Author: editor

Për javën që presim: vendi ynë parashikohet të ndikohet nga kushte atmosferike kryesisht të paqëndueshme për shkak të masave ajrore të ftohta e të lagështa me origjinë veriperëndimore.

E më konkretisht:

Ditët e Hënë e Enjte e pjesërisht e Martë moti peritet të jetë me kthjellime e alternime vranësirash, ku ditën e Martë në pjesën e dytë të ditës mot me kthjellime e vranësira në shtim.

E Mërkurë e Premte mot i vranët e intervale kthjellimesh të herëpashershme. Vranësirat pritet të pasohen me reshje shiu me intensitet të ulët në pjesën më të madhe të territorit ndërsa në zonat veriperëndimore e jugperëndimore reshjet pritet të jenë me intensitet mesatar e hera –herës të lartë shoqëruar me shkarkesa elektrike.

Në lartësitë mbi 1000-1200m reshje bore me intensitet të ulët, ndërsa në Alpe me intensitet deri mesatar.

Era pritet të jetë me drejtim verilindje- juglindje me shpejtësi mesatare deri në 8m/sek, ndërsa përgjatë vijës bregdetare hera-herës era fiton shpejtësi deri në 14m/sek.

Një aksident me pasojë vdekjen e një 75-vjeçari ka ndodhur mëngjesin e sotëm në aksin rrugor Cërrik-Gramsh.

I moshuari ka qenë duke lëvizur me biçikletë kur është përplasur nga një automjeti tip “Benz” që drejtohej nga 70-vjeçari me iniciale Q.B.

Ky i fundit është arrestuar për veprën penale “shkelja e rregullave të qarkullimit rrugor”.

Materialet procedurale i kaluan Prokurorisë për veprime të mëtejshme.

Një atentat me armë zjarri tronditi Shkodrën mbrëmjen e kaluar.

33-vjeçari Ramazan Mataj u ekzekutua në zonën e Dragoçit, në Postribë, brenda në automjetin e tij.

Ai ka qenë duke lëvizur me një automjet tip “Benz” kur ndaj tij është hapur zjarr.

Xhaxhai i viktimës Naim Mataj ka theksuar se nipi i tij nuk ka pasur asnjë konflikt.

“Punonte në Malin e Zi si mjeshtër. Para afro një viti e gjysmë ka qenë në Belgjikë ndërsa kohët e fundit ka punuar në Malin e Zi. Vëllai i tij ndodhet në Belgjikë. Nuk kanë probleme apo ndonjë konflikt. Janë rritur me vështirësi sepse nuk e kanë patur gjendjen ekonomike të mirë”.

Ndaj Ramazan Matajt është qëlluar disa herë me breshëri dhe kjo dallohet qartë nga dera e automjetit tip “Benz” me të cilin po udhëtonte.

Autorët dyshohet se e kanë ruajtur Matajn gjatë natës dhe në momentin që ka dalë në rrugën kryesore të fshatit, e kanë qëlluar duke e lënë të vdekur.

Siç shihet edhe në këtë FOTO, dallohen shenjat e plumbave në makinën tip ‘Benz’ me të cilin po udhëtonte i riu.

Në drejtim të tij është qëlluar me breshëri kallashi nga të dyja krahët e makinës, çka do të thotë se janë të paktën 2 autorë qitës.

Një 33-vjeçar u vra me armë zjarri në Postribë të Shkodrës këtë të diel.

Ramzan Mataj u qëllua me breshëri plumbash brenda makinës së tij tip “Benz” dhe më pas u gjet nga kalimtarët e rastit, banorë të fshatit Dragoç.

Autorët dyshohet se e kanë ruajtur Matajn gjatë natës dhe në momentin që ka dalë në rrugën kryesore të fshatit, e kanë qëlluar duke e lënë të vdekur.

Ishin banorët që panë 33-vjeçarin e pajetë brenda automjetit dhe kanë lajmëruar policinë e cila është nisur drejt vendit të ngjarjes.

