Author: editor

Mjekja pediatre, Adriana Ilias ftuar në emisionin “Kjo Javë” foli për pasojat e temperaturave të larta në vend, ku tha se më të rrezikuarit janë fëmijët dhe mosha e tretë.

Sakaq, pediatrja Ilias u ndal te përdorimi i kondicionerëve, ku tha se temperatura nuk mund të jetë më e ulët se 25 gradë, pasi ka efekte negative.

Virozat janë duke u shtuar, sidomos ato respiratorë si pasojë e kondicionerëve. Për sa i përket kondicionerëve jemi të detyruar ta mbajmë temperaturën 25 gradë celsius por ka dhe efekte negative.

Ky është edhe rekomandim. Moshat më të goditura nga temperaturat e larta janë moshat pediatrike dhe mosha e tretë. I bëj apel prindërve që përgjatë segmenteve 10:00-1700 të mos i nxjerrin fëmijët jashtë në diell, vlen edhe për ata në plazh, pasi mund të pësojnë goditje nga të nxehtit.

Një pjesë madje mund të kalojë në koma apo dhe në dehidrim për shkak të goditjes nga dielli. Gjatë kësaj periudhe duhet konsumuar sa më shumë, 2-3 litra ujë, u shpreh Ilias.

Diola Dosti është një ndër ish-banoret më të përfolura të sezonit të dytë të “Big Brother VIP”.

Teksa ishte në shtëpi, ajo tregoi për vështirësitë që kaloi gjatë ndarjes me bashkëshortin e saj, me të cilin thotë se kanë ende raporte të mira. E ftuar në “S’e luan Topi”, Diola kishte dhe një mesazh për partneren e tij.

“Në para se të ndaheshim u kishim premtuar vajzave që do i çonim me pushime në Turqi. Por u ndamë dhe nuk shkuam dot. Prandaj i thashë hajde merre vajzën, partneren që ke në krah dhe shkojmë me pushime të gjithë së bashku. Nuk shkuam sepse ai tha jo, por unë nuk e kam problem sepse ne do të takohemi shpesh dhe është më mirë të jemi miq se sa armiq. Unë nuk e kam fare problem. Sot ajo është e zgjedhura e tij dhe ajo ka një vlerë për të, ashtu siç unë kam qenë dikur.

Mesazhi im për të është të kujdeset për Dardanin dhe të mos e lëndojë dhe të përpiqet që të jemi në harmoni edhe me vajzat. Unë nuk e urrej dhe me të vërtetë i uroj më të mirat.”- tha Diola.

Një seri rekordesh klimatike mbi temperaturën, nxehtësinë e oqeanit dhe akullin e detit Antarktik kanë alarmuar disa shkencëtarë të cilët thonë se shpejtësia dhe koha e tyre është e paprecedentë. OKB paralajmëron se valët e rrezikshme të të nxehtit në Evropë mund të thyejnë rekorde të tjera, shkruan BBC.

Studimet janë ende në zhvillim por shkencëtarët tashmë kanë frikë se disa skenarë të rasteve më të këqija. Ata shprehen se Toka tashmë nuk mund të eksplorohet, për shkak të ngrohjes globale nga djegia e lëndëve fosile, si dhe fenomenit El Niño.

Këtë korrik bota përjetoi ditën e saj më të nxehtë të regjistruar ndonjëherë në të njëjtin muaj, duke thyer rekordin global të temperaturës mesatare të vendosur në vitin 2016.

Temperatura mesatare globale rekord është shënuar në 17.08 gradë Celsius më 6 korrik, sipas shërbimit të BE-së për monitorimin e klimës. Grafiku me shumë vija që tregon temperaturën mesatare ditore globale të ajrit, me një vijë për çdo vit midis 1940 dhe 2023. Linja e vitit 2023 arrin 17,06C më 6 korrik, duke thyer rekordin e mëparshëm nga viti 2016.

Temperatura mesatare globale në qershor të këtij viti ishte 1,47 gradë Celsius mbi mesataren tipike të qershorit në periudhën para-industriale.

