Author: editor

Gjatë javës që lamë pas janë arrestuar dhe proceduar në gjendje të lirë 20 drejtues mjetesh, për vepra të ndryshme penale.

Konkretisht:

5 shoferë janë arrestuar në flagrancë për drejtim automjeti në gjendje të dehur, 2 persona janë arrestuar në flagrancë për drejtim automjeti në efektin e lëndëve narkotike, ndërsa 4 të tjerë janë arrestuar në bashkëpunim me Sektorin e Krimit Ekonomik dhe Financiar të DVP Tiranë, për veprën penale “Korrupsioni aktiv ndaj personave që ushtrojnë funksione publike”.Gjithashtu, janë vendosur 8102 masa administrative, kryesisht për shkelje që janë burim aksidenti.

Janë vendosur 203 masa administrative, për shpejtësi mbi normat e lejuara dhe 469 masa administrative, për përdorim të aparatit celular gjatë drejtimit të mjetit.

468 drejtues mjetesh janë ndëshkuar për mosdhënie përparësie këmbësorëve, në vija të bardha; 1158 drejtues mjetesh janë ndëshkuar për mosvendosje të rripit të sigurimit.

Gjithashtu janë vendosur 80 masa administrative, për xhama të errësuar dhe 446 masa administrative, për mosvendosje të kaskës mbrojtëse, nga drejtuesit e motomjeteve.

Policia ka bllokuar 9 automjete.

Edhe përgjatë ditës së martë pritet që në të gjithë territorin të kemi mot të kthjellët dhe temperatura të larta. Gjatë ditës së nesërme do të ketë rritje të tëmperaturave sa i përket vlerave maksimale, ndërkohë nga e mërkura do të ketë një rënie të ndjeshme të tyre

Për ditën e Mërkurë dhe atë të Enjte mbi territorin e vendit tonë pritet depërtimi i një qëndre të presionit të ulët me origjinë veriore.

Në këtë mënyrë moti në pjesën më të madhe të këtyre dy ditëve parashikohet me diell por edhe alternime vranësirash kalimtare.

Vranësirat në orët e vona të mbrëmjes të ditës së Mërkurë dhe orët e para të mëngjesit të ditës së Enjte do të shoqërohen me reshje shiu të herëpashershme dhe intenistet të ulët. Për shkak të masave ajrore të ftohta me origjinë veriore pritet rënie e ndjeshme e temperaturave kryesisht në vlerat minimale por edhe ato të mesditës.

Java mbyllet me diten e Premte dhe kushte të qëndrueshme atmosferike pasi nis depërtimi i Anticiklonit të Azoreve dhe hera-herës edhe ai Afrikan. Moti parashikohet i kthjellët në të gjithë territorin si dhe temperatura mjaftë të freskëta në vlerat minimale dhe normale në ato të mesditës.

Dy protestues dogjën sot një kopje të Kuranit, librit të shenjtë të Islamit, përpara ambasadës së Irakut në kryeqytetin Kopenhagë, duke krijuar rrezikun e një përkeqësimi të mëtejshëm të marrëdhënieve diplomatike midis dy vendeve.

Protestuesit janë pjesë e një grupi që quhet “Patriotët danezë”, të cilët mbajtën një demonstratë të ngjashme javën e kaluar dhe transmetuan incidentin drejtpërdrejt në Facebook.

Disa mijëra irakianë protestuan në Bagdad të shtunën për djegien dhe shkatërrimin e Kuranit gjatë protestave anti-islame në Suedi dhe Danimarkë.

Organizatori i demonstratës së sotme në Kopenhagë shkeli Kuranin dhe i vuri flakën pranë flamurit irakian në tokë, ndërsa protestuesit mbanin pankarta me slogane fyese.

🇩🇰🇮🇶 #BREAKING: #Protesters burned the Holy #Quran and Iraqi flag in front of the Iraqi Embassy in #Copenhagen, #Denmark#BreakingNews #Iraq #quranburning pic.twitter.com/XyHEbZfL4U

— Attentive Media (@AttentiveCEE) July 24, 2023

Falë reagimit të menjërshëm, pas telefonatës nga një qytetar, shërbimet e Policisë shpëtojnë një fëmijë 5 vjeç që rrezikoi të binte nga dritarja e katit të pestë të pallatit.

