Author: editor

Një atentat me një të vrarë dhe dy të plagosur ndodhi pas mesnatës të së hënës në fshatin Larushk të Krujës. Viktimë e atentatit mbeti Ramazan Sino 29 vjeç, ndërsa u plagosën 2 fëmijët e mitur 10 dhe 13 vjeç të Gentjan Bejtjes.

Ky i fundit, person me precedentë të theksuar kriminalë dyshohet se ka qenë objektiv i atentatit. Për ngjarjen janë marrë në pyetje disa persona, mes tyre Urim e Valter Bami dhe Markelin Haka.

Por kush e do të vdekur këtë personazh?

Kjo ishte hera e tretë që u shpëtonte atentateve. Policia ka ushtruar kontrolle në banesat e të fortëve të Niklës duke shoqëruar tre persona, por ende nuk ka asnjë të arrestuar për atentatin.

Në vitin 2022 ndaj tij është qëlluar me breshëri kallashnikovi teksa lëvizte me makinë në zonën e Niklës, i shoqëruar nga Klodian Stafuka.

Në atë kohë Gentian Bejtja mbeti i plagosur. Ai i ka shpëtuar edhe në 2016 një tjetër atentati me eksploziv në makinë ku edhe në atë kohë u dëmtua.

Gentjan Bejtja rezulton person me precedentë penalë të mëparshëm në fushën e veprave penale kundër personit dhe pronës, si dhe i arrestuar me arsenal armësh në banesë.

Ai është hetua edhe për vrasjen e kryekomisarit Dritan Lamaj, pasi u dyshua bashkë me Enver Stafukën, si një nga autorët e vjedhjes së makinës nga e cila u vra Lamaj në shkurt 2013.

Një 39-vjeçar në Durrës është gjetur i pajetë brenda makinës së tij në lagjen Nr.3 të qytetit.

Viktima është identifikuar nga policia si A.R. banues në Krujë.

Nga kqyrja paraprake, në trupin e viktimës nuk janë konstatuar shenja dhune.

Dyshohet se 39-vjeçari ka humbur jetën për shkaqe natyrale.

Grupi hetimor dhe ekspertët e mjekësisë ligjore, vijojnë punën për përcaktimin dhe dokumentimin ligjor të shkakut të vdekjes së 39-vjeçarit./tvklan.al

Pas shtatë vjetësh, klima kërcënon njerëzimin sërish nga El Nino.

Fenomeni atmosferik i ngrohjes së Paqësorit tropikal qendror dhe lindor ka të ngjarë të sjellë nxehtësi rekord në pjesë të ndryshme të globit. Kjo është bërë e ditur nga Organizata Ndërkombëtare Meteorologjike Wmo, raporton ‘Tgcom’.

“Ardhja e El Ninos do të rrisë shumë gjasat e thyerjes së rekordeve të temperaturës dhe do të shkaktojë më shumë nxehtësi ekstreme në shumë pjesë të botës dhe oqeane”, tha Sekretari i Përgjithshëm i WMO, Petteri Taalas.

Deklarata e Organizatës Meteorologjike, shpjegon Taalas, “është sinjali i dërguar qeverive të botës për t’u përgatitur për të kufizuar ndikimet në shëndetin, ekosistemet dhe ekonomitë tona”.

Një person i pajetë është gjetur brenda një automjeti në qytetin e Durrësit.

Ngjarja ka ndodhur pranë shkollës “Jusuf Puka”, ku personi i vdekur është konstatuar brenda një makine tip “Fiat Brava”, me ngjyrë gri.

Në vendngjarje ka mbërritur policia edhe ambulanca, të cilët po kryejnë veprimet e para hetimore.

Në vijim pritet të zbardhen më shumë detaje rreth viktimës dhe shkaqet e vdekjes.

Një 34-vjeçar u arrestua gjatë një ndjekjeje në Athinë për tentativën e vrasjes së një biznesmeni në Mykonos në vitin 2020. Gati tre vjet pas rrahjes brutale të biznesmenit të njohur në Mykonos, Florios Asimomytis, 34-vjeçari shqiptar që dyshohet se është autori i sulmit brutal është arrestuar.

Sipas informacioneve, bëhet fjalë për A.N., i cili u arrestua më 25 qershor 2023, së bashku me një tjetër shqiptar, pas një incidenti në qendrën tregtare Attica.

Nga hetimi që pasoi arrestimin, rezultoi se 34-vjeçari, më datë 21.09.2020, në orën 21:00, kishte shkuar në zonën Tourlos të Mykonos, jashtë shtëpisë së biznesmenit, ku dhe e ka sulmuar. Viktima po dilte nga makina e tij kur i akuzuari e goditi duke përdorur një levë hekuri, duke e lënduar në kokë dhe në pjesë të ndryshme të trupit.
Më pas ai u largua në këmbë ndërsa departamenti i Mykonos ngriti një çështje për tentativë vrasje. Sipas burimeve policore, biznesmeni është thirrur dhe e ka njohur autorin e sulmit ndaj tij si 34-vjeçarin.

Një aksident i rëndë ka ndodhur në Vlorë ku një 62-vjeçar ka mbetur i plagosur.

Burime policore bëjnë me dije se këmbësori V.C, është përplasur nga një mjet dhe ndodhet në spital nën kujdesin e mjekëve.

Drejtuesi i automjetit është shoqëruar në ambientet e komisariatit, për veprime të mëtejshme.

Vlorë/Informacion paraprak

Sot, rreth orës 09:30, në lagjen “28 Nentori”, shtetasi R. G., 47 vjeç, duke drejtuar automjetin tip “Volkswagen“, ka aksidentuar këmbesorin shtetasin V. C., 62 vjeç, i cili ndodhet në spital, nën kujdesin e mjekëve.

Drejtuesi i automjetit është shoqëruar në ambientet e komisariatit, për veprime të mëtejshme.

Grupi hetimor ndodhet në vendngjarje dhe po punon për sqarimin e plotë të rrethanave të aksidentit.

Zbardhen detaje të reja nga ekzekutimi mafioz mbrëmë në Fushë Krujë, fshatin Larushk pak minuta pas mesnate. Ramazan Sino 29-vjeç kishte shkuar te shtëpia e motrës për të takuar nipërit. Sapo kishte kaluar mesnata u ngrit për të ikur në shtëpi.

Dy nga tre nipërit së bashku me të atin, Gentjanin dolën për ta përcjellë, por në oborr nisën të shtënat drejt tyre. Daja mbeti i vdekur në vend. Shënjestra, që ishte Gentjan Bejtja dhe dy djemtë e tij u plagosën dhe ndodhen në spital.

Njëri nga dy djemtë e shënjestrës, Alvi Bejtja 13-vjeç, ndodhet në gjendje të rëndë tek Trauma. Shënjestër e atentatit ishte Gentian Bejtja, një person me precedent penal të mëparshëm i cili u ka shpëtuar edhe 2 atentateve më parë.