Author: editor

Policia ka shpëtuar dy turistë holandezë në Himarë pasi duke eksploruar gjirin e Filikurit kanë mbetur të izoluar në një terren të vështirë.

Polica thotë se njëri prej tyre ka marrë lëndime, por gjendja e tyre shëndetësore paraqitet e e mirë.

“Menjëherë pas marrjes së këtij njoftimi, shërbimet e Policisë Kufitare Dhërmi kanë organizuar punën për t’iu shkuar në ndihmë 2 turistëve. Pas disa orësh kërkimi, nga shërbimet e Policisë të ndarë në grupe kërkimi përmes detit dhe përmes tokës, kanë bërë të mundur lokalizimin dhe gjetjen e turistëve, të cilët janë transportuar me mjetin lundrues të Policisë Kufitare, me qëllim dërgimin e menjëhershëm të tyre, në ambientet ku pushonin në Himarë”, njofton polcia

Flavia Franzoni, gruaja e ish-kryeministrit italian Romano Prodi ka ndërruar jetë në moshën 76-vjeçare.

Mediat italiane shkruajnë se lajmi është bërë i ditur nga zyra për shtyp e Prodit.

‘Me dhimbje të madhe, Presidenti Romano Prodi, së bashku me djemtë e tij Giorgio, Antonio dhe gjithë familjen e tij, njofton se bashkëshortja e tij, Flavia Franzoni, ka ndërruar jetë sot papritmas”,- shkruhej në njoftim.

Mësohet se Franzoni vdiq teksa udhëtonte me bashkëshortin e saj dhe disa miq, përfshirë ish-ministrin Arturo Parisi, në Umbria. Ajo u rrëzua papritur teksa ecte, ndoshta për shkak të sëmundjes.

Ushtria dhe autoritetet civile të Pakistanit po planifikojnë të evakuojnë 80,000 njerëz përgjatë bregut jugor të vendit dhe mijëra në Indinë fqinje kanë kërkuar tashmë strehim, përpara mbërritjes së cikloni Biparjoy.

Cikloni parashikohet të përplaset në breg në rajonin me popullsi të dendur të enjten.

Ka të ngjarë të jetë më i fuqishmi që godet Indinë perëndimore dhe Pakistanin që nga viti 2021, dhe pas përmbytjeve shkatërruese që shkatërruan Pakistanin vitin e kaluar, duke lënë 1,739 njerëz të vdekur dhe duke shkaktuar miliarda dollarë humbje.

Sipas Departamentit Meteorologjik të Indisë, Biparjoy po mbushte erëra maksimale të qëndrueshme prej 111 mph.

Ai parashikohet të godasë tokën pranë portit Jakhau në rrethin Kutch të Gujarat.

Autoriteti Kombëtar i Menaxhimit të Fatkeqësive të Pakistanit tha se cikloni ishte 292 milje në jug të Karaçit, kryeqyteti i provincës Sindh, të martën në mëngjes.

Në Indi, mijëra u evakuuan nga rajonet e ulëta, duke përfshirë banorët që jetonin tre milje larg bregut në Gujarat. Ata që janë brenda 6.2 milje nga bregu mund të duhet të zhvendosen gjatë dy ditëve të ardhshme, thanë zyrtarët.

Jemi në prag të vënies në lëvizje të planit, masave shtërnguse se sanksione nuk ma nxë goja, ndaj një shteti që është krijuar nga ata të cilët qartësisht janë në kushtet e sosjes së durimit.

Ishte kjo deklarata e kryeministrit Rama në një konferencë urgjente për mediat ku konfirmoi anulimin e mbledhjes midis dy qeverive, të Shqipërisë dhe Kosovës.

“Kam bërë një përpjekje për t’i kërkuar edhe pak kohë, e kam marrë edhe pak kohë, por nëse nuk e shfrytëzojmë dot këtë kohë për një sens të përbashkët mes të gjithëve, atëherë kam shumë frikë se plani që është një plan realisht shumë i rëndë për Kosovën do të vihet në lëvizje,” – u shpreh Rama.

Kryeministri shtoi se halli s’është i Albin Kurtit, por i Kosovës dhe kombit shqiptar që rrezikon të dalë në një dritë jo të mirë në sytë e atyre që e kanë bërë këtë komb të jetë në ditët më të mira të vetat në historinë mijëra vjeçare të tij.

“Shqipëria nuk është një ufo, nuk operon e izoluar dhe marrëdhënia e Shqipërisë me Kosovën është një marrëdhënie vëllazërie, por Shqipëria është një shtet që është pjesë e pandashme e bashkësisë euro atlantike, është një vend anëtar i NATO-s dhe nuk ka asnjë shans që Shqipëria të zhvendoset nga boshti i bashkësisë euroatlantike për të nuk e di se çfarë. Ne nuk mendojmë 99, por 100% njësoj siç mendojnë aleatët tanë në këtë rast,” – u shpreh Rama.

