Author: editor

Elvis Halilaj dhe dy djemtë e tij të mitur, që u mbytën tragjikisht në plazhin e Vilë Bashtovës të dielën, e 9 korrikut, lanë pas dhimbje e varfëri për dy gratë e familjes.

Njëra që ka humbur burrin dhe dy djemtë, kurse tjera që humbi babain dhe dy vëllezërit.

Bashkëshortja e Elvisit dhe vajza, jetojnë në kryeqytet, jo në një banesë të tyren, por në banesën e prindërve të të ndjerit. Të afërmit thonë se me kohë nuk është rënë dakord që kjo shtëpi tu kalonte në pronësi, dhe dy gratë tashmë nuk e dinë se çdo të ndodh më ta. Do të qëndrojnë këtu, apo do ju duhet të largohen.

“Shtëpia nuk është në emrin e tyre. Është në emrin e babait të të ndjerit”, tha një i afërm.

Ceremoninë mortore për tre viktimat e mbytur, babain dhe dy djemtë, nënë e bij, e organizuan me ndihmën e miqve dhe të komshinjve. Nuk kishin as një tapet, apo karrige për të pritur njerëzit që vinin për ngushëllime. Familja Halilaj sot është në borxhe që kryefamiljari i ka marrë në të shkuarën.

Misionin ne duhet ta çojmë deri në fund amanetin e Jusufiut, për të larë ato borxhe që ka, dhe ta ndihmuar familjen.

Të ndjerin Elvisin, Albert Karanxha njeriu që po kujdeset për pjesën tjetër të familjes, e kishte mik të ngushtë. Ishte i pari që mori lajmin tragjik për mbytjen e tij dhe të dy djemve.

“Ka punuar si korrier tek posta jonë dhe më pas ka punuar individualist. Mbante familjen si korrier. Shpërndante pakot. Ka qenë një ngjarje që në jetën tim nuk e kam përjetuar dhe lus zotin që asnjë mos ta përjetoje.

Lus tre gjithë shqiptarët që të kountribojnë për familjen e Jusufit. Linkun e gjeni tek fondacioni “Për njerëzit në Nevojë”. Deri tani janë mbledhur gati rreth 15 mijë euro,” tha Karanxha./Shqiptarja

Virgjëresha, shenja e njohur si më perfeksionistja e zodiakut e ka edhe më të vështirë për të marrë vendime lidhur me hyrjen në një marrëdhënie.

Meri Shehu cilëson në “Rudina” në Tv Klan se kombinimet më të mira për të janë Akrepi me të cilin formon miqësi të forta, Peshqit që i zgjojnë ndjenjën ndërsa Shigjetari i nxjerr në pah anën më të mirë.

Nga 12 shenjat e horoskopit, Virgjëresha nuk arrin dot të gjejë gjuhën e komunikimit me udhëheqësin e tyre.

Meri Shehu: Një Virgjëreshë nuk do shkonte shumë me Dashin, keq fare domethënë, nuk do e kuptonte fare Dashin sepse Dashi vendos për 5 minuta, Virgjëresha vendos për 5 vjet dhe këtu nuk kemi asnjë rezultate midis tyre. një Virgjëreshë do 5 vjet të marrë një vendim që Dashi e merr për 5 minuta kështu që këtu nuk kemi fare balanca, nuk kemi as atë vijën e mesit, as agimin nuk e kemi./tvklan.al

Shkencëtarët zbulojnë se si temperaturat djegëse në të gjithë kontinentin po nxiten nga një anticiklon me presion të lartë “El Niño”- si dhe nga ndryshimet klimatike.

Një valë vdekjeprurëse e të nxehtit e quajtur Cerberus po përhapet në të gjithë Evropën, duke detyruar qytetet përfshirë Romën, Bolonjën dhe Firencen të lëshojnë paralajmërime të alarmit të kuq për shkak të temperaturave ‘të padurueshme’ që janë vendosur të intensifikohen edhe më tej.

Temperaturat pritet të kalojnë 40 gradë Celsius në pjesë të Spanjës, Francës, Greqisë, Kroacisë dhe Turqisë, ndërsa Italia mund të shohë që temperaturat të arrijnë në 48.8 gradë Celsius.

Por çfarë po e shkakton këtë valë të nxehti në të gjithë kontinentin dhe pse Britania e Madhe nuk po përjeton të njëjtat temperatura të larta?

Temperaturat përvëluese po nxiten nga tre faktorë kyç – El Niño, një sistem i palëvizshëm me presion të lartë i njohur gjithashtu si një anticiklon, dhe ndryshimi i klimës.

“Evropa nuk ndikohet veçanërisht nga ngjarjet e El Niño drejtpërdrejt, prandaj ka të ngjarë që sistemi i presionit të lartë dhe ndryshimi i klimës janë kontribuuesit kryesorë në këtë ngjarje të valës së të nxehtit,” tha Dr Melissa Lazenby, një pedagoge në Ndryshimet Klimatike në Universitetin e Sussex.

Sot, Athina dhe Madridi janë ndër qytetet e shumta në temperatura mbi 30 gradë Celsius – duke arritur kulmin në 37 gradë Celsius në kryeqytetin grek dhe 35 gradë Celsius në qytetin spanjoll.

