Author: editor

Dy janë kontrastet, që sheh në mëngjes në rrugët e kryeqytetit.

Si asnjëherë më parë kudo ka shumë turistë, të cilët po ndikojnë dukshëm në gjallërimin e konsumit dhe ekonomisë, që në tremujorin e parë u frenua nga emigracioni dhe çmimet e larta. Në kahun tjetër, ndonëse ora po i kalonte 10:00 paradite, koshat e mbeturina ishin plot me plehra në disa zona (shiko foton 1), një panoramë që është e pakonceptueshme për turistët.

E njëjta situatë dhe në bregdetin e Durrësit. Mbeturinat pastrohen shumë ngadalë, duke mos arritur që të ndjekin ritmin e shtimit të turistëve, që ishte i pritshëm këtë sezon (shiko foton 2).

Përkundrejt situatës së menaxhimit të mbeturinave, që lë shumë për të dëshiruar, si Bashkia e Tiranës ashtu dhe ajo e Durrës, të dyja që kanë kontrata me projektin e PPP-së së inceneratorit të Tiranës, kanë pasur shpenzime rekord për mbrojtjen e mjedisit, ku përfshihet pastrimi i mbeturinave.

Të dhënat e publikuara nga Co-plan për buxhetet e bashkive sipas zërave dhe të përpunuara nga “Monitor” tregojnë se Bashkia Tiranë shpenzoi 2.4 miliardë lekë për zërin e mjedisit në 2022, me një rritje prej 18% në krahasim me vitin 2021 dhe 21.3% në krahasim me 2020-n, që është viti më i hershëm kur Co-Plan e raporton të dhënë për këtë zë.

Shpenzimet për këtë zë përbënin 14% të totalit të të ardhurave të veta, që bashkia e kryeqytetit mbledh nga taksat e tarifat.

Durrësi shpenzoi për zërin e mbrojtjes së mjedisit 964 milionë lekë në vitin 2022, me rritje 120% në raport me vitin e mëparshëm, kur mbeturinat filluan të dërgoheshin te koncesionari i inceneratorit të Tiranës në mes të vitit. Ndërsa në raport me 2020-n, kur e bënte vetë menaxhimin e mbeturinave, shpenzimet u rritën me 151%./Monitor

Golem, Kavajë.

Në Golem, shtetasi M. K., 66 vjeç, banues në Elbasan, sapo ra në kontakt me ujin në anë të detit, ka shfaqur probleme shëndetësore, dyshohet arrest kardiak.

Menjëherë i është dhënë ndihma e parë nga familjarët e tij dhe nga roja i plazhit, por gjatë transportimit në spital, me ambulancë, ky shtetas ka humbur jetën.

Grupi hetimor vijon punën për përcaktimin e saktë të shkakut të humbjes së jetës.

Elvis Halilaj dhe dy djemtë e tij të mitur, që u mbytën tragjikisht në plazhin e Vilë Bashtovës të dielën, e 9 korrikut, lanë pas dhimbje e varfëri për dy gratë e familjes.

Njëra që ka humbur burrin dhe dy djemtë, kurse tjera që humbi babain dhe dy vëllezërit.

Bashkëshortja e Elvisit dhe vajza, jetojnë në kryeqytet, jo në një banesë të tyren, por në banesën e prindërve të të ndjerit. Të afërmit thonë se me kohë nuk është rënë dakord që kjo shtëpi tu kalonte në pronësi, dhe dy gratë tashmë nuk e dinë se çdo të ndodh më ta. Do të qëndrojnë këtu, apo do ju duhet të largohen.

“Shtëpia nuk është në emrin e tyre. Është në emrin e babait të të ndjerit”, tha një i afërm.

Ceremoninë mortore për tre viktimat e mbytur, babain dhe dy djemtë, nënë e bij, e organizuan me ndihmën e miqve dhe të komshinjve. Nuk kishin as një tapet, apo karrige për të pritur njerëzit që vinin për ngushëllime. Familja Halilaj sot është në borxhe që kryefamiljari i ka marrë në të shkuarën.

Misionin ne duhet ta çojmë deri në fund amanetin e Jusufiut, për të larë ato borxhe që ka, dhe ta ndihmuar familjen.

