Author: editor

Të paktën pesë persona raportohet se janë vrarë sot në Cetinje të Malit të Zi, nga të shtënat me armë zjarri pas një konfrontimi fizik në një tavernë.

Sipas raportimeve nga “Vijesti”, mësohet se në atë lokal fillimisht ka ndodhur një përleshje, pas së cilës autori Aco Martinoviç, ka nxjerrë armën dhe ka qëlluar.

Drejtoria e Policisë apeloi e qytetarët e Cetinjës që të qëndrojnë në banesat e tyre. Njësitë speciale të policisë janë vendosur në terren për të vënë situatën nën kontroll dhe për të arrestuar autorin e krimit.

Katër persona janë identifikuar nga policia si autorë të vrasjes së një 34-vjeçari grek i cili u qëllua për vdekje në të gdhirë të Vitit të Ri pas një ngjarje të përgjakshme në qendër të Serres-it.

Sipas raportimeve, në dosjen e ngritur për rastin, përfshihen katër burra, tre grekë të moshës 30, 28 dhe 27 vjeç dhe një shtetas shqiptar 29 vjeç.

Ngjarja ka ndodhur pak pas orës 05:00 në pedonalen e Serres në rrugën e Korfuzit. Pas një debati që katër autorët kanë pasur me viktimën, e kanë plagosur për vdekje me thikë, duke i shkaktuar dy goditje në anën e majtë të trupit, konkretisht në brinjë dhe në ije.

Ndonëse viktima është dërguar me ambulancë në spitalin e Serres, pak orë më vonë ka dhënë frymën e fundit.

Me të mbërritur në vendin e ngjarjes së përgjakshme oficerët e policisë kanë gjetur dhe konfiskuar 6 gëzhoja të një pistolete me gaz.

Viktima ka dashur të hyjë në një lokal nate me dy shokë të tjerë. Në derë ndodhej njëri prej autorëve, i cili nuk pranoi të lejonte grupin, gjë që fillimisht rezultoi në një sherr verbal. Grupi i viktimës është larguar dhe pas rreth një ore spekulohet se ose kanë lënë takim ose kanë pritur mbylljen e klubit, sepse janë takuar sërish, këtë herë në një rrugicë ngjitur me pedonalen kryesore të qytetit.

Brenda vetëm pak minutash, gjaku shpërtheu dhe në krye të përleshjes, një nga burrat nxori një thikë ushtarake dhe qëlloi viktimën dy herë, njëra prej të cilave në arterien femorale. Në fakt, sipas burimeve të sigurta të policisë, një person tjetër në grupin e autorit ka qëlluar më shumë se pesë herë në ajër me pistoletë me gaz.

Të tjera detaje mësohen për ngjarjen e ndodhur në Tiranë, ku 34-vjeçari Kristjan Thaçi plagosi me thikë dy komshinjtë e tij dhe më pas u arratis.

Balkanweb mëson se të plagosurit janë babë e bir.

34-vjeçari është konfliktuar me komshinjtë dhe më pas i ka qëlluar me thikë e me sende të forta.

I riu është ankuar se babë e bir “po bënin shumë zhurmë në pallat”.

Sherri ndodhi në katin e pestë të pallatit. 34-vjeçari Thaçi njihet si person problematik në zonë.

Të plagosurit janë Arben dhe Marjo Miha, 60 dhe 21 vjeç. Ata janë dërguar për kurim në spital dhe gjenden jashtë rrezikut për jetën.

Në ditën e parë të vitit të ri 2025, një sherr me dy të plagosur ndodhi në rrugën “Shyqyri Ishmi” në Tiranë.

Autori Kristjan Thaçi ka plagosur komshiun dhe një tjetër person.

Gazetari Igli Celmeta ka siguruar për Balkanweb foton e autorit të ngjarjes.

34-vjeçari Thaçi mësohet se ka plagosur me mjet prerës komshiun e më pas me mjete të forta një tjetër person.

Ai është arratisur nga vendngjarja, ndërsa policia është vënë në kërkim të tij.

Një sherr ka ndodhur në ditën e parë të Vitit të Ri 2025 në Tiranë. Mësohet se një 34-vjeçar ka dëmtuar me mjet prerës komshiun e tij.

Më pas, ai ka plagosur me sende të forta një tjetër person.

Të plagosurit janë në spital, ndërsa policia është vënë në kërkim të autorit.

Gazetari Igli Celmeta raporton për Balkanweb se autori i ngjarjes është shtetasi Kristjan Thaçi.

“Tiranë/Informacion paraprak

Më datë 01.01.2025, rreth orës 16:15, në rrugën “Shyqyri Ishmi”, gjatë një konflikti për motive të dobëta,në hyrje të pallatit ku banojnë, shtetasi K.Th, 34 vjeç, ka dëmtuar me një mjet prerës komshiun e tij, shtetasin M.N, dhe me sende të forta shtetasin A.N.

Shtetasit A.N dhe M.N(babë e bir), ndodhen në spital, nën kujdesin e mjekëve.

Shërbimet e Policisë vijojnë kontrollet me qëllimin kapjen e autorit.

Grupi hetimor po punon për sqarimin e rrethanave të ngjarjes”, njofton policia.

Ditët e fundit, në rrjet u komentua përplasja me familjen e Parashqevi Simakut dhe aktorin e njohur Herion Mustafaraj.

Në një postim të fundit, sipërmarrësi i njohur Elton Iliriani, i cili është pranë këngëtares prej disa javësh, ka sqaruar se Parashqevia ka një marrëdhënie shumë të mirë me familjarët e saj.