Zyrtarët shëndetësorë kanë lëshuar gjithashtu alarme të kuqe për dhjetë qytete të mëdha në Itali, përfshirë Firencen dhe Romën.

Ndërsa temperaturat do të ulen rreth 32 gradë Celsius për këto qytete sot, Zyra Metologjike pret që temperaturat të rriten në më shumë se 40 gradë Celsius të martën e ardhshme.

Por ishujt italianë të Sardenjës dhe Siçilisë do të mbajnë peshën kryesore të kësaj vape, pasi BBC pretendon se temperaturat arrijnë në 48.8C.

Çështja e inceneratorëve ka ‘plasur’ sërish. Ka qenë SPAK i cili të premten depozitoi kërkesën për heqjen e imunitetit të deputetit për ish zv/kryeministrit Arben Ahmetajt. Mbledhja e Këshillit të Mandateve, e cila duhet të japë autorizimin për heqjen e imunitetit është duke e shtyrë këtë vendim prej 3 ditësh.

Shefi i Organizimit të PD-së, Klevis Balliu është shprehur mbi seancën e sotme në Parlament, ku nuk kanë munguar ‘përplasjet’ mes opozitës dhe mazhorancës. Deputetët dhe Ministrat, ka thënë Balliu kanë dale zyrtarisht në mbrojtje të kësaj afere korruptive.

Klevis Balliu: Sot është e qartë që ajo çfarë ka ndodhur në Parlamentin shqiptar ishte një rast unikal, ku qeveria, deputetë dhe ministra morën në mbrojtje aferën korruptive të inceneratorëve e cila varfëron qytetarët shqiptarë çdo ditë duke u marrë atyre vetëm për Tiranën 80 mijë euro në ditë.

Në një intervistë në FaxNews, me gazetaren Rovena Neziri, Balliu ka ‘numëruar’ zyrtarët e shumtë të qeverisë të cilët tashmë ndodhen pas hekurave. Një qeveri kandidate për në burg, ku megjithëse është shpallur aferë korruptive, ajo vazhdon të varfërojë qytetarët shqiptarë, ka thënë ndër të tjera Shefi i Organizimit të PD-së.

Balliu: Nuk është çështja e një organizimi të mirëfilltë, aty duhet bërë gjithçka kudo. Deputetët në burg, ministrat në burg, një kryetar bashkie është arrestuar sot. Janë një qeveri dhe parti për burg. Afera e inceneratorëve nuk ndalon, vazhdon bën pagesa. Janë të gjithë të përfshirë në afera korruptive. Kjo qeveri është kandidate për burg.

Në cilin vend ndodh që shpall një aferë korruptive dhe ajo nuk ndalon.

Problemi që ka opozita me zyrtarët e mazhorancës, ku Balliu nuk kursehet duke i etiketuar “hajdutë ordinerë”, është që janë duke varfëruar Shqipërinë duke bashkëpunuar me banda kriminale për të mbledhur vota dhe më pas të shpërblehen me aferat korruptive e përmendura vazhdimisht dhe në media.

Balliu: Problemi që ka opozita me këta hajdutë ordinerë, është që varfërojnë shqiptarët dhe Shqipërinë.

Arsyeja që pensionet nuk rriten është që i kanë kaluar 105 milionë euro inceneratorëve. Nëse në Shqipëri qytetarët janë më të varfrit në Evropë, është pasojë e këtyre aferave.

Kjo qeveri 3 ditë më parë, bandat e veta, deputetët, u kapën duke rrahur një qytetar sepse kishte denoncuar në polici.

Bandat që Edi Rama i thërret që të vjedhin vota, shpërblehen me afera korruptive, si incenreatorët, guroret e të tjera.

Shefi i Organizimit të PD-së, veçon kryeministrin Edi Rama si kreun e ‘bandës kriminale’, për të cilin thotë se ai është që ka ligjin dhe asgjë nuk miratohet pa firmën e tij. “Nëse Ahmetaj dënohet me 1 vit burg, Rama duhet të dënohet me 100 vite”, ka thënë Balliu.

Balliu: Procedura për imunitetin duhej të ishte mbyllur. Ata po i japin kohë që ta zgjidhin çështjen. Të gjithë në burg do shkojnë. Po shikojnë se si t’ia mbathin, sepse Edi Rama kërkon ti fusë në burg për të shpëtuar lëkurën e tij. Edhe Felaj, Spiropali apo i shoqi në burg do shkojnë.

Edi Rama do të servirë këto koka turku, ndërkohë që afera do të vazhdojë.

Nuk është çështje e Ahmetajt, është çështje hajdutërie dhe kriminale. Ahmetaj është një ushtar aty, këta nuk martohen dot pa lejen e Edi Ramës, jo të bëjnë afera me qindra miliona euro. I ka përfshirë Edi Rama dhe është ai që ka përqindjen më të madhe.

Nëse Ahmetaj dënohet me 1 vit burg, Edi Rama duhet të dënohet me 100 vite. Është ai koka e incineratorëve. Është ai që bën ligjin në PS, është ai që ka fuqinë të japë firmat.

(Xh.H/FaxWeb.al)

https://www.facebook.com/watch/?v=232510396290522