Author: editor

Bernard Hulme, një emigrant shqiptar i cili prej vitesh jeton në Londër, së fundmi është bërë pjesë e “Big Brother VIP 4”.

Mëngjesin e sotëm ai ka treguar pak për familjen e tij teksa ka shtuar se njërën nga vajzat nuk e ka biologjike por të adoptuar. Bernardi rrëfeu se vajza e tij e madhe ishte e ish-gruas së tij, dhe kur e ka takuar për herë të parë ka qenë vetëm 3 vjeç.

“Vajza ime e madhe nuk është vajza ime biologjike, është vajza e ish-gruas time, se jam i divorcuar dhe nuk kishte rrugë tjetër”, tha Bernardi ndërsa shtoi se vogëlushja e asaj kohe ia kishte “vjedhur zemrën” që në momentin e parë që e kishte takuar.

“Ma vodhi zemrën, shpirtin, të gjitha, ishte 3 vjeç e gjysmë kur e kam takuar”, tha ai.

Ndër të tjera banori tregoi se e ka marrë nën kujdestarinë e tij vajzën e ish-bashkëshortes vetëm 1 vit pasi kishte lindur vajza e tyre biologjike.

“1 vit pasi lindi vajza tjetër bëm dokumentat se doja që kjo të ishte një gjë natyrale”, tha Bernardi.

Që pas rrëzimit të avionit të Jeju Air, në Aeroportin Ndërkombëtar të Muan, qindra anëtarë të familjeve të viktimave kanë “pushtuar” aeroportin.

Familjet e viktimave janë duke pritur për trupat e të dashurve të tyre dhe kanë shprehur zhgënjimin për mungesën e përditësimeve në kohë nga Jeju Air dhe zyrtarët e qeverisë.

Të 175 pasagjerët dhe katër anëtarët e ekuipazhit u vranë në përplasje, dy personel të fluturimit mbijetuan dhe mbeten në spital.

Një periudhë prej shtatë ditësh zie është shpallur nga presidenti në detyrë i vendit Choi Sang-mok, pasi janë vendosur lule në vendngjarje.

Hetuesit po shikojnë regjistrimet e kutisë së zezë të avionit, por dekodimi i tyre mund të vonohet për shkak të dëmtimit, ndërsa kërkimet për shkakun e rrëzimit vazhdojnë.

Përveç kësaj, një “inspektim gjithëpërfshirës” i të gjithë avionëve Boeing 737-800 është duke u zhvilluar dhe një ekip nga SHBA do t’i bashkohet autoritetit të aviacionit të Koresë së Jugut në hetimin e tij.

Drejtori i Policisë së Tiranës ka reaguar menjëherë pas publikimit të një videoje në rrjetet sociale, ku shfaqen tre punonjës policie që shkelin rregulloren gjatë arrestimit të një 15-vjeçari me armë zjarri në Fushë-Mëzez.

Pas verifikimit të ngjarjes, janë pezulluar nga detyra tre punonjës të Policisë: Inspektor R. H., Inspektor B. A., dhe Nënkomisar A. K., të cilët ishin të angazhuar në operacionin e arrestimit.

Gjithashtu, Drejtori i Përgjithshëm i Policisë së Shtetit ka urdhëruar nisjen e procedurave disiplinore ndaj dy inspektorëve dhe nënkomisarit për shkelje të rregullores së Policisë së Shtetit.

Njoftimi i policisë:

Drejtori i Drejtorisë Vendore të Policisë Tiranë, pasi u njoh me një video të publikuar në rrjetin social JOQ, në të cilën shfaqen 3 punonjës policie që shkelin rregulloren e Policisë së Shtetit, gjatë veprimeve operacionale për arrestimin e një 15-vjeçari që qarkullonte me armë zjarri në Fushë-Mëzez, menjëherë ka pezulluar nga detyra 3 punonjësit e Policisë, konkretisht:

-Inspektor R. H., me detyrë oficer i patrullës së përgjithshme në Komisariatin e Policisë Nr.6;
-Inspektor B. A., me detyrë oficer i patrullës së përgjithshme në Komisariatin e Policisë Nr.6;
-Nënkomisar A. K., me detyrë specialist rendi në Komisariatin e Policisë Nr.6.

Ndërkohë Drejtori i Përgjithshëm i Policisë së Shtetit në zbatim të Nenit 121 të Ligjit Nr.82, viti 2024 “Per Policine e Shtetit” ka urdhëruar Drejtorinë e Standardeve Profesionale për të nisur ecurinë disiplinore ndaj punonjësve të Policisë, për shkelje të rëndë.

Një fluturim i linjës Tiranë-Hamburg ka devijuar nga rruga e tij dhe është ulur në Vjenë.

Fillimisht arsyet e devijimit të tij ishin ende të paqarta.Mirëpo më vonë pasagjerët kanë njoftuar se janë mirë dhe kanë theksuar se një gruaje të re shtatzënë i kanë plasur ujërat dhe është detyruar të lindë në Vjenë. Sakaq, momenti i lindjes ishte një situatë e papritur, por e menaxhuar me sukses.

Fatmirësisht, të dy, nëna dhe fëmija, janë mirë, dhe incidenti ka mbaruar pa komplikacione. Avioni vazhdoi më pas udhëtimin drejt Hamburgut pas uljes emergjente në Vjenë.

Një aksident i rëndë ka ndodhur në aksin Gjirokastër-Tepelenë, ku një mjet ka dalë nga rruga dhe ka përfunduar në lumin Drino.

Drejtuesi se bashku me pasagjerë kanë qenë në mjet kur ka rënë në lumë.

Nga aksidenti ata kanë mbetur të lënduar, por ndodhen jashtë rrezikut për jetën.

Është gjetur i pajetë në banesë Altin Isaraj, vëllai i Arben Isarajt ish-drejtorit të Transportit Rrugor, raporton gazetarja Klodiana Lala.

Altin Isaraj u gjet në banesën e prindërve të tij, pasi aty jetonte që kur doli nga burgu i Rrogozhinës.

Altin Isaraj u arrestua nga policia më 22 tetor 2018 për veprën penale ‘Armëmbajtje pa leje’ dhe ‘Prodhim dhe shitje të narkotikëve’.

vijon

Kryeministri Edi Rama tha se nuk do të tërhiqen nga vendimi që është marrë për mbylljen e TikTok në Shqipëri. Në konferencën e fundvitit që po mban me gazetarët, kreu i qeverisë u shpreh:

“Ne nuk lëvizim nga vendimi që kemi marrë, dhe siç e kam paralajmëruar, është një vendim për implementimin e të cilit do të na duhet 6-8 deri javë sepse teknologjikisht është shumë e rëndësishme kjo kohë”.

Njoftimi për mbylljen e platformës për një vit u njoftua disa ditë më parë në prezantimin e planit të ri të veprimit të sigurisë në shkolla. Kreu i qeverisë tha se pas një viti, do të shihet se si do të veprohet./abcnews.al