Author: editor

Dymbëdhjetë persona, përfshirë dy fëmijë, u vranë dhe katër të tjerë u plagosën pasditen e 1 janarit në Cetinje të Malit të Zi.

Autori i dyshuar, i identifikuar si 45-vjeçari Aco Martinovic thuhet se kishte qenë duke konsumuar alkool gjatë gjithë ditës kur u përfshi në një sherr me një person tjetër në një restorant në Cetinje, rreth orës 17.30 të 1 janarit.

Pas grindjes Martinoviç shkoi në banesën e tij për të marrë një armë zjarri e më pas u kthye në restorant duke nisur kasaphanën e tij e duke vrarë disa klientë.

Më pas, burri u drejtua në 5 lokacione të tjera ku shkaktoi më shumë viktima, përfshirë të afërm të tij.

Mes të vrarëve janë pronari i restorantit, dhe fëmijët e tij 10 dhe 13 vjeç.

Ministri i Punëve të Brendshme, Danillo Sharanovic, e cilësoi ngjarjen si pasojë të marrëdhënieve problematike ndëpersonale.

Ai tha se autori ishte dënuar me kusht në vitin 2005 për sjellje jo të mirë, por nuk ishte konsideruar si person me interes për sigurinë.

Në vitin 2022 atij i janë gjetur armë dhe eksploziv, për çka është dënuar në shkallën e parë me tre muaj burgim.

Kryeministri malazez, Millojko Spajiq e ka përshkruar rastin si tragjedi të tmerrshme ndërsa paralajmëroi ashpërsim të kushteve për mbajtjen e armëve.
Qeveria e Malit të Zi i ka shpallur tri ditë zie kombëtare, më 2,3 dhe 4 janar. Koncertet e organizuara me rastin e Vitit tëri në Podgoricë, Budva dhe Kotor u anuluan.

Shqipëria është ndër vendet më të varfra të Europës, por për disa çmime mund të krahasohet me shtetet më të pasura.

Një prej këtyre produkteve janë këpucët. Mesatarisht në Shqipëri një palë këpucë kushtojnë 16% më shumë se mesatarja e Bashkimit Europian.

Psh, nëse në BE, këpucët janë 100 euro në dyqan, në Shqipëri ato i blen për 116 euro.

Ky është çmimi i gjashtë më i shtrenjtë në Europë, pas Danimarkës (125%), Islandës (123.5%), Zvicrës (121.6%), Estonisë dhe Finlandës me 117%.

Më të lirat në Europë, këpucët i gjen në Turqi, me 30% të mesatares Europiane, dmth një palë që në BE kushtojnë 100 euro, në Turqi i blen me 30 euro.

Edhe për veshjet shqiptarët duhet të shpenzojnë më shumë për shkak të çmimeve të shtrenjta. Veshjet kushtojnë rreth 5% më shumë sesa mesatarja e Europës.

Edhe në këtë renditje, Shqipëria është e 11-a më e shtrenjtë.

Në vend të parë është Zvicra (44% më shumë se mesatarja e BE-së), ndërsa më e lira sërish është Turqia, me rreth 30% të mesatares së BE-së.

Teksa tregtia me pakicë e veshjeve dhe këpucëve është riorganizuar dekadën e fundit drejt qendrave tregtare, çmimet duket se janë bërë më të shtrenjta.

Sipas të dhënave të Eurostat, në 2014-n, çmimet e veshjeve ishin sa 85% e mesatares europiane, ndërsa ato të këpucëve, sa 92%.

Këpucët e kaluan mesataren e BE-së në 2020-n (102.9%), ndërsa veshjet në 2023-n.

Çmimet e shtrenjta çojnë shqiptarët të Gabi

Të dhëna të tjera tregojnë se me inflacionin e lartë të dy viteve të fundit ka një zhvendosje të blerjeve të konsumatorëve shqiptarë, të cilët kanë frenuar blerjen e veshjeve të reja, duke u zhvendosur tek të përdorurat.

Të dhënat e INSTAT, nga tregtia e jashtme tregojnë se në 8-mujorin 2024, importet e tekstilit dhe këpucëve në vlerë shënuan rënie me 8.6% dhe nga ana tjetër, importet e veshjeve të përdorura shënuan rritje me 4.7%.

Gjatë janar-gusht 2024, importet e veshjeve të përdorura arritën 2,47 miliardë lekë nga 2,3 miliardë lekë në të njëjtën periudhë të vitit 2023.

Ndërsa tekstilet dhe veshjet e reja shënuan 56 miliardë lekë importe, nga 61,4 miliardë që ishin vitin e kaluar në 8-mujor.

Importet e veshjeve zënë pjesën më të madhe importit duke arritur në 47.3 miliardë lekë në janar-gusht 2024, me rënie vjetore 8.47%.

Importet këpucëve shënuan një vlerë prej 8,8 miliardë lekësh në të njëjtën periudhë nga 9,7 miliardë lekë që u importuan në të njëjtën periudhë të vitit 2023 me rënie vjetore 9.3%.

