gjithë.
    Vendi i parë për këtë javë shkon për Dea Mishel, me 7 mijë ndjekës më shumë, duke ia kaluar kështu Luizit. Së fundmi Dea ka folur rreth programit “She’s On Top”, ku do të jetë në juri së bashku me Kristin dhe ka treguar se si do të jetë bashkëpunimi mes njëri-tjetrit.

  • U gjet i vrarë me armë zjarri në banesë në Itali, identifikohet 20-vjeçari shqiptar, zbardhen detajet tronditëse

    U gjet i vrarë me armë zjarri në banesë në Itali, identifikohet 20-vjeçari shqiptar, zbardhen detajet tronditëse

    Është identifikuar 20-vjeçari shqiptar i cili humbi jetën ditën e djeshme në Itali, pasi u godit me armë zjarri në shtëpinë e tij në zonën e Piaçenza-s.

    Mediat italiane bëjnë me dije se i riu që ka humbur jetë është identifikuar si Enriko Aliaj, ku si i dyshuar kryesor mbi ngjarjen është vëllai i viktimës.

    Ende nuk dihen motivet e plota mbi ngjarjen e rëndë dhe rrethanat sesi ka ndodhur, por autor i dyshuar është marrë vëllai i viktimës 18-vjeçar i cili jetonte me të së bashku me prindërit dhe një motër më të vogël.

    Ndërkohë prokurori ka urdhëruar një sërë hetimesh të mëtejshme, përfshirë autopsinë e trupit të 20-vjeçarit, ndërsa karabinierët po punojnë për disa dëshmi të miqve dhe fqinjëve, si dhe për origjinën e armës e cila u gjet në shtëpi me të cilën është qëlluar i riu.

  • E pabesueshme çfarë bën ky çift në sy të fëmijëve(Video)

    E pabesueshme çfarë bën ky çift në sy të fëmijëve(Video)

    Të gjithë prindërit janë me idenë që në sy të fëmijës duhet të jesh sa më I kujdesshëm me veprimet që bën apo fjalët që thua, pasi jë një shembull për të.

    Mirëpo ky çift që do t’ju prezantojmë bën përjashtim.

    Në videon e mëposhtme do të shihni se si çifti teksa janë të shtrirë në shtratin e gjumit, bëjnë edhe ushtrime. Madje në sy të fëmijëve, e ndërsa të vegjëlit po luanin në mënyrë të pakontrolluar.

    Do të mjaftontë një hedhje e fëmijëve në shtrat dhe kjo video do ju dilte “huq” këtyre dy prindërve.

  • Detaje të reja nga Saranda! Dy të plagosur, arratiset “Radari”

    Detaje të reja nga Saranda! Dy të plagosur, arratiset “Radari”

    Zbardhen detaje të reja nga plagosja mesditën e sotme në Sarandë. Ngjarja ndodhi rreth orës 14:00, në lagjen nr.2.

    Fatmir Jashari 52-vjeç pas një konflikti plagosi me thikë Edmond Sulon dhe Spiro Llambrin. Fatmir Jashari, peshkatar është i njohur me pseudonimin “Radari”.

    Dy të dëmtuarit ndodhen në spital, jashtë rrezikut për jetën. Shërbimet e policisë kanë shkuar menjëherë në vendngjarje dhe janë vënë në ndjekje të autorit të dyshuar, me qëllim kapjen e tij.

    Grupi hetimor ndodhet në vendngjarje dhe nën drejtimin e Prokurorisë dhe po punon për sqarimin dhe zbardhjen e plotë të rrethanave të ngjarjes.

  • Helmim nga uji? Qytetarët në Bulqizë kërkojnë ndihmë në spital

    Helmim nga uji? Qytetarët në Bulqizë kërkojnë ndihmë në spital

    Gazetari Enver Doçi thotë se mbi 50 persona në fshatin Gjoricë të Bulqizës janë paraqitur në qendrën shëndetësore të këtij fshati me shenja helmimi.

    Personat e paraqitur janë të moshave të ndryshme por me simptoma të njëjta, të vjella e diarre.

    Dyshimet e para janë se helmimi ka ardhur si rezultat i kontaminimit të ujit të pijshëm i rrjetit të ujësjellësit që furnizon gjithë Gjoricën.

    Fjalën e fundit do ta thotë Njësia Vendore e Kujdesit Shëndetësor Bulqizë pas analizave. Kjo nuk është hera e parë që ndodh një gjë e tillë.

  • Krim i rëndë brenda familjes/ Babai 86-vjeçar masakron vajzën e tij, e shtyp me makinë

    Krim i rëndë brenda familjes/ Babai 86-vjeçar masakron vajzën e tij, e shtyp me makinë

    Një 86-vjeçar në Bari të Italisë, Vincenzo Formica, u ndalua nga karabinierët me akuzën se kishte goditur dhe vrarë vajzën e tij 54-vjeçare Mariangela, në fund të një mosmarrëveshjeje për arsye familjare.