Të ndjerin Elvisin, Albert Karanxha njeriu që po kujdeset për pjesën tjetër të familjes, e kishte mik të ngushtë. Ishte i pari që mori lajmin tragjik për mbytjen e tij dhe të dy djemve.

“Ka punuar si korrier tek posta jonë dhe më pas ka punuar individualist. Mbante familjen si korrier. Shpërndante pakot. Ka qenë një ngjarje që në jetën tim nuk e kam përjetuar dhe lus zotin që asnjë mos ta përjetoje.

Lus tre gjithë shqiptarët që të kountribojnë për familjen e Jusufit. Linkun e gjeni tek fondacioni “Për njerëzit në Nevojë”. Deri tani janë mbledhur gati rreth 15 mijë euro,” tha Karanxha./Shqiptarja

Virgjëresha, shenja e njohur si më perfeksionistja e zodiakut e ka edhe më të vështirë për të marrë vendime lidhur me hyrjen në një marrëdhënie.

Meri Shehu cilëson në “Rudina” në Tv Klan se kombinimet më të mira për të janë Akrepi me të cilin formon miqësi të forta, Peshqit që i zgjojnë ndjenjën ndërsa Shigjetari i nxjerr në pah anën më të mirë.

Nga 12 shenjat e horoskopit, Virgjëresha nuk arrin dot të gjejë gjuhën e komunikimit me udhëheqësin e tyre.

Meri Shehu: Një Virgjëreshë nuk do shkonte shumë me Dashin, keq fare domethënë, nuk do e kuptonte fare Dashin sepse Dashi vendos për 5 minuta, Virgjëresha vendos për 5 vjet dhe këtu nuk kemi asnjë rezultate midis tyre. një Virgjëreshë do 5 vjet të marrë një vendim që Dashi e merr për 5 minuta kështu që këtu nuk kemi fare balanca, nuk kemi as atë vijën e mesit, as agimin nuk e kemi./tvklan.al

Shkencëtarët zbulojnë se si temperaturat djegëse në të gjithë kontinentin po nxiten nga një anticiklon me presion të lartë “El Niño”- si dhe nga ndryshimet klimatike.

Një valë vdekjeprurëse e të nxehtit e quajtur Cerberus po përhapet në të gjithë Evropën, duke detyruar qytetet përfshirë Romën, Bolonjën dhe Firencen të lëshojnë paralajmërime të alarmit të kuq për shkak të temperaturave ‘të padurueshme’ që janë vendosur të intensifikohen edhe më tej.

Temperaturat pritet të kalojnë 40 gradë Celsius në pjesë të Spanjës, Francës, Greqisë, Kroacisë dhe Turqisë, ndërsa Italia mund të shohë që temperaturat të arrijnë në 48.8 gradë Celsius.

Por çfarë po e shkakton këtë valë të nxehti në të gjithë kontinentin dhe pse Britania e Madhe nuk po përjeton të njëjtat temperatura të larta?

Temperaturat përvëluese po nxiten nga tre faktorë kyç – El Niño, një sistem i palëvizshëm me presion të lartë i njohur gjithashtu si një anticiklon, dhe ndryshimi i klimës.

“Evropa nuk ndikohet veçanërisht nga ngjarjet e El Niño drejtpërdrejt, prandaj ka të ngjarë që sistemi i presionit të lartë dhe ndryshimi i klimës janë kontribuuesit kryesorë në këtë ngjarje të valës së të nxehtit,” tha Dr Melissa Lazenby, një pedagoge në Ndryshimet Klimatike në Universitetin e Sussex.

Sot, Athina dhe Madridi janë ndër qytetet e shumta në temperatura mbi 30 gradë Celsius – duke arritur kulmin në 37 gradë Celsius në kryeqytetin grek dhe 35 gradë Celsius në qytetin spanjoll.

Zyrtarët shëndetësorë kanë lëshuar gjithashtu alarme të kuqe për dhjetë qytete të mëdha në Itali, përfshirë Firencen dhe Romën.

Ndërsa temperaturat do të ulen rreth 32 gradë Celsius për këto qytete sot, Zyra Metologjike pret që temperaturat të rriten në më shumë se 40 gradë Celsius të martën e ardhshme.

Por ishujt italianë të Sardenjës dhe Siçilisë do të mbajnë peshën kryesore të kësaj vape, pasi BBC pretendon se temperaturat arrijnë në 48.8C.