Muzika është kthyer në një fushë që po eksplorohet nga shumë personazhe të njohur të ekranit. Një këngë, është plus në CV-në e tyre, e pse jo një eksperiencë e re.

E mesa duket dhe Arbana u nis drejt asaj rruge, ose të paktën kështu na la të kuptojmë, derisa na e tregoi.

Ajo postoi ditën e sotme një foto ku shihet se ndodhet në një studio muzikore. Më pas, postoi një foto tjetër duke sqaruar se nuk do të bëjë muzikë.

‘Jo, jo, nuk ka ardhur akoma ajo ditë’-shkruan Arbana duke na hequr të gjitha dyshimet.

Sot në “Ftesë në 5” me Bieta Sulon u diskutua jeta e Silvio Berlusconit, i cili ndërroi jetë në moshën 86 vjeçare.

Lajla Përnaska tregoi në studio se ka patur mundësinë të takohet dy herë më ish-kryeministrin Italian, ndërsa u komentua në vijim gjithë kontributi i tij në futbollin Italian, politikë dhe jo vetëm…

Mirëpo pyetja që ai s’iu përgjigj kurrë ishte sesi e bëri million e parë. Xhimi Lazri dha një shpjegim live duke argumentuar se:

“Kur ishte i ri ai bënte detyrat e shkollës dhe u jepte me lekë të tjerëve detyrat. Por atyre që ishin në nevojë ua jepte pa lekë. I ati i Berlusconit ka punuar në një bankë milaneze, jo të madhe, dhe thuhet se ai ka marrë një kredi nga kjo bankë falë të atit.

Gojët e liga apo më pak dashamirëse thonë se ato ishin para të mafies”, u shpreh Lazri.

Të paktën 15 persona humbën jetën dhe dy të tjerë u plagosën kur një minibus u përplas me një kamion sot në një autostradë në jug të Kajros.

Dëshmitarët okularë ia atribuojnë aksidentin shpejtësisë së tepërt nga drejtuesi i minibusit.

Prokurori ka urdhëruar një hetim për zbardhjen e rrethanave në të cilat ka ndodhur aksidenti fatal i trafikut. Në kuadër të kësaj, policia po shqyrton pamjet vizuale nga kamerat e vëzhgimit të trafikut në zonën e aksidentit.

Mijëra jetë humbasin çdo vit në vendin më të populluar të botës arabe. Shumica e aksidenteve të trafikut i atribuohen gabimeve njerëzore, si shpejtësia e tepërt dhe shkelja e rregullave të trafikut, por edhe gjendjes së keqe të rrjetit rrugor.

Në vitet e fundit, Egjipti ka përmirësuar rrjetin e tij rrugor, duke ndërtuar rrugë dhe ura dhe duke riparuar dëmet në disa seksione, në mënyrë që të reduktojë numrin e aksidenteve të trafikut.

Mbledhja qeveritare mes Shqipërisë dhe Kosovës, e cila ishte planifikuar të mbahej nesër në Gjakovë, është anuluar.

Zyra e Kryeministrisë ka lajmëruar se kryeministri Edi Rama do të mbajë në orën 19:30 një konferencë për shtyp, ndërsa nuk dihet nëse ka lidhje me këtë vendim.

Në këtë mbledhje ishte planifikuar takimi i kryetarëve të komunave të zonave kufitare në të dyja vendet, ku pritej të diskutoheshin që sfidat të kthehen në mundësi dhe mundësi në përfitim për qytetarët.

Euro i është kthyer një trendi rritës prej ditës së djeshme në raport me Lekun, i cili megjithatë vijon të shfaqet i fortë përballë monedhës europiane pavarësisht lëvizjeve të dy ditëve të fundit.

Banka e Shqipërisë bën me dije se gjatë ditës së sotme një euro është këmbyer mesatarisht me 106.77 lekë duke fituar 0.51 pikë krahasuar me ditën e djeshme.

Euro ka rekuperuar më shumë se një pikë në raport me Lekun nga dje, por kjo nuk mjafton për të rekuperuar rënien e fortë të dy javëve që sapo kaluam.

Monedha europiane u fut në një cikël rënës përballë Lekut para dhe pas zgjedhjeve lokale në vend, një fenomen ky i ndikuar nga zhvillimet e jashtme, por sidomos edhe prej faktorëve të brendshëm siç janë hapja e sezonit të turizmit, por edhe përmbytjes së tregut me para të pista, të cilat po pastrohen masivisht. /albeu.com