Author: editor

Autoritet britanike kanë dënuar 2 shqiptarë me nga 20 muaj burg pasi u kapën në një shtëpi bari.

Sipas mediave britanike të dënuarit janë 31-vjeçari, Indrit Balliu dhe 32-vjeçari Fatjon Tarja.

2 shqiptarët mësohet se kishin arritur në Britani në mënyrë ilegale. Arrestimi i tyre është regjistruar më 27 prill në Bangor.

Balliu dhe Tarja tentuan të arratiseshin por nuk ia dolën pasi u kapën nga policia

Kaluan më shumë se 24 orë dhe ende nuk ka asnjë të arrestuar për vrasjen në mesnatën e kaluar në Fushë Krujë. Gentian Bejtja ishte objektiv i atentatit, një emër i njohur për policinë e që u ka shpëtuar edhe dy atentateve të tjera. Tre ishin autorët duke lënë të vdekur një 29 vjeçar, Ramazan Sino që është kunati i tij dhe të plagosur dy djemtë e Bejtjas 10 dhe 13 vjeç.

Autorët ishin në dijeni të lëvizjeve dhe sapo 29-vjeçari ka zbritur nga makina së bashku me nipërit u qëllua për vdekje. Dy të miturit u transportuan për në spital. Mister mbetet Gentian Bejtja. Dyshohet se ka qenë në shtëpi dy ditë më parë, por hetuesit nuk përjashtojnë pistën që ai të ketë qenë edhe mbrëmjen e së martës në makinën e Sinës, por që mund të ketë zbritur më parë.

Kunati punonte si shofer në prokurorinë e apelit të Tiranës. Bejtja i ka shpëtuar dhe dy atentateve të tjera ndërsa për policinë ka qenë i dyshuar si i përfshirë dhe në vjedhjen e automjetit që u përdor në vrasjen e komisarit të policisë Dritan Lamaj. Së fundmi ai kishte kërkuar azil në Norvegji dhe Suedi, të cilat ishin refuzuar e mesa duke tani ishte kthyer në Shqipëri.

Bëhuni gati për shtrëngata! Pasdite vjen kthesa e madhe e motit (Qytetet ku do të ketë shi)

SHKRUAR NGA SOT.COM.AL
5 KORRIK 2023
Bëhuni gati për shtrëngata! Pasdite vjen kthesa e madhe e motit

Për ditën e Mërkurë vendi ynë do të ndikohet nga relativisht të njëjtat kushte atmosferike si rezultat i pranisë së masave ajrore të lagështa.

Moti parashikohet fillimisht i kthjellët me shtim vranësirash mesatare deri të dendura nga orët e mesditës deri ato të pasdites në relievet kodrinore – malore në pjesën lindore të territorit.

Këto vranësira do të shoqërohen me reshje lokale të dobta shiu në formën e shtrëngatave afatshkurtra të izoluara përqendruar më së shumti në pjesën lindore në zonat kodrinore-malore.
Era do të fryjë me drejtim nga kuadrati i perëndimit me shpejtësi mesatare 1–7m/s, ndërsa në bregdet dhe lugina era fiton shpejtësi 10m/s, sipas Sherbimit Meteorologjik Ushtarak.

Valëzimi në dete do të jetë i forcës 1-2 ballë.
Temperaturat parashikohen:
në zonat malore 18 deri 28°C
në zonat e ulëta 19 deri 33°C
në zonat bregdetare 23 deri 30°C

Një 27-vjeçar shqiptar ka ndërruar jetë mëngjesin e sotëm në spitalin Garibaldi Centro të Nesimas, një ditë pasi u plagos rënë me armë zjarri brenda një banese sociale.

Ngjarja e rëndë e ndodhur në Nesima të Katanias është ende e paqartë siç raportojnë mediat italiane.

Po sipas tyre shqiptari i identifikuar si Kastriot Ismailaj qëndronte pa dokumente në Itali, ndërsa bashkë me të i plagosur mbeti edhe një 43-vjeçar, i identifikuar si Carmelo Leonardi.

Policia ka arrestuar autorin e dyshuar të ngjarjes, një 27-vjecar italian me precedentë të mëparshëm penalë Giovanni Pasqualino Di Benedetto.

Shkak për vrasjen dyshohet të jetë bërë godina ku jetonte shqiptari, e cila ishte në pronësi të një gruaje që kishte ndërruar jetë.

Pritet që nga marrja në pyetje e 27-vjeçarit Benedetto, të mësohen më shumë të dhëna për ngjarjen e ndodhur.

Një valë e re të nxehti, sipas parashikimeve meteorologjike, do të godasë Italinë nga e premtja. Temperatura pritet të rritet ndjeshëm në të gjithë vendin, nga Siçilia në Milano.

Rekordi ka të ngjarë të regjistrohet në Sardenjë, ku termometri mund të arrijë 47 gradë.

Kjo valë e re e të nxehtit – e dyta këtë verë – parashikohet të zgjasë deri në mes të korrikut.

Në dy ditët e ardhshme, megjithatë, para vapës së madhe, shumë zona të Italisë do të kenë reshje shiu, kryesisht në rajonet veriore të vendit dhe në shumë resorte të detit Adriatik.

Është dënuar me 2 vite burg gjyqtarja e Elbasanit, Zamira Vyshka, dënim i cili i është konvertua rnë shërbim prove.

Më herët Prokuroria e Posaçme kërkoi 2 vite burg ka për gjyqtaren e Elbasanit, Zamira Vyshka, e cila akuzohet për korrupsion.

Nga ana tjetër, për avokatin Ilir Pashaj u kërkua 2 vite burg, por u dha 1.4 vite.

Taulant Ramollari, 2 vite kërkoi prokuroria, 1.4 vite ka dhënë gjykata.

Andrea Tirana, 9 muaj burg kërkoi prokuroria, 6 muaj ka dhënë gjykata.

Gjyqtarja e Elbasanit Zamira Vyshka dhe avokati Ilir Pashaj, ish gjyqtar i larguar nga detyra para vetingut, u arrestuan më 22 korrik të vitit 2022 me urdhër të SPAK, me akuzën e korrupsionit me një skemë të uljes së dënimit ndaj një shtetasi kundrejt ryshfetit.

Gjyqtarja u akuzua se kishte marrë 4 milionë lekë për të lehtësuar masën e sigurisë për shtetasin Zhuliano Musai, i akuzuar për plagosje.