Author: editor

Nga Sonila Meço

Asnjë mekanizëm tjetër, parim a vlerë morale nuk në në lëviZje më shpejt e më efektivisht në punë shoqërinë tonë, sesa koncepti i “gjynah”-ut që përfaqëson vuajtjen ekstreme të njeriut, kur gjendet me thuajse të dyja këmbët i pamundur kësaj bote.

Kur dje lexova Enin në statusin për shokun e saj të jetës, Genc Fuga, në përpjekje të dëshpëruar për ca para, që do të garantonin pagesën e ndërhyrjes kirurgjikale në një spital privat kisha bindje thuajse absolute se shuma do kapej e tejkalohej. Sepse e njoh tjetrin, të ngjashmin, njoh shqiptarin e mësuar të jetojë mbi fillin e emergjencës, nën çatinë e mbijetesës, në perimetrin e gjynahut.

Dhe nëse debati pas kësaj ndodhie të tmerrshme ka vlerë, atë ia jep vetëm dinjiteti i njeriut dhe mbrojtja e tij. Dinjiteti i Gencit njeri, prind artist, profesor. Në këtë radhitje Gencit shqiptarët i shpëtuan jetën, por dinjietin ia përdhos kultura e “gjynah”-ut, që edhe kësaj herë i shpëtoi lëkurën shtetit të degjeneruar që kemi krijuar.

Gencin nuk e shpëtoi as paga e tij, as sigurimet e veta, as shërbimi publik, as shëndetësia falas, as qeveria, që zgjedh ku të japë konçensionet në shëndetësi, as drejtësia që nuk u mor kurrë seriozisht me hetimin për to, nuk e shpëtoi as talenti i tij, kontributi akademik, as ministria e milionave të PPP-ve.

Genc Fugën, si çdo njeri me një kërkesë publike e shpëtoi ndjenja solidare e shqiptarit, që motivohet veç nga filli i emergjencës, trarët e mbijetesës dhe kultura e imponuar e “gjynahut”.

Turp për kë dështon të shpëtoje jetë, ama turp edhe për kë shpëton jetë, po jo dinjitet. Turp për kë nuk i shpëton të dyja.

Të shkuara i dashur! Këtu na ke.

Tmerr në Itali.

Dy të rinj egjiptianë u arrestuan për vrasjen e një 19-vjeçari po shtetas egjiptian.

Trupi i të riut u gjet pa kokë dhe me duar të prera, pak ditë më parë i hedhur në det përballë portit të vogël të Santa Margherita Ligure, Itali.

19-vjeçari, Mohamoud Sayed Mohamed Abdalla, mendohet se është vrarë natën midis të dielës 23 dhe të hënës 24 korrik dhe u hodh në det.

Të dy egjiptianët u dërguan pasditen e 30 korrikut në prokurori dhe u morën në pyetje për gati 6 orë dhe më pas ndaj tyre u firmos urdhërarresti.

Sipas hetuesve, pas vrasjes autorët dyshohen se kanë hedhur trupin në det, por rrymat e kanë shtyrë trupin e pajetë në vendin ku dhe u gjet i vdekur, në brigjet e Santa Margherita Ligure (Genova).

Altin Çobani vuan nga kanceri në qafë, ai ka kryer disa operacione në Turqi, por nevojitet edhe një tjetër ndërhyrje që t’i shpëtojë jetën. Familja në gjendje të keqe ekonomike nuk mund të përballojë më këto shpenzime, prandaj një familjare e tij ka kontaktuar sot në redaksinë tonë, ku kërkon që shqiptarët ta ndihmojnë. Ajo tregon se është hapur një “Gofundme”, ku mund të kontribuojnë të gjithë ata që munden.

Ndërkohë edhe babai i tij nëpër rrjetet sociale iu kërkon ndihmë shqiptarëve, që të ndihmojnë me sa të munden familjen që Altini të bëhet operacion sa më shpejt pasi është në rrezik për jetën. Më poshtë është edhe një numër llogari ku mund të kontribuojnë të gjithë ata që duan të ndihmojnë Altinin.

Një vajzë 27 vjeçe nga Maqedonia e Veriut ka ndërruar jetë si pasojë e pickimit nga rriqna.

Nga Instituti për Shëndet Publik njoftojnë se gruaja nga rajoni i Shtipit pas shfaqjes së simptomave, pasi që ka hequr rriqnën në kushte shtëpiake, është trajtuar fillimisht në spitalin e Shtipit, më pas në spitalin e Shkupit, por nuk i ka mbijetuar dëmtimeve.

“Me datë 27.07.2023 në Laboratorin për Virusologji pranë Institutit për Shëndet Publik është vërtetuar shkaku i hemorragjisë së etheve të kongo-krime-së tek një paciente e cila ishte shtrirë në Klinikën e Infektologjisë. Bëhet fjalë për një grua 27-vjeçe nga fshati Kuçicë i Shtipit e cila ka ndërruar jetë ditën e njëjtë pas përparimit të sëmundjes”, njoftojnë nga Instituti për shëndet publik.

Një person ka humbur jetën dhe një tjetër është lënduar në një aksident që ka ndodhur në orët e para të ditës së sotme në fshatin Radac të Pejës.

Siç bën të ditur policia, rreth orës 03:30 është gjetur një makinë e dalë nga rruga që ka rënë në lumin Drini i Bardhë.

Disa qytetarë kanë qenë të parët që kanë reaguar duke i nxjerrë nga vetura dy persona. Në vendin e ngjarjes më pas kanë shkuar edhe njësitë policore dhe autoambulanca.

Ekipi mjekësor ka konstatuar se njëri nga personat e lënduar ishte pa shenja jete, ndërsa personi i dytë ёshtё dёrguar me autoambulancё nё Spitalin Rajonal nё Pejё pёr trajtim mjekёsor./ Gazeta Ekspres