Author: editor

Gazeta greke “Kathimerini” në një artikull të publikuar sot ka akuzuar kryeministrin e Shqipërisë, Edi Rama për arrestimin e Fredi Belerit. Gjithashtu nuk i ka kursyer notat e ironisë për letrën që Rama shkroi për ambasadoren amerikane që u largua. Por më tej, “Kathimerini” shkruan se me letrën që shkroi, Rama i atribuon qartë Yuri Kimit ndërhyrjet në punët e brendshme të Shqipërisë.

“Kryeministri i Shqipërisë Edi Rama. Javët e fundit është folur shumë për të, për shkak të ndjekjes penale që qeveria e tij ka ngritur ndaj kryebashkiakut të zgjedhur të Himarës, Fredi Beleri, i cili po mbahet ende në burg pa vendim përfundimtar.

Rama, megjithatë, ka edhe talente të tjera të cilat i shpalos në Facebook, këtë herë me rastin e përfundimit të mandatit të Yuri Kim si ambasadore e SHBA-së në Tiranë. Yuri Kim (e njohur në Greqi, pasi ishte prej vitesh në krye të Zyrës së Departamentit të Shtetit për Greqinë, Turqinë dhe Qipron) përfundoi më shumë se tre vjet e gjysmë në Tiranë.

Në postimin e tij Edi Rama e mbyll si më poshtë: “Faleminderit për gjithçka e dashur Yuri dhe forca qoftë me ty gjatë gjithë rrugës! Zoti ju bekoftë ju dhe Shtetet e Bashkuara të Amerikës” (shprehjen kinematografike, e lë në versionin anglisht, pa përkthyer).

Është e qartë se në mendjen e kryeministrit shqiptar, Hollywood ka bërë mjaft punë, pasi nuk mund të vlerësohet ndryshe se ai po e dënon me moton ikonë të “Star Wars” (forca qoftë me ju). Teksti i Ramës, megjithatë, është “një gozhdë në këpucë” për ambasadoren në largim, të cilës i atribuon qartë ndërhyrjet në punët e brendshme të vendit” mbyllet shkrimi për Ramën.

Dashi

Mbajini premtimet që i keni bërë partnerit/es tuaj sepse përndryshe ai/ajo nuk do ketë më besim tek ju dhe marrëdhënia do marrë tatëpjetën. Beqarët do jenë të privilegjuar nga yjet dhe mund teë kenë dashuri me shikim të parë. Gjërat do ndryshojnë jashtë mase për ju. Në planin financiar do iu gjeni zgjidhje të gjitha pengesave.

Demi

Pritet që kjo ditë të jetë përgjithësisht e bukur për të dashuruarit. Do qeshni, do luani dhe do përkëdheleni pa fund me personin që doni. Shfrytëzojeni çdo sekondë. Beqarët nuk duhet të tregohen më të turpshëm sepse do ngelen vetëm. Financat do jenë të lëkundura për shkak të shpenzimeve të mëdha që do iu duhet të kryeni. Kujdes.

Binjakët

Në vend që të mendoni për aventura kalimtare, kushtojini më tepër vëmendje personin që keni në krah. Mundohuni ta ripërtërini marrëdhënien tuaj që të përjetoni emocionet e dikurshme. Beqarët do joshin pa fund dhe do hedhin hapat e para drejt krijimit të një lidhje. Në planin financiar nuk duhet të kryeni ende shpenzime të mëdha.

Gaforrja

Klima yjore nuk do jetë shumë e përshtatshme sot për jetën sentimentale të çifteve prandaj marrëdhënia në çift nuk do shkojë ashtu si duhet. Herë pas here mund të debatoni me partnerin/en. Beqarët do kenë takime pa fund, por nuk do arrijnë dot ta bëjnë për vete personin që do pëlqejnë. Në planin financiar duhet të ndiqni një program strikt.

Luani

Do jeni më tolerantë se kurrë gjatë kësaj dite dhe marrëdhënia mes jush do vazhdojë të jetë e mirë. Ata që kanë shumë kohë bashke do mendojnë edhe për një bashkëjetesë. Beqarët do e takojnë më në fund princin e kaltër dhe do futen në një etapë të re jete. Në planin financiar duhet të luftoni fort me problemet.

Virgjëresha

Do keni mosmarrëveshje të vogla me partnerin/en tuaj sot, por asgjë e rëndë nuk ka për të ndodhur. Të dy do i kuptoni gabimet dhe do e qetësoni situatën. Beqarët do jenë më gati se kurrë për të kërkuar dashurinë e madhe dhe do përfitojnë shumë nga mundësitë që do iu jepen për takime. Në planin financiar do jeni më të organizuar dhe do shpenzoni me maturi.

Peshorja

Me ndihmën e Venusit do i kaloni të gjitha vështirësitë që keni pasur në çift dhe do jeni më të sigurtë për ndjenjat tuaja. Dita do jetë më pozitive sesa disa kohë më parë. Disa beqarë do fillojnë histori dashurie pasionante dhe mjaft emocionuese. Financat do jenë të mira nëse i menaxhoni me maturi dhe kujdes.

Akrepi

Mos u tregoni gjithë kohës dyshues për partnerin/en tuaj dhe mos xhelozoni për të sepse ka rrezik të përballeni me debate të zjarrta. Mos iu besoni shumë as miqve të ngushtë. Beqarët më mirë të qëndrojnë edhe sot vetëm sepse mundësitë që do iu paraqiten për të krijuar një lidhje nuk do jenë të mira. Financat nuk do jenë problematike.

Shigjetari

Të dashuruarit do kenë një ditë shumë normale dhe pa ndonjë gjë të rëndësishme për t’u veçuar. Merrini gjërat si t’iu vijnë pa e vrarë shumë mendjen. Beqarët do jenë sharmantë dhe joshës dhe nuk do iu shpëtojnë syve të askujt. Mundësitë për të krijuar një lidhje shumë shpejt do jenë të mëdha. Financat do jenë më të mira sesa ju mendonit.

Bricjapi

Do jeni me humor shumë të mirë sot dhe do jeni të gatshëm të bëni çdo lloj sakrifice vetëm për të kaluar momente mbresëlënëse me partnerin/en. Edhe ai do ketë të njëjtat mendime me ju. Beqarët duhet të përgatiten për ndryshime rrënjësore në jetën sentimentale. Financat do kenë nevoje vetëm për pak me tepër vëmendje.

Ujori

Do kërkoni më shumë qetësi se kurrë sot në jetën tuaj sentimentale dhe do reflektoni mbi të ardhmen. Flisni hapur me partnerin/en nëse nuk doni që ai të mërzitet kot. Beqarët do kërkojnë një person që të ketë të njëjtat aspirata politike dhe fetare. Mundësitë nuk do jenë të mëdha. Financat do mbrohen gjithë kohës nga planetët.

Peshqit

Ditë mjaft romantike kjo e sotmja për gjithë të dashuruarit. Partneri/ja do iu surprizojë në çdo moment dhe do ndiheni për mrekulli. Beqarët nuk do jenë në gjendje të mirë shpirtërore dhe nuk do e kenë mendjen tek jeta sentimentale. Në planin financiar do jetë Mërkuri ai që do iu ndihmojë ta përmirësoni shpejt situatën.