Author: editor

Mjeku Ardian Jorgji, foli sot në studion e News 24 lidhur me shpërthimin e virusit HMPV (Human Metapneumovirus) në Kinë.

Mjeku tha se simptomat e këtij virusi janë të ngjashme me ato të një ftohjeje, bllokim hundësh, temperaturë kollë dhe deri në probleme me frymëmarrjen në rastet me të rënduara.

Ai tha se ky virus është zbuluar për herë të parë në vititn 2001 dhe se deri më tani nuk ka asnjë të dhënë shkencore që ta lidhë këtë virus me Covid 19.

Mjeku: Për të qenë korrekt asgjë nuk është e vërtetuar. Ka pasur gjetje për sa i përket këtij virusi. Këtu bëj një parentezë është virus që është zbuluar në 2001 dhe shqetësimet që shkaktojnë i ngjasojnë një të ftohure të thjesht. Hundë të zëna, temperaturë, kollë, me ecurnë e mëtejeshme jo të mirë deri në vështirësi në frymëmarjje.

Nëse arrihet të vërtetohet se bëhet fjalë për të njëjtin virus do flasim për mutacione, forma të reja. Jo për këtë virus siç ai ka qenë dhe siç e njohim. Akoma nuk ka asgjë të vërtetuar që do të thotë se tërë kjo situatë i detyrohet këtij virusi. Nësi i referohemi të dhënave zyrtare ata referojën për 30% e pacientëve me analiza të përcaktuara i detyrohen situatës së gripit.

Të dhënat më tepër janë të supozuara nuk është bërë ansjë lidhje direkte ndërmjet kësaj situate të rënduar dhe këtij virusi.

Për shkak se Kina ishte epiqendra e shfaqjes së Covid-19, krijohet automatikisht një lidhje nga ana psikologjike dhe emocionale, e cila shpesh ushqen teori konspirative. Megjithatë, zyrtarët në Kinë e cilësojnë situatën e rënduar në spitale si rezultat i gripit sezonal.

Një valë dëbore, akulli, erërash dhe temperaturat në rënie krijuan kushte të rrezikshme për udhëtimin në disa pjesë qendrore të Shteteve të Bashkuara të dielën, pasi një stuhi dimërore pritet të sjellë mundësinë e “reshjeve më të mëdha të dëborës prej një dekade” në disa zona.

Bora dhe akulli mbuluan rrugët kryesore në pothuajse të gjithë Kansasin, Nebraskën perëndimore dhe pjesë të Indianës, ku Garda Kombëtare e këtij shteti u aktivizua për të ndihmuar udhëtarët e bllokuar në makina.

Pritej të paktën 20 cm dëborë, pasi Shërbimi Kombëtar i Motit qarkulloi paralajmërime për stuhi dimërore për shtetet Kansas dhe Missouri.

Paralajmërimi u shtri edhe në New Jersey për të hënën dhe deri në orët e para të së martës.

“Për vendet në këtë rajon që do të kenë sasitë më të mëdha të borës, mund të jenë reshjet më të mëdha në të paktën një dekadë”, tha shërbimi i motit të dielën herët.

Rreth 63 milionë amerikanë banojnë në zonat që mund të preken të dielën, sipas specialistit Bob Oravec, me Shërbimin Kombëtar të Motit.

Vorbulla polare e ajrit tepër të ftohtë zakonisht rrotullohet përreth Polit të Veriut. Njerëzit në Shtetet e Bashkuara, Evropë dhe Azi e përjetojnë të ftohtin e tij intensiv kur rrymat e ajrit zhvendosen drejt jugut.

Studimet tregojnë se ngrohja e shpejtë në Arktik është pjesërisht shkaku për frekuencën në rritje të vorbullës polare që zgjeron ndikimin e saj të akullt.

Stuhia pritet të përfshijë edhe kryeqytetin Uashington dhe rrethinat e tij.

Shërbimi Kombëtar i Motit parashikoi nga 20 deri në 30 centimetra dëborë për zonën e Anapolisit, Maryland, me temperatura të mbetura nën zero gjatë gjithë fundjavës.

