Author: editor

Shtetasi Elvis Hoxha automjeti i të cilit u qëllua mbrëmjen e sotme me plumba në lagjen Partizani të Shkodrës ndodhet në burg për veprën penale “dhunë në familje”.

Që prej kohës që ai është futur në burg, automjeti i tij ndodhej i parkuar në sheshin Rus në Shkodër.

Burime bëjnë me dije se autori dyshohet se ka shkuar në vendngjarje me një motor dhe pasi ka qëlluar është larguar në drejtim të paditur.

Policia po punon për identifikimin, gjetjen dhe kapjen e tij.

Përmes një njoftimi zyrtar policia tha më herët se ka ngritur pika kontrolli për të bërë të mundur kapjen e autorit dhe bashkëpunëtorit, pasi dyshohet se autori ishte në motor me një person tjetër i cili drejtonte motomjetin.

NJOFTIMI

Shkodër/Informacion paraprak

Rreth orës 20:10, në lagjen Partizani, në Sheshin Rus, nga një person që qarkullonte me një motomjet pa targa është qëlluar me armë zjarri në drejtim të automjetit tip Peugeot të parkuar, në pronësi të shtetasit E. H.
Nga të shtënat janë shkaktuar vetëm dëme materiale në automjetin e shtetasit E. H., si dhe dëmtime të lehta dhe në një automjet të parkuar afër automjetit tip Peugeot.

Pas marrjes së njoftimit shërbimet e Policisë dhe Grupi Hetimor kanë shkuar menjëherë në vendngjarje dhe po punojnë për sqarimin e rrethanave, identifikimin dhe kapjen e autorit dhe të drejtuesit të motomjetit që lëvizte autori.

Ndërkohë janë ngritur pika kontrolli dhe po ushtrohen kontrolle në zonë dhe ambiente të ndryshme ku dyshohet se mund të jenë fshehur autori dhe bashkëpuntori i tij, drejtuesi i motomjetit.

Detaje të reja kanë dalë nga përplasja e ndodhur natën e ndërrimit të viteve tek clubi i njohur i natës në kryeqytet, te “Cinco Cavalli”, ku Jetmir Pepa qëlloi dy herë në ajër me armë zjarri.

Burime për mediat bëjnë me dije se Pepa ishte ulur në zonën “VIP”, teksa gjatë natës ka hedhur një cigare të pafikur nga vendi ku ishte ulur.

Cigarja e pafikur ra poshtë në një tavolinë ku ishin një grup me djem, të cilët të revoltuar nga ky gjest i Pepës filluan të përplasen verbalisht me të. Më pas debati agravoi, deri në dhunë fizike.

Referuar të njëjtave burime, grupi i djemve, të cilët deri më tani nuk janë identifikuar nga policia, kanë qëlluar me gota.

Në këtë moment, Jetmir Pepa ka nxjerrë armën e zjarrit dhe ka qëlluar në ajër, duke shkaktuar kështu panik te qindra të rinj të cilët ishin mbledhur në këtë club për të festuar ndërrimin e viteve.

Fatmirësisht si pasojë e këtyre të shtënave nuk pati viktima, ndërkohë Pepa pas ngjarjes u largua menjëherë nga ambientet e club-it. Policia e Shtetit më herët njoftoi se autori i kësaj ngjarje është shpallur në kërkim, duke mos dhënë identitetin e Pepës për arsye hetimi.

Të shtëna me armë zjarri janë regjistruar sot në qytetin e Shkodrës.

Burime bëjnë me dije se policia ka shkuar në vendngjarje për të hetuar rrethanat e ngjarjes.

Nuk raportohet për persona të lënduar.

Mësohet se është qëlluar me pistoletë në drejtim të një automjeti të parkuar në lagjen Rus të Shkodrës.

Automjeti është në pronësi të shtetasit Elvis Hoxha.

Në automjetin ndaj të cilit u qëllua janë gjetur katër plumba pistolete.

Të shtëna me armë zjarri janë regjistruar sot në qytetin e Shkodrës.

Burime bëjnë me dije se policia ka shkuar në vendngjarje për të hetuar rrethanat e ngjarjes.

Nuk raportohet për persona të lënduar.

lajm ne perditesim..

Dy shënjestrat e të shtënaveme me armë zjarri ditën e sotme në Berat kanë qenë dy miqtë Antonio Merkaj dhe Apostol Dhëmbi.

Bëhet me dije se ata ndodheshin te “Karaburant Merko” kur nga një automjet kanë qëlluar në drejtim të tyre.

Merkaj dhe Dhëmbi janë larguar me vrap nga karburanti ndërkohë që makina i ka ndjekur nga prapa duke qëlluar me breshëri kallashnikovi në drejtim të tyre.

Dy shënjestrat janë larguar në brendësi të lagjes “Donika Kastrioti”, atentatorët janë larguar me shpejtësi nga vendngjarja.