    Policia, e cila ndërhyri pas një denoncimi, gjeti trupin e gruas të shtrirë në tokë në një rrugë private. Nga hetimet u zbuluan pista të rënda ndaj personit me precedentë dhe i cili u arrestua dhe u dërgua në burg me akuzën e vrasjes

  • “Përjetësisht”, projekti më i ri muzikor nga Luiz Ejlli pritet të publikohet sot…

    “Përjetësisht”, projekti më i ri muzikor nga Luiz Ejlli pritet të publikohet sot…

    Vetëm para pak javësh, këngëtari Luiz Ejlli përfundoi eksperiencën e tij në Big Brother ku edhe fitoi çmimin e madh. Pjesëmarrja e tij bëri që ai t’i kthehej skenës dhe të punojë për projekte të reja.

    Pa kaluar një javë, një super lajm erdhi nga moderatori dhe aktori Donald Veshaj dhe kishte të bënte pikërisht me një këngë me Luizin. Ata publikuan një video në instagram, përmes së cilës ka paralajmëruar projektin e tyre dhe më pas kënga, titulluar ”Dy shotsa”.

    E duket se fituesi i ‘BBV 2’ nuk ka ndërmend të humbë kohë dhe do të sjellë për ndjekësit e tij një tjetër projekt muzikor me titull ‘Përjetësisht’, por këtë herë jo në bashkëpunim. Për të gjithë ju që po e prisni me padurim, nuk do t’ju duhet të prisni gjatë pasi kënga do të publikohet sot në orën 19:00. Fansat e tij mund të jenë të entuziazmuar për të dëgjuar zërin dhe stilin e tij unik në muzikë.

    Ju rikujotjmë se, pas daljes së tij nga shtëpia kanë nisur gjithashtu aludimet se lidhja mes tij dhe Kiara Titos ka përfunduar. Ata kanë postuar mjaft shpesh, duke i përbuzur këto gënjeshtra.

    Së fundmi, Kiara ka postuar në llogarinë e saj në Instagram një foto me Luizin, duke mbyllur “gojët e liga”.

  • SPAK i sekuestroi pasuritë, familja e Ervis Martinajt rekurs në Gjykatën e Lartë: Janë krijuar me burime të ligjshme

    SPAK i sekuestroi pasuritë, familja e Ervis Martinajt rekurs në Gjykatën e Lartë: Janë krijuar me burime të ligjshme

    Familjarët e Ervis Martinajt kanë bërë rekurs në Gjykatën e Lartë, për pasuritë e sekuestruara nga SPAK.

    Ata kërkojnë heqjen e sekuestros me pretendimin se pasuritë janë krijuar me burime të ligjshme.

    Çështja do të shqyrtohet nga gjyqtari Sandër Simoni.

    Prokuroria e Posaçme, në bazë të ligjit Antimafia, ka sekuestruar pasuritë në emër të Martinajt dhe familjarëve të tij, me argumentin se dyshohet të jenë krijuar nga aktivitetet kriminale.

    Ndër pasuritë e sekuestruara janë apartamente, toka, aksione kompanish e automjete.

    SekuestrimiSipas të dhënave zyrtare u bë me dije se Policia dhe SPAK ekzekutuan vendimin për sekuestrimin e 34 pasurive të Martinaj dhe familjarëve të tij, pasi dyshohen se janë vënë përmes veprimtarisë kriminale. Kontrollet janë ushtruar në Kurbin e Fushë-Milot, aty ku janë sekuestruar edhe pjesa më e madhe e pasurive, pasi kjo është edhe zona e cila kontrollohej nga Martinaj dhe ‘ushtarët’ e tij.

    Hetimi po vijon për të vërtetuar nëse Martinaj ka pasuri të fshehura apo të regjistruara në emra të miqve të tij.

    Vendimi është firmosur nga gjyqtari Erjon Bani më 21 janar, por ekzekutimi është bërë më 15 shkurt. Vlera e pasurive të sekuestruara llogaritet disa milionë euro. Ndër pasuritë e sekuestruara janë disa biznese në emër të Martianajt, disa në Tiranë, ndërsa pjesa tjetër më e madhe janë në emër të prindërve Mustafa dhe Vasilika, motrave Erjona dhe Drenica, si edhe në emër të bashkëshortes së tij, Roberta Martinaj.