Rënia e importeve të veshjeve dhe këpucëve vijon për të dytin vit radhazi, pasi edhe më 2023 ishin 4,2% më të ulëta se më 2022.

Nga ana tjetër, tregu i veshjeve të përdorura po rritet nga viti në vit. Vlera në import kaloi 24 milionë eurot në 8-mujor me rritje vjetore 4.7%./Monitor

Në tregun e këmbimit valutor shqiptar sot një dollar do blihet me 93.9 lekë dhe do shitet me 95.4 lekë.

Ndërkohë monedha evropiane euro do blihet me 97.54 lekë dhe do shitet me 98.4 lekë.

Franga zvicerane sot në tregun shqiptar do blihet me 103.3 lekë dhe do shitet me 104.4 lekë.

Ndërsa paundi britanik do blihet me 117 lekë dhe do shitet me 118.4 lekë.

Shqipëria do të përballet nesër me kushte atmosferike të paqëndrueshme.

Reshjet e shiut pritet të fillojnë në orët e para të mëngjesit, kryesisht në veri dhe jug, duke u përhapur më pas në pjesën më të madhe të territorit.

Pasdite do të nisin reshjet e borës, fillimisht në Alpe me intensitet mesatar deri në stuhi, ndërsa në lartësitë mbi 700-800 metra priten reshje më të lehta, herë-herë me intensitet mesatar.

Era do të fryjë me drejtim juglindje-jugperëndim, me shpejtësi mesatare prej 6 metra për sekondë.

Në disa zona, sidomos në lugina dhe bregdet, era pritet të forcohet, duke arritur deri në 12 metra për sekondë, e shoqëruar me valëzim të lehtë në det.

Sa i përket temperaturave, ato do të jenë të ulëta. Në zonat malore parashikohen vlera nga -4 deri në 9 gradë Celsius.

Në zonat e ulëta temperaturat do të luhaten nga -4 deri në 12 gradë Celsius, ndërsa në zonat bregdetare pritet të variojnë nga 4 deri në 15 gradë Celsius.

Një situatë e pakëndshme dyshohet se ka ndodhur në një agjenci funerale në kryeqytet.

Një qytetar ka denoncuar në redaksinë e News 24, se djali i pronarit të agjencisë funerale “Parajsa” ka kërcënuar të afërmit e personit, për të cilin po zhvillohej një ceremoni mortore ne ambientet e agjencisë.

Qytetari pretendon se djali i pronarit i ka kërcënuar ata teksa po vajtonin nënën e tyre të vdekur.

Ai thotë se një person (duke iu referuar denoncimi bëhet fjalë për djalin e pronarit të agjencisë funerale) u është drejtuar familjarëve me fjalët: “Merrni kufomën e nënës dhe largohuni”.

Ai thotë se ky person që ka kërcënuar ishte i dehur. Sipas tij, ngjarja ka ndodhur tek agjencia funerale tek ish-Parku i Autobusëve.

“Një person tek agjenci funerale Parajsa kërcënon të ardhurit për të ngushëlluar dhe i ofendon ata”, thotë qytetari në denoncimin e tij.

Më tej, në denoncim thuhet se “i biri i pronarit të agjencisë ka sharë e ofenduar gjatë funeralit”. Dyshohet se ai ka qenë në gjendje të dehur, sipas denoncuesit.

Nga ana tjetër, në një prononcim për News 24, pronari i agjencisë funerale “Parajsa”, Bajram Yzeiri mohon që në këtë agjenci të ketë ndodhur ndonjë ngjarje e pakëndshme.

Ai thotë se pretendimet janë të rreme, ndërsa paralajmëron padi për shpifje ndaj personit që bëri denoncimin.

Dyshohet se babë e bir janë përfshirë në një konflikt me njëri-tjetrin para krimit,

Një krim i rëndë brenda familjes ka ndodhur sot në Maqedoninë e Veriut, ku një 39-vjeçar ka humbur jetën.

Mësohet se ngjarja ka ndodhur në Tetovë, në lagjen “Bllok 70”, ku i riu është gjetur i vdekur në shtëpi. Dyshohet se ai është vrarë me armë zjarri nga babi i tij, i cili po ashtu është gjetur pa ndjenja në shtëpi. Ai është dërguar në spital, teksa policia ka gjetur dhe armën e krimit, një pushkë gjuetie.

Dyshohet se babë e bir janë përfshirë në një konflikt me njëri-tjetrin para krimit, dhe më pas autori ka qëlluar me plumb në kokë të birin.

“Sot (02.01.2025) rreth orës 18:50 në Tetovë, personi S.N. (39) është gjetur në shtëpinë e tij pa shenja jete, me plagë me armë zjarri në kokë. S.N. ka jetuar vetëm me babain e tij, i cili është gjetur pa ndjenja dhe nga ana e Emergjencës Mjekësore është dërguar në Qendrën Urgjente të Tetovës. Në dhomën ku është gjetur S.N. është gjetur një pushkë gjuetie. Në koordinim me prokurorin publik po merren masa për zbardhjen e rastit”, thonë nga policia maqedonase.