Author: editor

Një 32-vjeçare u gjet e pajetë mëngjesin e sotëm poshtë urës së Dajlanit në Durrës.

Sipas autoriteteve, dyshohet se 32-vjeçarja Luljeta Preza mund të jetë vrarë nga persona që e shfrytëzonin.

Por gjithashtu po hetohet edhe pista se mund të ketë pasur një konflikt mes vajzave që grumbullohen pas mesnate në atë zonë.

Ndërkohë në polici, pas kësaj ngjarjeje janë shoqëruar të paktën 17 persona, kryesisht vajza.

E reja që u gjet e vdekur është proceduar më parë për veprën penale të prostitucionit.

Dyshimet janë se trupi i 32-vjeçares është transportuar gjatë natës poshtë urës së Dajlanit nga një vend tjetrë.

/5pyetjet.al

Astrologe Meri ka lajme jo dhe aq të mira.

Meri tregon se Merkuri ne Virgjeresh perballet me Saturnin ne Peshk dhe disa nga shenjat do kenë përballje me nje rrugetim te veshtire dhe nje person te veshtire.

“Ka mundesi edhe te perballeni me nje ndjenje te veshtire apo ndarje te veshtire! Kujdes punen, rrugetimet, ndjenjat romantike qe mund te paketohen ne nje mesazh te ftohte!

Kujdes nga problemet e keqkuptimet Binjaket, Virgjereshet Shigjetaret, dhe Peshqit! Po ashtu edhe Demet e Bricjapet!”, lajmëron Meri.

Në Greqi, sezoni i verës dhe mbledhja e prodhimeve bujqësore kërkon një numër të madh punëtorësh. Nevojat e Greqisë për punëtorë të tokës llogariten në 50,000-60,000 njerëz, por shqiptarët dhe pakistanezët që aktualisht punojnë në kulturat bujqësore kërkojnë rroga më të larta dhe shumë të tjerë janë larguar.

Në këto rrethana Greqia kërkon fuqi punëtore, por jo nga vendet fqinje, (pasi punëtorët shqiptarë, bullgarë, rumunë dhe polakë preferojnë tani të punojnë në Evropën Perëndimore, ku pagat ditore janë madje dy herë më shumë dhe kushtet e jetesës janë të shkëlqyera).

Protothema në një artikull për nevojën e forcës punëtore në bujqësi thotë se tani qeveria greke po kërkon punonjës nga Egjipti, India, Tajlanda dhe Vietnami pasi mungojnë punëtorët. Por punësimi i tyre krijon probleme pasi duhet viza e punës dhe pronarët duhet të paguajnë për udhëtimin e tyre që në shumë raste është i kushtueshëm.

Artikulli nga Protothema:

Në rrafshnaltën e Imathisë vijon vjelja e pjeshkës nën diellin e gushtit. Shqiptarët që ose jetojnë përgjithmonë në Greqi ose kanë ardhur enkas për të punuar në të korrat e këtij viti, pakistanezët, grekët që janë të “sforcuar” financiarisht dhe kërkojnë të ardhura shtesë, por edhe vetë pronarët e pemishteve dhe familjet e tyre, mbledhin dhe grumbullojnë me kujdes pjeshkët në arka dhe kova të mëdha.

Kushtet e motit dhe kriza klimatike rezultuan në uljen e prodhimit të këtij viti me afërsisht 40%. Nënkryetari i Unionit Kombëtar të Kooperativave Bujqësore (ETHEAS), Christos Giannakakis thotë se punëtorët e tokës në dispozicion nuk i mbulojnë dot nevojat. Kjo është arsyeja pse ETHEAS kërkon punëtorë shtesë, jo aq shumë në fqinjësinë gjeografike të Greqisë (pasi punëtorët bullgarë, rumunë dhe polakë preferojnë tani të punojnë në Evropën Perëndimore, ku pagat ditore janë madje dy herë më shumë dhe kushtet e jetesës janë të shkëlqyera), por në Azi dhe konkretisht në Indi, Tajlandë dhe Vietnam. Madje, tashmë ETHEAS po bën bashkëpunime me Tajlandën dhe Vietnamin dhe javën e ardhshme do të zhvillohet takimi i përfaqësuesve të ETHEAS dhe dhomës greko-indiane.