    LISTA E PASURIVE TË SEKUESTRUARA

    Aksionet e KING KASINO, ku aksioner është 100% Ervis Martinaj
    50 % të aksioneve të shoqërisë “ALBA TELECOMMUNICATION”, në emër të Ervis Martinaj
    Aksionet e shoqërisë “MATI UNION”, ku aksioner është 100% Mustafa Martinaj
    Aksionet e shoqërisë “MARTINAJ E.M”, ku aksioner është 100% Mustafa Martinaj
    Subjekti “Ervis Martinaj”
    Shoqëria “REAL FENIX”, ku aksionere është 100% Roberta Martinaj
    Subjekti “Drenica Martinaj”
    Subjekti “V.K”
    Shoqëria “S.P.E Energy” shpk ku aksioner është 100% V.K
    21% e aksioneve dhe aseteve te shoqëria “S.P.E Gjadër” të zotëruara nga “S.P.E Energy” shpk ku
    aksioner është 100% V.K
    Një automjet ‘Smart’, modeli ‘Passion’ në pronësi të Erjona Martinaj
    Një automjet ‘Land Rover’, modeli ‘Discovery’ në pronësi të Erjona Martinaj
    Një automjet ‘Mercedez-Benz’, modeli GLK 350, në pronësi të Vasilika Martinaj
    Një automjet ‘Fiat’, modeli ‘Fiesta’, në pronësi të Vasilika Martinaj
    Një automjet BMW, modeli M 550, në pronësi të Vasilika Martinaj
    Një pasuri me sip.82 m2 në lagjen “Pavarësia”, Vlorë në pronësi të Drenica Martinaj dhe një arë në
    Piqeras, Sarandë në pronësi të Ervis dhe Roberta Martinaj
    Një njësi me sip. 137 m2 në pronësi të Vasilika Martinaj
    Një ullishte me sip.9 800 m2, në Dobresh, Tiranë
    Një arë 3 815 m2 në Fushëkuqe, Kurbin
    Arë me sip.7 000 m2 në Patok
    Arë në Fushëkuqe, Kurbin sip.12 145 m2
    Arë në Patok, Kurbin me sip.1 973 m2
    Arë në Patok, Kurbin me sip. 7050 m2
    Arë dhe truall me sip.1 975 m2 në Fushë-Milot, Kurbin
    Arë me sip.1. 632 m2 në Fushë-Milot, Kurbin
    Truall dhe ndërtesë me sip.300 m2 në emër të Mustafa dhe Vasilika Martinaj
    Arë me sip. 2. 543 m2 në Fushëkuqe, Kurbin
    Arë dhe ndërtesë me sip.410 m2 në Fushëkuqe, Kurbin në emër të Mustafa dhe Vasilika Martinaj
    Arë me sip. 120 m2 dhuruar nga Ervis Martinaj shtetases Bisere Hato
    Truall dhe ndërtesë 580 m2 dhuruar nga Ervis Martinaj shtetases Bisere Hato
    Apartament në rrugën “Dervish Hima”, me sip.105 m2, dhuruar nga Ervis Martinaj shtetases Gelmona Tarja
    Ullishte 2000 m2 në fshatin Gjilekë, Dhërmi
    Pasuri aktualisht në pronësi të shtetasit Fatmir Ahmet Vuthaj.
    Llogari kursimi për fëmijë.

  • “Dashuria nuk njeh moshë”, 19 vjecari i propozon për martesë 76-vjeçares dhe i shtang të gjithë: E dua!

    “Dashuria nuk njeh moshë”, 19 vjecari i propozon për martesë 76-vjeçares dhe i shtang të gjithë: E dua!

    Një 19-vjeçar dhe e dashura e tij 76-vjeçare janë bërë viralë në TikTok. Ata thonë se dashuria e vërtetë nuk ka moshë.

    Së fundmi, Giussepe D’Anna,19 vjeç pushtoi internetin pasi zbuloi se i kishte propozuar të dashurës së tij, e cila është 76 vjeç.

    Në një video, e cila është parë mbi 16.1 milion herë në rrjetet sociale, i riu shihet i gjunjëzuar me një tufë tullumbacesh në dorë dhe duke puthur me pasion të dashurën e tij pasi i propozon.

    ”La nostra promessa” shkruan ai krahas videos, e cila do të thotë “premtimi ynë.”

    19-vjeçari, i cili ka grumbulluar afër 190,000 fansa në TikTok , ndau gjithashtu një imazh të një unaze mahnitëse.

    “Dhe ky është vetëm fillimi i një serie të gjatë,” tha ai pavarësisht reagimit të komentuesve në rrjetet sociale.

    Pas zbulimit të moshës së tyre, e fejuara e Xhuzepesë është quajtur nga komentuesit edhe gjyshja e tij në disa raste, shkruan The Sun.

    Nuk është hera e parë që një çift me diferencë moshe bëhet viral në rrjetet sociale./abcnews.al/