Po ashtu, Iliriani zbulon se këngëtarja shqiptare, shumë shpejt, për 2-3 ditë, do të takohet edhe me djalin e saj, me të cilin ka plot 15 vjet pa u takuar, si edhe me ish-bashkëshortin e saj.

“Fakti që familjarët e Parashqevi Simakut janë njerëzit më të afërt të saj, nuk ka pse të diksutohet nga askush, nuk ka pse të vihet në diskutim nga asnjëri prej nesh, sepse të gjithë e dimë sa e rëndësishme është familja për shqiptarët, për çdo shqiptar; për mua, për ju që më dëgjoni tani dhe aq më tepër për Parashqevi Simakun, që familja është gjëja më e rëndësishme, pavarësisht se ç’mund të ketë biseduar në të shkuarën e largët ose në një moment delikat, siç mund të bëjmë të gjithë.

Unë jam i bindur dhe çfarë kam dëgjuar dhe çfarë kam parë me sytë e mi këto ditë. Parashqevi Simaku ka një dashuri të madhe për familjen e saj, për vëllanë e saj, mbesësn e saj Inën dhe nipin e saj, Ani Simak.

Kuptohet, dashuria më e madhe e saj është është Luke, që ajo do takohet së shpejti, brenda tri ditësh besoj dhe kuptohet, edhe ish-bashkëshorti i saj, Robert”.

Një automjet është shkrumbuar nga flakët këtë të mërkurë në bypassin e Murrizit pjesë e rrugës së Arbrit.

Dyshohet se në automjet ndodheshin dy të rinj të cilët ishin nisur në drejtim të Qarkut Dibër.

Fatmirësisht nuk ka patur pasoja tek të rinjtë përfshirja e mjetit nga flakët ndërsa makina është shkrumbuar totalisht.

Djegia e makinës ka krijuar trafik të gjatë për shkak se automjetet e tjera kishin frikë të kalonin pranë mjetit të djegur pasi mund të shpërthente.

10 persona kanë vdekur dhe disa të tjerë janë plagosur pasi një automjet u përplas me një turmë njerëzish në rrugën Bourbon në qytetin jugor të SHBA-së të New Orleans.

Rruga është e famshme në lagjen franceze të New Orleans dhe ka të ngjarë të ishte e mbushur me turistë dhe vendas që festonin Vitin e Ri.

Kryebashkiakja e New Orleans, LaToya Cantrell thotë se detajet e sakta të incidentit janë nën hetim, duke shtuar se ajo ka qenë në kontakt me Shtëpinë e Bardhë dhe guvernatorin e Luizianës.

Ajo gjithashtu shtoi se incidenti ka të ngjara të jetë një sulm terrorist, deklaratë e cila u hodh poshtë nga FBI-ja.

Agjentja speciale Alethea Duncan e Byrosë Federale të Hetimit (FBI) ka marrë përsipër hetimet, duke thënë: “Ky nuk është një sulm terrorist”.

Nuk është e qartë pse përshkrimet e FBI-së dhe kryetares së bashkisë për incidentin ndryshojnë, por BBC raporton se mediat po punojnë për të zbuluar më shumë.

Duncan vazhdoi duke thënë se është gjetur një mjet i mundshëm shpërthyes. Ajo thekson se publiku duhet të qëndrojë larg zonës derisa situata të jetë më e qartë.

Altin Isaraj, vëllai i ish-deputetit te PS, dhe ish-drejtorit të Transportit Rrugor, Arben Isaraj, u gjet i pajetë pak ditë më parë në banesën e prindërve të tij, pasi aty jetonte që kur doli nga burgu i Rrogozhinës.

“Më datë 29.12.2024, në rrugën “Çamëria”, në ambientet e banesës, është gjetur pa shenja jete, shtetasi A.I, 53 vjeç, banues në Tiranë. Nga veprimet e para hetimore dyshohet se vdekja ka ardhur për shkaqe natyrale”, njoftoi policia.

Altin Isaraj u arrestua nga policia më 22 tetor 2018 për veprën penale ‘Armëmbajtje pa leje’ dhe ‘Prodhim dhe shitje të narkotikëve’.

Pas arrestimit të vëllait nga Policia e Shtetit, në atë kohe dha dorëheqjen nga posti i drejtorit të Trasnportit Rrugor edhe Arben Isaraj.

Me anë të një postimi në rrjetet sociale, ish-deputeti i PS i ka dhënë lamtumirën e fundit vëllait të tij.

“Lamtumirë Altin!

Sot, sipas asaj që doje dhe kërkove ti, po të përcjellim pranë nënës dhe babait.

Shumë motra dhe vëllezër, shokë dhe miq që ti i kishe pafund, do të donin të ishin pranë teje në këtë ditë për të të prekur me dorë, sy edhe lot.

Por, unë duke i mirëkuptuar dhe i falënderuar, duhet të vendosja atë që doje ti, sepse unë pas ikjes së prindërve, mbeta i vetmi në këtë botë që të preka, të putha dhe përqafova kur “erdhe” dhe “ike” prej saj.

Lamtumirë Altin!

Lamtumirë “o Labo”, i miri i të gjithëve dhe i keqi i vetes nga lindja deri në vdekje.

Lamtumirë vëlla!

Lamtumirë o gjak që të kam në venat dhe zemrën time.

Më prit aty me Astritin dhe Violetën, se do të vij… dhe mos ma mbyll atë derë vëlla”, shkruan Arben Isaraj.