Author: editor

Ditën e djeshme është regjistruar një aksident në fshatin Ropotovë në Gjilan ku kanë mbetur të plagosur 6 persona.

Lajmin për aksidentin e ka bërë të ditur policia e Kosovës ditën e sotme ku mësohet se janë përplasur 2 makina.

Si pasojë kanë mbetur të plagosur 6 persona. 4 pasagjerët kanë dalë nga spitali ndërsa 2 shoferët ndodhen në spital.

“Fshati Ropotovë 25.07.2023-18:00. Ka ndodhur një aksident trafiku me lëndime, ku të përfshira kanë qenë dy automjete me targa vendore dhe me drejtues meshkuj kosovarë.

Si pasojë e aksidentit lëndime trupore kanë pësuar dy drejtuesit e automjeteve si dhe katër pasagjerët. Të lënduarit, dy drejtuesit e automjeteve mbeten për trajtim të mëtutjeshëm mjekësor, ndërsa pasagjerët janë liruar për në shtëpi”, thuhet në njoftimin e policisë.

Gjykata e Posaçme e Apelit ka lënë në fuqi dënimin për 7 anëtarët e grupit kriminal, të cilët më 9 Prill të 2019-s grabitën 4.6 milionë euro në aeroportin e Rinasit.

Në Tetor të 2022-t, Gjykata e Posaçme dha 122 vite burg në total për autorët. Kështu, Klement Çala është dënuar me 20 vjet burg, ndërsa me nga 17 vjet burg janë dënuan 6 të pandehurit e tjerë: Eldi Çala, Oltjon Veseli, Renaldo Sula, Saimir Çela, Elton Pikli dhe Alkdon Bengasi.

I dyshuar për këtë ngjarje është edhe i shumëkërkuari Talo Çela, por çështja në ngarkim të tij është ndarë pasi vazhdon që të jetë në kërkim nga autoritetet. Edhe pse kanë kaluar vite nga kjo ngjarje nga ana e grupit të hetimit nuk janë mundur që të gjenden paratë që janë grabitur. Gjatë arrestimit të të dyshuarve është gjetur një sasi shumë e vogël parash, që janë krahasuar me numrin e serive të parave të humbura nga bankat e nivelit të dytë.

Vala e të nxehtit që ka përfshirë botën ka sjellë pasoja të shumta në shumë vende. Një tjetër rekord temperaturash është shënuar në ujërat e oqeanit rreth Florida Keys, ku termometri ka shënuar 38.4 gradë Celsius.

Sipas të dhënave të publikuara nga qeveria amerikane, në një hapësirë të caktuar për regjistrimin e temperaturës e instaluar në ujërat e gjirit Manatee, në Parkun Kombëtar Everglades, shënoi vlerën më të lartë, ndërsa në disa zona të tjera termometri shënoi 38 gradë dhe 32 gradë Celsius.

Vlerat normale për rajonin në këtë periudhë të vitit variojnë midis 23-31 gradë Celsius , sipas Administratës Kombëtare të Oqeanit dhe Atmosferës (NOAA). Niveli i nxehtësisë i regjistruar këtë javë është ai i një vaskë të nxehtë.

Vlerat e temperaturës së sipërfaqes së oqeanit nuk mbahen të regjistruara, por një studim i vitit 2020 tregoi se temperaturat më të larta globale deri në atë kohë u regjistruan në Gjirin Persik .

Leximet ekstreme vijnë në krye të paralajmërimeve të kaluara për ngrohjen e ujërave jashtë Floridës, bregdeti i së cilës po përballet me një valë të nxehti që kërcënon jetën detare dhe ekosistemet e oqeanit.

“Nuk e prisnim këtë vapë kaq herët dhe kaq ekstreme. E gjithë kjo është e paprecedentë në të dhënat tona”, vëren Derek Mancello i NOAA.

Valët e të nxehtit po prekin gjithnjë e më shumë oqeanet e botës, duke shkatërruar leshterikët, algat e detit dhe koralet dhe duke vrarë një pjesë të jetës detare “si zjarret që djegin sipërfaqe të mëdha pyjesh”.