Asnjëri pre tyre nuk është plagosur nga breshëria e kallashnikovit, teksa bëhet me dije se autorët e atentatit janë dy vëllezëtit Fatjon dhe Marko Maloku, banues në lagjen “Donika Kastrioti” në Berat.

Sipas të dhënave, konflikti mes dy grupeve ka dyshohet se ka nisur që në Greqi për prishje pazaresh droge mes tyre. Nga ana tjetër, policia pas identifikimit të autorëve, është duke punuar për kapjen e tyre.

Një aksident i rëndë ka ndodhur pasditen e sotme në Kosovë, ku 5 persona kanë mbetur të plagosur.

Mësohet se ngjarja ka ndodhur në fshatin Dubravë të Suharekës, ku janë përplasur dy makina. Zëdhënësi i Policisë për rajonin e Prizrenit, Shaqir Bytyqi, ka njoftuar se 5 personat që kanë mbetur të plagosur janë dërguar në spital.

“Me datë 02.01.2025 rreth orës 16:00 është raportuar një aksident trafiku në fshatin Dubravë të Suharekës. Në aksident janë të përfshira dy automjete. Si pasojë e aksidentit janë shkaktuar dëme materiale dhe 5 persona kanë pësuar lëndime trupore”, ka deklaruar ai.

Policia e trafikut kanë dalë në vendngjarje dhe po merren me rastin.

Ky është momenti kur 39-vjeçari Fation Janina, autori i vrasjes së fqinjit të tij 82-vjeçar, Paulin Gila, futet në pallatin ku banonte në lagjen 16 në Durrës dhe vetëm disa minuta më pas ai kryen ngjarjen e rëndë.

Kjo video e siguruar nga Tv Klan është fiksuar nga një kamera në zonë, e cila ka ndihmuar hetuesit në zbardhjen e vrasjes makabër që 39-vjeçari, tashmë i arrestuar, kreu mbrëmjen e 30 Dhjetorit.

82-vjeçari u godit për vdekje me sende të forta dhe më pas u ther me thikë nga Fation Janina, ngjarje kjo që mendohet të jetë regjistruar rreth orës 20:00.

Përmes kamerave të sigurisë policia zbuloi se autori ka qenë i vetmi person që hyn në pallat para ngjarjes dhe del disa orë pasi e ka kryer atë.

Në këto kushte hetuesit verifikuan se cili prej fqinjëve të viktimës, Paulin Gila, mund të fshihej pas këtij krimi, në bazë dhe të dhënave të përftuara në rrugë operative.

Pas arrestimit të tij, vetë 39-vjeçari ka rrëfyer krimin e rëndë, duke thënë se shkak ishte bërë një borxh në vlerën e 20 mijë lekëve që viktima i kishte atij.

Autori Fation Janina prej kohësh jetonte i vetëm dhe në zonë njihej si person që konsumonte alkool. I vetëm jetonte dhe viktima, Paulin Gila, baba i 3 djemve, të cilët prej kohësh ndodhen në emigrim në Itali.

Një sherr i dhunshëm ka ndodhur në Sarandë më 2 janar 2025, ku Agjencia e Mbikëqyrjes Policore (AMP) në bashkëpunim me Komisariatin e Policisë së Sarandës ka ndërhyrë për të parandaluar një aksident të mundshëm dhe për të ndaluar një ngjarje të dhunshme. Konflikti ndodhi në fshatin Gjashtë, pranë një restoranti, ku disa shtetas u përfshinë në një përleshje me forcën e policisë.

Një nga punonjësit e policisë, AS, gjatë përleshjes ka qëlluar me armën e shërbimit, ndërkohë që disa shtetas, përfshirë EN dhe AN, u përfshinë në konfliktin me punonjësit e policisë IS, AS, MS dhe ES. Pas hetimeve dhe verifikimeve, janë arrestuar në flagrancë katër punonjës policie dhe katër shtetas.

Punonjësit e policisë që janë arrestuar janë: AS, SPZ në Komisariatin e Policisë Himarë, i akuzuar për “Vrasje me dashje e mbetur në tentativë”, IS, agjent në seksionin e hetimit në Komisariatin e Policisë së Sarandës, MS, student në Akademinë e Sigurisë, dhe ES, inspektor në Komisariatin e Policisë së Sarandës. Shtetasit që janë arrestuar janë KS, Sh. S., DD dhe KS.

Dy shtetas, EN dhe AN, janë ndjekur në gjendje të lirë për veprat penale “Shkatërrim i pronës” dhe “Plagosje e lehtë me dashje”, ndërsa ID dhe B. Ç. janë shpallur në kërkim për akuzat e “Shkatërrim i pronës”, “Plagosje e lehtë me dashje”, “Kanosja” dhe “Kundërshtimi i punonjësve të policisë”. Si prova materiale janë sekuestruar 3 pistoleta, 4 automjete dhe 7 aparate celulare.