Në një deklaratë në rrjetin X, guvernatori i Virxhinias, Glenn Youngkin shpalli gjendjen e jashtëzakonshme të premten në mbrëmje përpara stuhisë dhe i inkurajoi banorët të votojnë përpara zgjedhjeve speciale që mbahen për këtë shtet të martën.

Deklarata të ngjashme për gjendjen e emergjencës u bënë në Kansas, Kentaki, Mariland dhe në qytetet qendrore të Illinoisit.

“Është vërtet serioze”, tha meteorologu John Gordon në një konferencë shtypi në Louisville, Kentucky. /voa

Është rikthyer pjesërisht energjia elektrike në disa zona të qarqeve të Vlorës, Durrësit, Beratit dhe Fierit, të cilat ishin në errësirë totale.

Mësohet se kjo gjendje u shkaktua pasi ishte stakuar nën-stacioni i Spitallës që furnizon me energji elektrike zonat deri në jug të vendit.

Sipas burimeve zyrtare nga OSHEE Fier, u bë e ditur se kishin rënë linjat e OST si në Fier ashtu edhe në Elbasan të 220-ëshit.

Nuk dihet se cili ka qenë shkaku. Grupet e punës janë në terren. Ende s’ka informacion se sa do të zgjasë kjo situatë, por me përcaktimin e defektit është kaluar furnizimi nga linjat dytësore, ku është bërë e mundur furnizimi me energji i disa zonave.

Ramazan Mataj, 33 vjeç, nga fshati Dragoç i Postrribës, është gjetur i vrarë në makinën e tij Mercedes Benz më 5 janar 2025, pas një atentati të ndodhur më 4 dhjetor.

Në orën 20:20 të së shtunës, ai telefonoi babain duke i thënë se po kthehej në shtëpi, ndërsa në 20:30 është dëgjuar breshëri automatiku. Mjeti i viktimës është gjetur mëngjesin e së dielës me trupin e tij të pajetë.

Sipas hetimeve, vrasësi ka shtënë 27 herë në drejtim të tij, duke përdorur dy krahët e makinës. Dyshimet për atentatin janë të lidhura me një lidhje dashurie, duke pasur parasysh se rruga ku ndodhi ngjarja ishte e pabërë për qarkullim, dhe mund të ketë qenë e përdorur për ndjekje.

Autori mund të ketë ndaluar makinën para se të qëllonte, pasi mjeti i gjetur ishte i fikur. Grupi hetimor ka sekuestruar telefonin e viktimës për të hetuar mesazhet dhe telefonatat e tij. Mataj, i ardhur nga Belgjika, nuk kishte precedent penal dhe kishte punuar në ndërtim dhe tregti lëndësh drusore.

Familjarët e tij shprehen se ai nuk kishte konflikte, ndërsa babai ka thënë se ishte i fundit që kishte biseduar me të. Shtëpitë përreth dëgjuan krismat, por mendojnë se ishin krushqit. Kjo është vrasja e parë e vitit në Shkodër.

Një sherr mes të disa të rinjve është regjistruar mbrëmjen e sotme në bulevardin “Ismaiil Qemali” në Vlorë.

Burime bëjnë me dije se sherri ka agravuar deri në përdorimin e armës së zjarrit. Në konflikt e sipër është qëlluar me armë në ajër.

Për fat të mirë nuk raportohet për të lënduar.

Në momentin që ka ndodhur konflikti mes tyre në qytet nuk ka patur energjii elektrike. Mësohet se të rinjtë kanë përfituar nga errësira dhe janë larguar.

Nominimi i Arsidës ka sjellë zënka në shtëpinë e “Big Brother Vip”, kësaj here me modelen Danja Kokën.

Mbrëmjen e kaluar, Arsida u revoltua me faktin që emri i saj është tek lista e të nominuarve për t’u përjashtuar nga shtëpia, gjë që solli përplasjet e para me Danjen, pasi kjo e fundit i kërkoi asaj që të mos bërtiste, por Arsida u shpreh ndaj modeles që nëse nuk e duronte dot “të shkonte në hale”.