Rreth orës 13:00, në sallën operative, ka telefonuar një qytetar për të kërkuar ndihmë, pasi në lagjen “Skënder Libohova”, Lushnjë, një fëmijë po rrezikonte të binte nga dritarja e katit të pestë të pallatit.

Menjëherë pas telefonatës, salla operative ka koordinuar veprimet me shërbimet e Patrullës së Përgjithshme që patrullojnë në këtë zonë, të cilat kanë shkuar brenda pak minutash në adresën e dhënë.

Falë ndërhyrjes së menjëhershme të shërbimeve të Policisë është shpëtuar fëmija 5 vjeç që kishte kishte hipur dhe kishte ngecur në parvazin e dritares, në një moment që familjarët nuk kishin qenë ne atë dhomë.

Familjarët e të miturit kanë falënderuar Policinë, për ndërhyrjen e menjëhershme në këtë situatë.

Ka shumë teori për përjetësinë dhe pavdekësinë. Megjithatë, këtë herë duket se shkencëtarët kanë gjetur një organizëm të gjallë që nuk vdes kurrë. Dhe kjo falë një mekanizmi të mahnitshëm që ka. Arsyeja e ” kandilit të pavdekshëm”, siç u emërua pasi mund të jetojë përgjithmonë. Këto krijesa të vogla enden në Tokë para zhdukjes së dinosaurëve, domethënë për 66 milionë vjet.

Shkencore emri i tij është ‘Turritopsis dohrnii’ dhe kur plaket ose lëndohet, mund të mashtrojë vdekjen duke u kthyer në formën e një polipi. Ai e realizon këtë duke thithur tentakulat e tij ndërsa zhytet në fund si një masë qelizash të padiferencuara. Nga atje, polipi rritet përsëri duke prodhuar një formë të re të rritur, gjenetikisht identike me atë të mëparshme.

https://t.co/Hf0Om6myJP

Kandil deti i pavdekshëm u zbulua për herë të parë në 1883, por u desh edhe një shekull që cikli i përjetshëm i jetës së tij të zbulohej rastësisht. Që atëherë, kërkimet laboratorike kanë treguar se kjo specie e veçantë kandili deti mund ta kalojë këtë cikël jetësor deri në 10 herë brenda dy viteve, duke dëshmuar se është biologjikisht i pavdekshëm.

Pavarësisht hulumtimeve, shkencëtarët nuk kanë qenë ende në gjendje të shpjegojnë saktësisht mekanizmat që e lejojnë atë të jetojë përgjithmonë. Por në vitin 2022, një kërkim i gjeneve identifikoi mbi 1000 gjene që lidhen me plakjen dhe riparimin e ADN-së

Lot dhe pikëllim. Gert Hoxha nuk jeton më! Operatori i emisionit investigativ Stop, në Tv Klan, u shua tragjikisht një natë më parë në një aksident të ndodhur në Përmet. 45-vjeçari vdiq në aksident me motor. Motori ishte një prej pasioneve të tij më të mëdha, së bashku me pasionin për kameran, që e kishte profesion prej më shumë se 20 vitesh.

Prej gati 9 vitesh ishte pjesë e stafit të emisionit Stop, e ky staf shpreh dhimbjen me të madhe për humbjen e tij. Një tjetër pasion që e kishte materializuar edhe në një klub, ishte ai për motorët Vespa. Gert Hoxha ishte themelues i Vespa Club Tirana. Me hidhërim të thellë e përcjell vdekjen e “Çomit”, edhe ky klub.

Reagimet për Gertin janë të pafundme. Kolegë, njerëz të medias, miq e të njohur kanë vërshuar me komentet e tyre prekëse për humbjen e tij në mënyrë kaq të parakohshme. Gert Hoxha po kthehej nga Përmeti drejt Tiranës ku jetonte, kur dyshohet se ra në një skarpat prej 20 metrash. Ai lë pas bashkëshorten, dy vajzat 10 dhe 14 vjeçe, prindërit dhe motrën e madhe.