Sipas Giannakakis, nevojat e Greqisë për punëtorë të tokës llogariten në 50,000-60,000 njerëz nga të cilat afërsisht 15,000 nevojiten për punë të korrjes. Megjithatë, këto nevoja nuk po plotësohen dhe marrëveshja e fundit ndërqeveritare e nënshkruar me Egjiptin për tërheqjen e punëtorëve në Greqi është, sipas nënpresidentit të ETHEAS, “burokratike dhe e pafuqishme” dhe, megjithëse ka qenë aktive prej muajsh nuk ka dhënë rezultate. Tregu i madh i Indisë mund të ofrojë zgjidhje për problemin, megjithëse që një marrëveshje e tillë të funksionojë, do të duhej të kishte një nxitje të mjaftueshme për punëtorët, të cilëve do t’u duhej të paguanin një udhëtim të shtrenjtë, për të fluturuar përtej Oqeanit Indian për në Greqi.

Kostoja e udhëtimit nga India është e lartë dhe për këtë arsye duhet të sigurohet punësimi maksimal i indianëve. Për shembull që nga fillimi i majit dhe për disa muaj ata të punojnë në Imathia për pjeshkët, pastaj të shkojnë në Halkidiki për t’i vjelur ullinj, pastaj të punojnë me kivi dhe pas 15 tetorit dhe më vonë me portokallet në Greqinë Jugore. Mund të kemi më shumë transaksione tregtare, për shembull, në kivi apo mollë, por edhe në produkte të përpunuara. Tashmë ka një nxitje në marrëdhëniet tregtare. Për shembull, vitin e kaluar kemi eksportuar 20,000 tonë kivi, krahasuar me më pak se 1,000 një vit më parë.

Një ngjarje e rëndë ka ndodhur në Kosovë, ku një shtetase argjentinase është vrarë.

Ngjarja ka ndodhur në Fushë-Kosovë, ku e reja e moshës 27 vjeç, është hedhur nga katit i gjashtë i hotelit ku po qëndronte.

E reja është hedhur nga dritarja nga shtetasi E.N, pas një konflikti që kanë pasur të dy. Ky i fundit, është arrestuar dhe po mbahet në burg deri në përfundim të hetimeve.

“Ekziston dyshimi i bazuar se i pandehuri E.N me datë 01.08.2023 rreth orës 01:59 minuta në rrugën “ Nënë Terezë” në Fushë Kosovë, pas një mosmarrveshje paraprake me të dëmtuarën – tani të ndjerën M.K.U, të njëjtën e privoj nga jeta duke e hudhur nga dritarja e dhomës së hotelit, nga kati gjashtë, me ç’rast e ndjera kishte pësuar lëndime trupore, e që edhe përkundër trajtimit mjekësor e njëjta kishte ndërruar jetë në Qendrën Klinike Universitare të Kosovës ( QKUK).

Gjykata Themelore në Prishtinë – Departamenti për Krime të Rënda ka vendosur lidhur me kërkesën e Prokurorisë Themelore në Prshtinë, për caktimin e masës së paraburgimit kundër të pandehurit E.N, i dyshuar për veprën penale Vrasje nga neni 172 të Kodit Penal të Republikës së Kosovës.

Gjyqtari i procedurës paraprake ka aprovuar si të bazuar kërkesën e Prokurorisë Themelore në Prishtinë për caktimin e masës së paraburgimit kundër të pandehurit E.N dhe të njëjtit i ka caktuar masën e paraburgimit në kohëzgjatje prej 1 (një) muaji.

Në njoftim thuhet se gjyqtari i procedurës paraprake ka analizuar të gjitha arsyet mbi caktimin e paraburgimit kundër të pandehurit E.N dhe ka vlerësuar se është përmbushur kriteri nga neni nenit 184 paragrafi 1 nënparagrafi 1.1 dhe 1.2, pika 1.2.1, 1.2.2 dhe 1.2.3 të Kodit Penal të Republikës së Kosovës, si kusht i veçantë për caktimin e paraburgimit.