“Rreth orës 07:15, në fshatin Dragoç, në rrugë, është qëlluar me armë zjarri në drejtim të automjetit tip Benz, me drejtues shtetasin R. M., 33 vjeç, banues në Dragoç, Shkodër, i cili ka humbur jetën.
Në vendngjarje kanë shkuar shërbime të shumta të Policisë dhe Forca Kombëtare e Sigurisë, Njësia Shkodër.
Është ngritur një grup i posaçëm hetimor dhe në drejtimin e Prokurorisë vijojnë intensivisht hetimet për zbardhjen e rrethanave dhe sigurimin e provave, me qëllim dokumentimin ligjor të rastit, identifikimin dhe kapjen e autorëve“, sipas njoftimit të policisë.

Ende nuk dihet arsyeja e vrasjes së 33-vjeçarit dhe identiteti i autorit apo autorëve, ndërsa po hetohet për zbardhjen e ngjarjes së rëndë.

Babai i viktimës i pyetur paraprakisht nga policia ka deklaruar se nuk ka asnjë informacion se pse ka ndodhur ngjarja.

Ai ka thënë se djali nuk kishte probleme dhe as shqetësime. Komunikimin e fundit me të e ka patur mbrëmjen e kaluar dhe djali nuk i ka treguar asgjë.

Një ngjarje e rëndë ka ndodhur në fshatin Dragoç në Shkodër.

Një person, i identifikuar si shtetasi Fatmir Mataj, rreth 33 vjeç është gjetur i vrarë në automjetin e tij nga banorët e zonës.

Ende nuk dihen detaje në lidhje me ngjarjen, por policia ndodhet në vendngjarje.

E diela pritet të sjellë mot të qëndrueshëm në Shqipëri, me kthjellime dhe alternime vranësirash që do të jenë më të dukshme në zonat malore.

Era do të fryjë me drejtim verilindje-veriperëndim, me shpejtësi mesatare prej 2-7 m/sek, ndërsa në vijën bregdetare dhe luginat era mund të arrijë shpejtësi deri në 10-16 m/sek, duke krijuar valëzim në dete me forcë 2-4 ballë.

Gjithashtu, sipas SHMU, gjatë orëve të para të mëngjesit dhe natës, në zonat luginore pritet prezencë mjegulle ose mjegullinë, ndërsa ngricat do të jenë prezente përgjatë disa akseve rrugore, duke kërkuar kujdes të shtuar nga drejtuesit e mjeteve.

Nga sot, të gjithë ata që do të kalojnë në aksin Thumanë-Kashar do të duhet të paguajnë afro 2.5 euro. Bashkim Ulaj riktheu tarifën, pas kaosit që u krijua vitin që lamë pas.

Lidhur me këtë zhvillim ka reaguar shumë ashpër gazetarja Klodiana Lala, pasi sipas saj, po diferencohet Veriu nga Jugu.

Sipas Lalës është anormale që një biznesmen nga Veriu i vë traun rajonit të tij. Ndërkohë ajo ka qenë e ashpër ndaj opozitës, e cila nuk thotë asnjë fjalë për Bashkim Ulajn.

“Thumanë-Kashar një histori më shume se korruptive. Është diskriminuese. Një biznesmen verior qe i ve traun veriut, me se pari duhet hetuar per pastrim parash. Ptu qeveri spiropalliste! Po opozita ku është? Apo e ka tredhur Bashkim Ulaj?”, shkruan ajo.

Qeveria shqiptare ka hedhur për konsultim publik Planin Kombëtar, që synon të afrojë vendin me politikat e Bashkimit Evropian për Energjinë dhe Klimën.

Sipas këtij plani të hartuar nga qeveria synohet që përgjatë 2025 përdorimi i makinave në vend të kufizohet duke përdorur alternime.

Në draft po ashtu thuhet se “përdorimi i makinave do të bëhet në disa ditë të javës dhe sipas targës së makinës”.

Po ashtu, ky plan parashikon rritjen e përdorimit të mjeteve elektrike në vitet në vijim.

Parashikohet gjithashtu që deri në vitin 2030, 10% e të gjithë flotës së automjeteve në vend të jetë elektrike. Për këtë arsye, qeveria ka vendosur si objektiv të planit kombëtar instalimin e stacioneve të karikimit për automjetet elektrike në pikat ekzistuese të aksesit përgjatë rrugëve kombëtare, pikave kufitare dhe zonave turistike, si dhe caktimin e detyrimeve ligjore ndaj operatorëve ekonomikë, psh. për parkimet publike ose garazhet publike për të qenë të pajisur me stacione për karikimin të automjeteve elektrike.