Author: editor

Bonusi i bebeve, një shpërblim financiar për nxitjen e lindshmërisë që nisi të aplikohej në vitin 2019, nuk duket se përmbushi qëllimin për nxitjen e lindjeve në vend.

Në mënyrë sistematike vit pas viti gati gjysma e shumës është përfituar nga bebet e lindura jashtë vendit. Qeveria shqiptare u shndërrua në një financues i lindurve jashtë vendit, pavarësisht se bebet u regjistruan formalisht në Shqipëri sa për të përfituar shpërblimin.

Ministria e Shëndetësisë raportoi se vitin e kaluar bonusi u shpërnda për 42,504 bebe, prej të cilave 17,816 ose 42 % kishin lindur jashtë vendit.

Gjithsej buxheti i shtetit financoi lindjen e bebeve më 3.1 miliardë lekë (27 milionë euro), ku gati gjysma kanë shkuar për familjet e emigrantëve shqiptare jashtë vendit.

Vitin e kaluar brenda Shqipërisë lindën vetëm 24,688 foshnja, teksa bonusi u shpërnda për më shumë se 42 mijë bebe. Në vitin 2022 lindjet brenda vendit shënuan rënie te fortë me 9 për qind, ndërsa në raport me vitin 2019 kur nisi shpërndarja e bonusit pësuan rënie me mbi 13%.

Në janar të vitit 2019 qeveria nisin dhënien e ndihmës së menjëhershme financiare (bonusi) për nënat me foshnja të porsalindura. Për fëmijën e parë bonusi ishte 40,000 lekë, për fëmijën e dytë e dytë 80,000 lekë dhe fëmijën e tretë 120,000 lekë për lindjen e fëmijës së tretë dhe fëmijëve të tjerë në vijim;Për nënat që lindin binjakë, masa e përfitimit është 80 000 (tetëdhjetë mijë) lekë për secilin fëmijë, ndërsa për nënat që lindin trinjakë dhe më shumë, masa e përfitimit do të jetë në masën 120 000 lekë për secilin fëmijë. Vendimi i qeverisë ka përcaktuar se ndihmën e menjëhershme financiare e përfitojnë edhe nënat shtetase shqiptare për fëmijë të lindur jashtë vendit dhe të regjistruar sipas afateve ligjore të përcaktuara në ligjin për gjendjen civile.

Nëpunësi i gjendjes civile, i atashuar pranë institucioneve të shërbimit spitalor ku kryhet lindja, kryen veprimet e verifikimit on-line të statusit të nënës dhe regjistron fëmijën e lindur në Regjistrin Kombëtar të Gjendjes Civile (RKGjC) të vitit 2010.

Duke qenë se bonusi po përfitohet masivisht nga bebet e lindura jashtë vendit, Ministria e Shëndetësie la iniciuar një projektligj të ri që korrigjon dhënien e bonusit për fëmijët e lindur jashtë. Ndryshimet e reja ligjore targetojnë bonusin vetëm për bebet që lindin brenda territorit shqiptare dhe jo për të gjitha lindjet që regjistrohen tek gjendja civile.

Lindjet në Shqipëri po bien me shpejtësi prej rënies së normës së fertilitetit dhe emigrimit të moshave të reja. Demografët i bëjnë thirrje qeverisë që të nxisë lindshmërinë dhe stimujt për familjet e reja./Monitor

Policia ka arrestuar një 60-vjeçar në Tiranë, pasi ka goditur me lopatë një 40-vjeçar. Konflikti me motive të dobëta, degradoi në momentin kur i moshuari me iniciale M.T goditi me lopatë shtetasin me iniciale A.C. Pas goditjes 40-vjeçari është dërguar në spital për të marrë ndihmë mjekësore, teksa 60-vjeçari po merret në pyetje.

Njoftimi i Policisë:

Tiranë Goditi me send të fortë (lopatë), një shtetas dhe u largua, falë reagimit në kohë dhe veprimeve të shpejta nga Policia, kapet dhe shoqërohet në komisariat autori i dyshuar. Sekuestrohet një mjet prerës thikë, si dhe sendi i fortë (lopata) të cilën autori e përdori gjatë ngjarjes. Shërbimet e Komisariatit të Policisë Nr. 4, pas marrjes së njoftimit se në rrugën “Myslym Keta”, shtetasi M. T., 60 vjeç, gjatë një konflikti për motive të dobëta, dyshohet se ka goditur me send të fortë (lopatë) shtetasin A. C., 40 vjeç, dhe më pas është larguar, kanë organizuar menjëherë punën për kapjen e autorit të dyshuar. Falë veprimeve të shpejta shërbimet e Komisariatit të Policisë Nr. 4, kapën dhe shoqëruan në komisariat autorin e dyshuar shtetasin M. T., 60 vjeç. Shtetasi A. C., aktualisht ndodhet në spital, nën kujdesin e mjekëve. Grupi Hetimor po punon për sqarimin e rrethanave të ngjarjes.

Një peshkarexhë shqiptare ka gjetur një velierë e braktisur, 55 mije përballë Siçilisë mëngjesin e sotëm.