Katastrofë biblike po konsiderohet nga mediat ndërkombëtare, ajo që po ndodh me zjarret në Rodos dhe në gjithë Greqinë. Flakët masive kanë djegur gati 1/3-ën e ishullit, mbi 34 mijë hektarë tokë.

Pavarësisht angazhimit të qindra efektivëve zjarrfikës, dhjetëra mjeteve, e madje edhe ndihmës me avionë nga Turqia, autoritetet thonë se zjarret nuk po vihen nën kontroll as në ditën e tetë.

Gati 20 mijë njerëz janë evakuuar deri më tani. Mediat britanike thonë se gati gjysma janë turistë nga ky vend, të cilët po largohen me avionë të posaçëm të dërguar nga qeveria e Britanisë së Madhe.

Dyshimet janë të forta se vatrat mund të kenë qenë të qëllimshme ndaj dhe kanë nisur hetimet intensive për zbulimin e autorëve. E vështirë është situata në gjithë vendin. Vetëm në 24 orët e fundit numërohen 64 vatra të reja zjarri, kryesisht në Athinë, por në ishuj të tjerë si Eubea e deri në Korfuz, ku ka nisur evakuimi i disa fshatrave.

Për 7 ditë në gjithë Greqinë janë djegur në total mbi 340 mijë hektarë pyje. Kryeministri grek Qirjakos Micotaqis paralajmëroi ndëshkime të ashpra për zjarrvëniet, ndërsa tha se vendin e pret një situatë tepër e vështirë përgjatë pjesës së mbetur të sezonit veror.

Një 52-vjeçar shqiptar ka ndërruar jetë në Greqi ditën e hënë pasi ra nga lartësia gjatë orarit të punës.

Mësohet se shtetasi shqiptar po kryente punime në një shtëpi në Aleksandri të Greqisë, në momentin kur ka rënë nga shkallët në një lartësi prej 5 metrash.

Trupi i tij u gjet ditën e sotme nga fqinjët pas erës së rëndë nga dekompozimi i shpejtë i trupit si pasojë e temperaturave të larta.

Sipas ekspertizës mjekoligjore, 52-vjeçari ka vdekur si pasojë e plagëve të marra nga rënia nga lartësia.

Autoritetet greke kanë nisur hetimet për incidentin dhe po punojnë për zbardhjen e plotë të ngjarjes.

Në këto ditë me temperatura të larta dhe trafik të rënduar, punonjësit e Qarkullimit Rrugor Krujë janë solidarizuar duke ofruar shishe me ujë të ftohtë, për qytetarët dhe turistët që qarkullojnë në zona të ndryshme të Krujës.

Komisariati i Policisë Krujë i bën thirrje qytetarëve që të shmangin lëvizjet e panevojshme gjatë orëve të mesditës, kur temperaturat janë më të larta.

E marta ishte dita me temperaturën më të lartë të kësaj vere deri më tani. Termometri shkoi në 43.6 gradë Celsius në Elbasan dhe 43.4 gradë Celsius në Berat.

Sinoptikanët kanë paralajmëruar se në ditët në vijim do të bien temperaturat pasi drejt Mesdheut po vjen një masë e ftohtë ajrore nga veriu. Fundi i Korrikut dhe 10-ditëshi i parë i Gushtit do të ketë temperatura kryesisht tipike të stinës./tvklan.al

Një 45-vjeçar ka ngritur policinë në këmbë pasi kallëzoi se në shtëpinë e tij i kishin vjedhur një shumë parash. Uniformat blu nisën menjëherë hetimet, por nuk iu desh të shkonin shumë larg. Hajduti ishte pjesëtar i familjes.

Bëhet fjalë për djalin e 45-vjeçarit, i cili është vënë në pranga. 18-vjeçari me iniciale R.U dyshohet se i ka vjedhur të atit 104 000 lekë, para të cilat u sekuestruan në cilësinë e provës materiale.

Një shprehje e urtë popullore shqiptare thotë: Ç’të bën fëmija, s’ta bën as Perëndia.

Dhe kjo nuk ishte hera e parë që djali vidhte babanë. Në mënyrë të përsëritur, ai i kishte grabitur shuma të ndryshme të atit në banesën e tyre në fshatin Lalm.