Ky diskutim i tyre ka vijuar dhe sot, teksa Danja u shpreh ndaj banores se budalliqet janë pjesë e kuturës së Arsidës dhe jo saj.

Danja: Po flisja me ata, s’ po flisja me ty. Po të shoh në sy e po të them, të lutem shumë, emrin tim mos e përmend më. Kaq. E mbylla me ty. Ti mund të bësh zhurmuesin po do ngjash shumë keq.
Arsida: Pse po e bën zhurmuesin ti?

Danja: Unë të thash ul zërin.

Arsida: Në 10 fjalë që the dje, 20 i kishe ofendime.

Danja: Nuk kam ndërmend të të kthehem më se ka kamera. Budalliqet janë pjesë e kulturës tënde, jo e imja. Shko në hale mos më thuaj mua, mos guxo të më thuash mua.

Arsida: Halja është i vetmi ambient ku është i qetë. Të shqetëson fjalia dhe volumi im, shko rri në qetësi në hale, sepse është i vetmi vend ku mund të rrish ne qetësi.

Kundërshtimi i mëtejshëm i Arsidës bëri që Danja ta cilësonte banoren si një person me probleme inferioteti, teksa shtoi “kështu që, dil, sqaroi jashtë, kuroji jashtë, sepse është e rëndësishme t’i kurosh për vete.” Një ironi e tillë nuk u pëlqye aspak nga Arsida, e cila vijoi duke e pyetur po me “thumbim” se çfarë probleme ka Danja, por kjo e fundit u shpreh se është si kokrra e mollës.
Danja: Ti ke probleme të thella inferioriteti. Kështu që, dil, sqaroi jashtë, kuroji jashtë, sepse është e rëndësishme t’i kurosh për vete.

Arsida: Ti çfarë problemesh ke për vete?

Danja: Unë nuk kam asnjë problem. E di si jam unë? Unë jam qelibarë.

Arsida: Duket.

Danja: Unë jam si kokrra e mollës. Them mos u merr me ‘të (me Arsidën), sepse nuk kam fytyrë pastaj t’i dal dajës tim, dhe gruas së dajës, para.

Arsida: Ti the qen, merr ilaçe…

Anëtari i Këshilli Kombëtar të PD-së, Lisandër Hoxha, i ftuar në një emision televziziv, foli në lidhje me dhënien e masës ‘detyrim paraqitje’ në SPAK, nda kryedemokratit Sali Berisha.

Hoxha bëri një krahasim me zyrtarët e PS, ku sipas tij Edi Rama, Erion Veliaj, Belinda Balluku, janë me dosje korrupsioni në SPAK, por që prokurorët nuk i kanë thirrur ndonjëherë.

Duke u ndalur te vendimi politik i Apelit të GJKKO-së ndaj Berishës, duke e lënë në ‘detyrim paraqitje’, Hoxha theksoi se ky është një presion ndaj opozitës, sepse opozita filloi të rritet.

‘Rritja e opozitës pas daljes së Doktorit, rritja e opozitës i ka trembur dhe kërkojnë që para zgjedhjeve të inskenojnë veprime të kësaj natyre për t’i bërë presion PD dhe demokratëve që ne të tërhiqemi nga rruga që ne kemi nisur. Kjo s’ka për të ndodhur, thjeshtë vetëturpërojnë veten e tyre’, u shpreh Hoxha.

Intervista në studio:

Hoxha: Sa zyrtarë të PS kanë sot dosje korrupsioni me fakte konkrete? Erion Veliaj, Belinda Balluku, Edi Rama vetë me dosjen McGonigal. A e ka aty denoncimin e PD? Pse nuk është thirrur një herë kryeministri? Pse nuk ka investigim ndaj ministrave në detyrë ndaj deputetëve të PS? Shihni standardin me Plarent Ndrecën, ja shitur 350 euro kapelet dhe është i liri dhe mund të thërasë shokët e Sandër Lleshaj dhe t’i thotë se si mund të përgjigjemi në prokurori etj. Kemi Erion Veliajn sa për 700 të tjerë. Përse ndaj Sali Berishës?