Nngase ekzistojnë rrethana të cilat tregojnë rrezikun e ikjes së të pandehurit, pasi që i njëjti është shtetas i Zvicrës dhe nëse i pandehuri gjendet në liri i njëjti do të mund të ik me qëllim të fshehjes dhe ikjes nga përgjegjësia penale dhe do të ishte i paarritshëm për organet e ndjekjes, e në këtë mënyrë do të pengohej rrjedha e procedurës penale, andaj konstatoi së masa e paraburgimit në këtë fazë të procedurës penale është e vetmja masë për rrjedhjen e pa penguar të procedurës penale në këtë çështje juridiko – penale.

Kundër këtij aktvendimi, palët e pakënaqura kanë të drejtë ankese në Gjykatën e Apelit, përmes Gjykatës Themelore në Prishtinë.

Guvernatori i Bankës së Shqipërisë Gent Sejko, në një konferencë për mediat, theksoi se inflacioni shënoi rënie gjatë tremujorit të dytë.

Gjithashtu u shpreh se në aspektin makroekonomik ngadalësimi i rritjes së çmimeve u ndikua nga inflacioni i importuar.

“Ritheksoj se kursi i këmbimit ka ardhur nga përmirësime strukturore. Është një trend që ka ardhur si përmirësim i bilancit të pagesave, burimet i kemi përmendur, janë remitancat, turizmi. Ne jemi në pikun e sezonit dhe historikisht është vënë re një lëvizje e tillë. BSH e ka të përcaktuar me ligj kur ndërhyn për kurs këmbimi, për efekt të objektivave tonë ligjorë.

Pra këto janë elementë që i kemi respektuar, kursi i këmbimit monitorohet me kujdes”, u shpreh ndër të tjera Sejko, duke shtuar: “Këshilli mbikqyrës thekson se mbetet e vëmendshme ndaj shpejtësisë së forcimit dhe luhatjeve të shtuara të kurseve të këmbimit gjatë muajve të fundit.

Nëse zgjerohen më tej këto fenomene mund të dëmtojnë funksionimin normal të tregut valutor dhe objektivin tonë të stabilitetit të çmimeve dhe të stabilitetit financiar. Nëse do të konstatohen këto premisa BSH rezervon të drejtën të ndërhyjë në tregun e brendshëm valutor në përmbushje të mandatit të saj ligjor”, tha Guvernatori Sejko para mediave.

Detaje të reja kanë dalë nga ngjarja e rëndë e ndodhur në Durrës, ku një 32-vjeçare e identifikuar si Luljeta Preza, është gjetur e pajetë poshtë “Urës së Dajlanit”. Sipas Policisë, ajo dyshohet të jetë vrarë pasi në trup i janë gjetur shenja, që mendohet të jetë qëlluar me një mjetë prerës.

“Në vendin e hedhur nuk janë gjetur shenja gjaku, ajo që dyshohet është se ajo mund të jetë vrarë diku tjetër dhe pastaj të jetë hedhur aty”, mësohet nga burimet.

Sipas burimeve zona e “Urës së Dajlanit”, është një zonë e njohur për prostitucion, ku vajzat fshiheshin pas shkurreve për të gjetur klientë, për të ushtruar profesionin e ndaluar të prostitucionit.

“Vajza së bashku me vajza të tjera, ka qenë e proceduar penmalisht dhe herë të tjera për prostitucion. Kjo është një zonë ku vajzat rrinin aty për të gjetur klientë. Vajza e vrarë i përket komunitetit rom”, tha gazetarja.

Për këtë rast policia ka shoqëruar 17 persona në Komisariatin e Durrësit.

Një i ri ka humbur jetën ditë e sotme në Durrës, pasi dyshohet se ka rënë aksidentalisht nga kati i katërt i një pallati.

Sipas informacioneve të policisë, 25-vjeçari me iniciale A.Th., vuante nga problemet e shëndetit mendor.

Policia në Durrës informon se ‘paraditen e sotme, në lagjen nr.17, Durrës, dyshohet se ka rënë aksidentalisht, nga kati i katërt i një pallati, shtetasi A. Th., 25 vjeç (sipas deklarimeve të familjarëve, vuante nga probleme të shëndetit mendor). Si pasojë, 25-vjeçari ka humbur jetën.

Grupi hetimor vijon punën për zbardhjen e rrethanave të kësaj ngjarjeje.