Për sa i përket temperaturës mesatare globale të oqeaneve janë thyer thyer rekorde deri më tani, teksa shifra po i afrohet temperaturës më të lartë të regjistruar ndonjëherë në sipërfaqen e detit.

Por është nxehtësia ekstreme në oqeanin e Atlantikut të Veriut ajo që mbetet veçanërisht alarmuese për shkencëtarët. Këmbanat e alarmit po bien për shkencëtarët teksa përpiqen të zgjidhin lidhjen e saktë me ndryshimin e klimës.

Ngrohja e botës mund të zvogëlojë nivelet e akullit në Antarktidë, por ulja aktuale dramatike mund të jetë gjithashtu për shkak të kushteve lokale të motit ose rrymave oqeanike.

Teksa disa vende të Evropës po përjetojnë temperatura të larta, në veri të Italisë po ndodh e kundërta.

Shteti fqinj është përfshirë nga stuhitë, breshri i fortë, dhe tornadot, të cilat kanë shkaktuar probleme në qarkullim dhe lëndime tek disa qytetarë.

Stuhi të reja dhe breshëri i fortë kanë goditur qytetin e Milanos ndërsa në rajonin e Venetos, breshëri arriti madhësinë e një limoni.

Në Treviglio, në rajonin e Bergamos, një makinë me katër persona u shtyp nga një pemë e shkulur nga era. Ata u plagosën në pjesë të ndryshme të trupit dhe u dërguan në spital për të marrë ndihmë mjekësore.

Dëme të rënda pati dhe në zonën e Breshias, ku dy punëtorë u plagosën pasi u thyen xhamat nga stuhia.

Ndërsa në rajonin e Lompadisë, zyrtarët atje do ti kërkojnë qeverisë së kryeministres Giorgia Meloni të shpallë gjendjen e fatkeqësisë natyrore.

Moti i keq ka dëmtuar të mbjellat dhe pritet t’i kushtojë fermerëve italianë disa miliona Euro.

Kryetari i bashkisë së Gramshit, Besian Ajazi ka reaguar i tronditur për ngjarjen e rëndë, ku u mbytën 4 anëtarët e një familje në liqenin e Banjës.

Ajazi ka deklaruar se bashkia ka marrë vendimin për të përballuar shpenzimet e funeralit për katër bashkqytetarët, ndërsa thekson se do të vijojë të qëndrojë pranë familjarëve duke i mbështetur në vazhdimësi.

Tronditës lajmi tragjik për mbytjen në liqenin e Banjës të katër bashkqytetarëve tanë.

Denis Çali 33 vjeç ka humbur jetën në spital gjatë natës. Mbrëmjen e djeshme, një mjet tip “Range Rover” ka përfunduar në humnerë.

Së bashku me 33-vjeçarin ka qenë dhe një qytetar tjetër me inicialet B.Gj 26 vjeç, i cili nuk ka mundur t’i mbijetojë plagëve të marra dhe ka humbur jetën në ato momente.

Ngjarja e rëndë, ka ndodhur në fshatin Fortuzaj.

Njoftimi: Në vijim të aksidentit të ndodhur në fshatin Fortuzaj, ku një automjet ka humbur kontrollin dhe ka dalë nga rruga, ju informojmë se të dy shtetasit që ndodheshin në automjet, B. Gj., 26 vjeç, dhe D. Ç., 33 vjeç, kanë ndërruar jetë.

Vendi ynë do të vijojë të jetë i prekur nga i ashtuquajturi “i nxehti afrikan”, i cili pritet të dominojë gjithë fundjavën.

Sipas Shërbimit Meteorologjik Ushtarak, depërtimi i masave ajrore me origjinë nga Afrika e Veriut do të bëjë që temperaturat e larta dhe orët e gjata me diell të mbizotërojnë në të gjithë territorin.

Thuajse i gjithë vendi do të mbizotërohet nga temperatura maksimale 37 – 41 gradë Celsius gjatë të shtunës dhe të dielës.

E diela do të jetë edhe më e nxehtë prandaj ju sugjerojmë të shkoni buzë detit. Në Tiranë, Berat të dielën temperaturat do të shkojnë 40 – 41 gradë Celsius.