Presion ndaj opozitës, sepse opozita filloi të rritet. Rritja e opozitës pas daljes së Doktorit, rritja e opozitës i ka trembur dhe kërkojnë që para zgjedhjeve të inskenojnë veprime të kësaj natyre për t’i bërë presion PD dhe demokratëve që ne të tërhiqemi nga rruga që ne kemi nisur. Kjo s’ka për të ndodhur, thjeshtë vetëturpërojnë veten e tyre.

Ferko: Në këtë pikë, nuk i tremben vendimit të Strasburgut dhe 3 rezolutave ndërkombëtare? Nuk kanë frikë?

Hoxha: Çfarë bëjnë regjimet kur rrëzohen. Ju kujtohet Ramiz Alia që vrau të rinjtë në kufij. Ditët e fundit të regjimeve kanë qënë gjithmonë gjakatare sepse nuk kanë formë tjetër kundërpërgjigjie përveç presionit. A kanë argument? Jo! A kanë mbështetje të popull? Jo! Këta bëjnë qeverinë e çizmes drejtësia e çizmes, ne nuk pyesim për ligje.

Duhet ta marrim siç është.

Nuk ka bazë ligjore dhe ky është persekutim politik, i cili demokratët nuk i ndalon nuk i intimidon, do të vazhdojë mosbindja civile dhe qëndrimet e forta të PD derisa vendi të ketë zgjedhje normale.

Nëse do të kishte zgjedhje normale në Shqipëri nesër, Edi Rama i humbet bindshëm zgjedhjet.

Spitalet kineze raportohet se po mbingarkohen me shpejtësi me njerëz që vuajnë nga një virus misterioz, i cili ka risjellë në vëmendje situatën e krijuar nga virusi Covid-19 para disa vitesh.

Pamjet që kanë qarkulluar në rrjet tregojnë spitale të mbushura me pacientë të maskuar, ndërsa zyrtarët janë kapur në befasi nga shpërthimi i këtij virusi.

Videot e paverifikuara por shqetësuese filluan të shfaqen nëpër mediat sociale në natën e Vitit të Ri me më shumë të postuara gjatë ditëve të fundit.

Disa pretendojnë se tregojnë spitale në Hunan – një provincë në Kinën jugore si dhe zonat përreth.

Mediat lokale thonë se fluksi i sëmundjeve të raportuara është për shkak të një virusi të rrezikshëm për të cilin shumica e njerëzve nuk kanë dëgjuar asnjëherë të quajtur metapneumovirus human (HMPV).

Ky virus zakonisht shkakton një sëmundje të lehtë të ngjashme me të ftohtin, e cila mund të çojë shpejt në shtrimin në spital dhe në rastin më të keq vdekje për më të rrezikuarit.

Autoritetet kineze ende nuk e kanë konfirmuar atë që ata besojnë se po bën që listat e pritjes së spitaleve të rriten.

Zyrtarët qeveritarë dhe Organizata Botërore e Shëndetësisë nuk kanë komentuar ende për pamjet e mediave sociale të spitaleve.
Por raportet zyrtare nga Qendra Kineze për Kontrollin dhe Parandalimin e Sëmundjeve (CDC) kanë sugjeruar se problemet mund të jenë thjesht një grip normal.

CDC pranoi se shkalla e problemeve të ngjashme me gripin janë në rritje ndërsa Kina ndodhet në mes të muajve të ftohtë të dimrit.

Raportet zyrtare për ndonjë ndërlikim serioz shëndetësor apo edhe vdekje ende nuk janë publikuar, por vendasit kanë pohuar se shpërthimi tashmë ka marrë disa jetë.

Skenat të kujtojnë Covid-in, i cili filloi duek goditur Kinën pesë vjet më parë përpara se të përhapej në të gjithë globin.

Mbi shtatë milionë njerëz kanë vdekur për shkak të komplikimeve të lidhura me Covid-in në vitet që kur u raportua për herë të parë shpërthimi.