Author: editor

Sot pritet të jetë përsëri një ditë me reshje intensive në qarqet Durrës, Tiranë, Fier dhe Vlorë, ndërsa në qarqet e tjerë priten reshje mesatare.

Po ashtu reshjet e shiut do të shoqërohen me shtrëngata në të gjitha qarqet.

Temperaturat minimale dhe maksimale të ajrit pritet të arrijnë në bregdet nga 19 deri në 24 °C, në vendet e ulëta nga 17 deri në 26 °C dhe në vendet malore nga 13 deri në 23 °C.

Ndërsa era pritet të fryjë e lehtë deri mesatare.

Boksieri, Robin Krasniqi e ka fituar titullin WBC Silver në kategorinë e peshës gjysmë të rëndë.

Pas nëntë raundeve në stadiumin “Fadil Vokrri”, Krasniqi mposhti boksierin francez Nadjib Mohammedi.

Krasniqi e fitoi ndeshjen pasi gjyqtarët e skualifikuan Mohammedin për shkak të gabimeve të njëpasnjëshme, edhe pse ai ishte duke avancuar me pikë.

Krasniqi pas përballjes, ka falënderuar tifozët për mbështetje dhe shtoi se realizoi ëndrrën e tij.

“Falënderoj të gjithëve që plot 18 vite më keni mbështetur, ëndrrën e realizova, premtimin e mbajta. Jam i juaji gjithmonë, besoj që edhe dy vjet do më shihni e do të qëndrojë i fort,” tha Krasniqi.

Po ashtu edhe Nadjib Mohammedi ka falënderuar Krasniqin dhe tha se do të shihen në ndeshjen e kthimit.

“Faleminderit shumë Kosovë, faleminderit shumë Zot, faleminderit shume Robin Krasniqi. Shihemi në ndeshjen e kthimit, sigurisht qe do te kete ndeshje te kthimit,” tha boksieri.

Një aksident është shënuar mëngjesin e sotëm rreth orës 07:30 në hyrje të qytetit të Fierit.

Dy automjete janë përplasur me njëri-tjetrin dhe si pasojë e goditjes së fortë janë lënduar 10 persona.

2 prej të plagosurve nga ky aksident janë gra të cilat janë dërguar drejt spitalit, 2 drejtuesit e mjeteve si dhe 6 pasagjerët nga të dyja makinat.

Në vendngjarje ka mbërritur menjëherë ambulanca dhe policia. Kjo e fundit po heton shkaqet që çuan drejt këtij aksidenti.

Nënë e bijë nga Kosova kanë vdekur si pasojë e një aksidenti që ka ndodhur mbrëmë në Kroaci, ndërsa, babë e bir janë lënduar dhe po trajtohen në spitalin e Splitit.

Në aksident ka vdekur edhe një person nga Zara e Kroacisë, shkruajnë mediat kroate.

Aksidenti ka ndodhur rreth orës 23:00 në dalje të Ravçës në autostradën A1.

Qytetarët nga Kosova kanë qenë duke vozitur një veturë të tipit BMW kur janë aksidentuar me automjetin e tipit Volkswagen.

Nuk dihet ende se si ka ndodhur aksidenti dhe pritet që të dalë raporti.

Një gjest i bukur ka ndodhur në aeroportin “Nënë Tereza” në Tiranë, ditën e sotme.

Disa pasagjerë shqiptarë nga Mali i Zi, kanë harruar në aeroport një çantë me 40.000 dollarë brenda. Pasi kanë mbërritur në Tuz, kanë vënë re që çantën nuk e kishte me vete.

Megjithatë, ata kanë arritur ta marrin pasi personeli i aeroportit ishte kujdesur që askush të mos e merrte, duke ua rikthyer pronarëve.

“Ky është një gjest njerëzor dhe dëshmi se Shqiptari është i Besës dhe burrërisë, me zemër të bardhë dhe bujar. Çanta u muar nga i Zoti. Falenderojmë nga zemra të gjithë personelin e aeroportit “Nënë Tereza” Tiranë!,”-shkruan shqiptari nga Tuzi.

Moti i keq ka goditur Slloveninë të premten, duke lënë të vdekur 3 persona dhe duke evakuuar qytetarët e tjerë. Për pasojë të reshjeve të shumta dhe erës së fortë, ka dëme materiale në rrugë si dhe janë prishur shumë ura.

Agjencia e Mjedisit të Sllovenisë, ka ngritur alarmin pas shirave të rrëmbyeshme që kanë goditur më së keqi pjesë veriore, veriperëndimore dhe qendrore të shtetit. Ekspertët thonë se moti ekstrem po nxitet pjesërisht nga ndryshimet klimatike, ndërsa në një pjesë të Evropës janë regjistruar temperatura përvëluese dhe janë përballur me zjarre gjatë kësaj vere.

Ndërkohë breshëri i madh nxori borëpastruesit nga rrugët në Reutlingen, Gjermani, ndërsa përmbytjet në Slloveni vranë tre persona. Makinat e borës dolën në rrugët e Gjermanisë jugperëndimore në mes të verës, pasi një stuhi e fortë me breshër goditi vendin.

Një grua ka abuzuar seksualisht me vajzën e saj 10-vjeçare dhe gjithashtu ka rënë dakord që vajza të kryente marrëdhënie seksuale me një person të arrestuar më parë për krime seksuale.

Elizabeth Spaeth, 37-vjeçe, është arrestuar nga policia e Live Oak, ditën e enjte, me akuzën për abuzim të vazhdueshëm seksual me një fëmijë, krim i shkallës së parë.

Policia ka marrë një telefonatë nga një apartament, i gjendur në qytetin e Teksas, vetëm tre ditë më parë.

Sipas dëshmitarëve, Spaeth i ka treguar policisë se ajo nuk ishte në dijeni që fëmijët e saj gjendeshin vetëm në shtëpi me një person të arrestuar më parë për krime seksuale.

I akuzuari për abuzime seksuale quhet Jarrad Kirkus, 40-vjeç, nga Teksas.

Detektivët kanë treguar për “Express-News” se ata kanë zbuluar disa mesazhe të shkëmbyera në rrjetin social “Snapchat” mes Kirkus dhe Spaeth.

Dyshja kishte komunikuar se si mund ta organizonin një takim që Kirkus dhe vajza e Spaeth të kryenin marrëdhënie seksuale, raporton gazeta.

Në mesazhet e gjetura, Kirkus i ka kërkuar Spaeth nëse ai mund të kryente marrëdhënie seksuale me vajzën e saj 10-vjeç dhe ajo ka pranuar menjëherë.

Spaeth është arrestuar dhe fëmijët e saj janë marrë nën kujdestarinë e policisë.