Sipas raportimeve në media veliera e braktisur nuk kishte njerëz në bord ndërsa pas gjetjes, u dërgua në portin e peshkimit të Sarandës

Ende nuk ka një njoftim zyrtar nga autoritet në lidhje me velierën.

Policia ka shpëtuar dy turistë holandezë në Himarë pasi duke eksploruar gjirin e Filikurit kanë mbetur të izoluar në një terren të vështirë.

Polica thotë se njëri prej tyre ka marrë lëndime, por gjendja e tyre shëndetësore paraqitet e e mirë.

“Menjëherë pas marrjes së këtij njoftimi, shërbimet e Policisë Kufitare Dhërmi kanë organizuar punën për t’iu shkuar në ndihmë 2 turistëve. Pas disa orësh kërkimi, nga shërbimet e Policisë të ndarë në grupe kërkimi përmes detit dhe përmes tokës, kanë bërë të mundur lokalizimin dhe gjetjen e turistëve, të cilët janë transportuar me mjetin lundrues të Policisë Kufitare, me qëllim dërgimin e menjëhershëm të tyre, në ambientet ku pushonin në Himarë”, njofton polcia

Flavia Franzoni, gruaja e ish-kryeministrit italian Romano Prodi ka ndërruar jetë në moshën 76-vjeçare.

Mediat italiane shkruajnë se lajmi është bërë i ditur nga zyra për shtyp e Prodit.

‘Me dhimbje të madhe, Presidenti Romano Prodi, së bashku me djemtë e tij Giorgio, Antonio dhe gjithë familjen e tij, njofton se bashkëshortja e tij, Flavia Franzoni, ka ndërruar jetë sot papritmas”,- shkruhej në njoftim.

Mësohet se Franzoni vdiq teksa udhëtonte me bashkëshortin e saj dhe disa miq, përfshirë ish-ministrin Arturo Parisi, në Umbria. Ajo u rrëzua papritur teksa ecte, ndoshta për shkak të sëmundjes.

Ushtria dhe autoritetet civile të Pakistanit po planifikojnë të evakuojnë 80,000 njerëz përgjatë bregut jugor të vendit dhe mijëra në Indinë fqinje kanë kërkuar tashmë strehim, përpara mbërritjes së cikloni Biparjoy.

Cikloni parashikohet të përplaset në breg në rajonin me popullsi të dendur të enjten.

Ka të ngjarë të jetë më i fuqishmi që godet Indinë perëndimore dhe Pakistanin që nga viti 2021, dhe pas përmbytjeve shkatërruese që shkatërruan Pakistanin vitin e kaluar, duke lënë 1,739 njerëz të vdekur dhe duke shkaktuar miliarda dollarë humbje.

Sipas Departamentit Meteorologjik të Indisë, Biparjoy po mbushte erëra maksimale të qëndrueshme prej 111 mph.

Ai parashikohet të godasë tokën pranë portit Jakhau në rrethin Kutch të Gujarat.

Autoriteti Kombëtar i Menaxhimit të Fatkeqësive të Pakistanit tha se cikloni ishte 292 milje në jug të Karaçit, kryeqyteti i provincës Sindh, të martën në mëngjes.

Në Indi, mijëra u evakuuan nga rajonet e ulëta, duke përfshirë banorët që jetonin tre milje larg bregut në Gujarat. Ata që janë brenda 6.2 milje nga bregu mund të duhet të zhvendosen gjatë dy ditëve të ardhshme, thanë zyrtarët.

Jemi në prag të vënies në lëvizje të planit, masave shtërnguse se sanksione nuk ma nxë goja, ndaj një shteti që është krijuar nga ata të cilët qartësisht janë në kushtet e sosjes së durimit.

Ishte kjo deklarata e kryeministrit Rama në një konferencë urgjente për mediat ku konfirmoi anulimin e mbledhjes midis dy qeverive, të Shqipërisë dhe Kosovës.

“Kam bërë një përpjekje për t’i kërkuar edhe pak kohë, e kam marrë edhe pak kohë, por nëse nuk e shfrytëzojmë dot këtë kohë për një sens të përbashkët mes të gjithëve, atëherë kam shumë frikë se plani që është një plan realisht shumë i rëndë për Kosovën do të vihet në lëvizje,” – u shpreh Rama.

Kryeministri shtoi se halli s’është i Albin Kurtit, por i Kosovës dhe kombit shqiptar që rrezikon të dalë në një dritë jo të mirë në sytë e atyre që e kanë bërë këtë komb të jetë në ditët më të mira të vetat në historinë mijëra vjeçare të tij.

“Shqipëria nuk është një ufo, nuk operon e izoluar dhe marrëdhënia e Shqipërisë me Kosovën është një marrëdhënie vëllazërie, por Shqipëria është një shtet që është pjesë e pandashme e bashkësisë euro atlantike, është një vend anëtar i NATO-s dhe nuk ka asnjë shans që Shqipëria të zhvendoset nga boshti i bashkësisë euroatlantike për të nuk e di se çfarë. Ne nuk mendojmë 99, por 100% njësoj siç mendojnë aleatët tanë në këtë rast,” – u shpreh Rama.