“Daily Mail” ka publikuar ditën e sotme një video ku shfaqet një baba i dëshpëruar teksa thyen xhamin e përparmë të makinës së tij, për të shpëtuar fëmijën që kishte mbetur aty dhe rrezikonte jetën nga i nxehti i ‘frikshëm’.

Videoja shqetësuese tregon një burrë që përpiqet vazhdimisht të thyejë dritaren me një hekur për të shpëtuar fëmijën e tij nga makina në një parking në Arlington, Teksas.

Mes vapës 38 gradë, kalimtarët e shqetësuar shikojnë se si një burrë aty afrohet për të ndihmuar babain që kishte frikë se fëmijës së tij mund t’i ndodhte ndonjë gjë.

Fatmirësisht që të dy arritën që të krijonin një vrimë mjaft të madhe, në mënyrë që dikush të arrinte të merrte fëmijën. Policia e Harlingenit u shpreh se prindërit e foshnjë kishin lënë aksidentalisht çelësat brenda makinës, ku i mbyllur në të ngeli edhe fëmija.

Ishte ora 10.30 e mëngjesit të së mërkurës, pikërisht koha kur vapa filloi që të intensifikohej. Pavarësisht se ishte në gjendje të vështirë, foshnja ishte mirë.

Nuk ishte e qartë se sa kohë ishte mbyllur foshnja në makinë, por Administrata Kombëtare e Sigurisë së Trafikut në Autostrada paralajmëroi se i duheshin vetëm dhjetë minuta që në makinë të rritej temperatura me 20 gradë.

Ndërkohë “Daily Mail” shkruan se në 25 vitet e fundit, afro 1000 fëmijë kanë vdekur nga goditja e nxehtësisë sepse ishin bllokuar brenda makinës. Kjo përfshin 33 vetëm vitin e kaluar.

“Temperatura e trupit të një fëmije mund të rritet tre deri në pesë herë më shpejt se ajo e një të rrituri”, tha Administrata Kombëtare e Sigurisë së Trafikut në Autostrada.

Teksa e gjithë bota po përjeton valën ekstreme të të nxehtit edhe në Shqipëri janë shënuar temperatura rekord, duke shkaktuar vatra zjarri dhe probleme shëndetësore tek qytetarët.

Sa i takon gushtit, në raport me temperaturat e korrikut, priten nivele me të ulëta dhe normale për këtë muaj, duke lënë pas valën ekstreme dhe shqetësuese të të nxehtit.

Sipas specialistes së IGJEUM-t, gushti do të shoqërohet nga disa ditë të nxehta por që janë normale dhe jo shqetësuese për qytetarët.

“Në gusht nuk pritet të ketë shi por do të këtë ulje të temperaturave, të cilat do të fillojnë që nga dita e enjte dhe kjo do të vazhdojë deri në datën 2 dhe 3 gusht, pra pritet një qetësim i temperaturave maksimale dhe ngritje sërish në gusht, ku do të shoqërohemi nga disa ditë të nxehta, ndonëse nuk presim të shkojmë në këto nivele siç jemi apo siç përjetuam gjatë korrikut, por do të ketë ditë të nxehta”, tha specialistja e IGJEUM-t.

Për të gjithë ata që kanë planifikuar të bëjnë pushimet në gusht, dy javët e para janë më të favorshmet, sidomos për ata që preferojnë bregdetin dhe plazhin. Ndërsa për të gjithë ata që preferojnë malin dhe alpet, në fund të muajit gusht pritet ulje e temperaturave.

“Korriku historikisht ka qenë më i nxehtë se muaji gusht, përgjatë viteve ka pasur vetëm disa ditë kur gushti ka kaluar korrikun me 0.1 apo 0,2 gradë celcius, por përsëri korriku mbetet muaji më i nxehtë. Në gusht, pas datës 3 dhe 4 që presim ngritjen e temperaturave, do të jenë dy javë shumë të nxehta dhe pastaj në javën e fundit presim ulje të temperaturave, por ajo që vlen të theksohet është se nuk do të ketë temperatura ekstreme si në korrik, pra do të jenë temperatura normale për gushtin”, u shpreh specialistja”, tha specialistja.