Author: editor

Babai i Ramazan Matajt, Fatmir Mataj tha për Shqipëria Live” se djali i tij nuk është përfshirë në asnjë punë të paligjshme.

Ai u shpreh se nëse atentati ndaj djalit të tij nuk do të zbardhet, do ta kërkojë vetë autorin.

Babai i viktimës:

I kërkoj shtetit mos të hapë viktima më tepër, të zbardhë çështjen. Nuk kam pas debat me askënd. Kemi qenë për një kafshatë bukë. Djali punonte në Mal të Zi. Priste fejesën dhe letrat.

I kërkoj shtetit drejtësi, mos të hapen viktima të tjera, mos të marrim rrugë pa dashje me fjalë. Kur nuk del e drejta, do e gjej vetë. Do ta laj me gjak nëse nuk ndërhyn shteti. I bëj thirrje shtetit të kapen autorët sa më parë.

Dhe rrjetet, ju lutem shumë mos fusni hundët, nuk jemi ne ata. Ju lutemi shumë, nuk kemi lidhje më askënd në botë.

Mos abuzoni (mediave). Nuk jemi ne njerëz që merremi me punë të pista. Nuk kemi lidhje me asnjë, vetëm punë shtëpi, shtëpi punë.

Mos krijojmë viktima më shumë, ta mbyllim programin më keq, nëse nuk del do e kërkoj vetë, nuk do shkojë gjatë. Nuk kemi asnjë dyshim, më pas dyshim do kisha vepru brenda 24 orëve. Ka qenë i papërgatitur. Në 8:20 na kanë lajmëru, unë kam shëtit gjithkund.

Një shtetas shqiptar 28 vjec, ka rënë në prangat e policisë greke pasi është kapur me 5 kg marijuanë.

Ngjarja ka ndodhur në Volos të Greqisë, ku policia ka ushtruar kontroll tek pasagjeri që sapo kishte zbritur nga autobusi.

Ai është ndaluar teksa merrte nga zona e bagazheve një cantë udhëtimi.

Brenda saj policia ka gjetur dhe sekuestruar 5 pako që përmbanin 5 kg 189 gram marijuanë.

Atij i janë sekuestruar edhe 460 euro, 1 celular dhe 1 biletë.

Deputetja e Partisë së Lirisë, Monika Kryemadhi, ka deklaruar jashtë ambienteve të SPAK, se nuk e ka uruar për Vitin e Ri bashkëshortin e saj, Ilir Meta, me të cilin është në proces divorci.

Kryemadhi u shpreh se; “nuk kam si të uroj një njeri që nuk ka lidhje me mua”.

Ndërsa theksoi se armiqtë e saj, janë të gjithë ata që kanë shpifur ndaj deputetes.

“Uroj që të gjithë njerëzi që iluminojnë Metën me shpifje të tilla të marrin përgjigjen në 2025, siç po e marrin disa.

Armiqtë janë ata që kanë shpifur kundër Monika Kryemadhit”,– tha Kryemadhi.

Dy persona kanë rënë në prangat e policisë, pasi kanë kundërshtuar dhe kanë goditur një punonjës të policisë.

Blutë e Tiranës bëjë me dije se komisariati i Policisë Nr.6, arrestoi në flagrancë shtetasit: V.M, 32 vjeç, për veprën penale “Goditje për shkak të detyrës” dhe A.Gj, 30 vjeç, për veprën penale “Kundërshtim i punonjësit të policisë”, pasi në pikën e kontrollit, shtetasi V.M, ka goditur për shkak të detyrës, punonjësin e policisë në detyrë, ndërsa shtetasi A.Gj, pasagjer në mjet, i ka kundërshtuar duke mos pranuar kryerjen e procedurave policore.

NJOFTIMI

Tiranë

Komisariati i Policisë Nr.6, arrestoi në flagrancë shtetasit: V.M, 32 vjeç, për veprën penale “Goditje për shkak të detyrës” dhe A.Gj, 30 vjeç, për veprën penale “Kundërshtim i punonjësit të policisë”, pasi në pikën e kontrollit, shtetasi V.M, ka goditur për shkak të detyrës, punonjësin e policisë në detyrë, ndërsa shtetasi A.Gj, pasagjer në mjet, i ka kundërshtuar duke mos pranuar kryerjen e procedurave policore.

Sali Berisha është shprehur se Kosova, edhe pse naftën e merr kryesisht nga Durrësi, e shet 40 % më lirë se Shqipëria.

Berisha garantoi shqiptarët se, me ardhjen e PD-së në pushtet, ngarkesa fiskale mbi naftën do të njohë një rënie drastike.

“Kjo ngarkesë do të zbresë në nivelin e ngarkesave më të ulëta në rajon, në mënyrë që nafta në Shqipëri të zbresë në nivelet e ulëta, se ka vende në rajon që e kanë më të larta se Maqedonia dhe Kosova”, theksoi ai.

Sali Berisha: Zotimi ynë është ky, në territorin e Republikës së Shqipërisë, nafta nuk do mund të shitet kurrë me variacion çmimi plus-minus 10 përqind me Maqedoninë e Veriut dhe Kosovën, vende që nuk prodhojnë një litër naftë.

Kosova naftën e merr kryesisht nga Durrësi. Pra nafta nga Durrësi shkon në Prishtinë, transportohet dhe shitet 40 përqind më lirë. Merr fund kjo vjedhje e tmerrshme mbi shqiptarët.

Qeveria nuk ndërhyn në çmime, por qeveria nuk toleron kurrë spekulime.

Sikundër garantoj shqiptarët se ngarkesa fiskale mbi naftën, që është mbi qytetarët, do të njohë një rënie drastike. Do të përgjysmohet. Nafta është energji dhe energjia është zhvillim.

Ndaj dhe kjo ngarkesë do të zbresë në nivelin e ngarkesave më të ulëta në rajon, në mënyrë që nafta në Shqipëri të zbresë në nivelet e ulëta, se ka vende në rajon që e kanë më të larta se Maqedonia dhe Kosova.

Këto dy vende do merren modeli i çmimit të naftës.

Do jetë kjo paketë e 100 ditëve, pjesë e paketës me të cilën ne synojmë t’u dëshmojmë shqiptarët se të ardhurat e tyre po rishpërndahen në një mënyrë më të ndershme dhe se do jenë ata përfitues kryesorë.

Një tërmet me magnitudë 4.6 të shkallës Rihter ka ndodhur mesditën e së hënës me qendër në zonën detare pranë Ilias.

Sipas vlerësimit të rishikuar të Institutit Gjeodinamik, tërmeti ka ndodhur në orën 11:47 me epiqendër 2 kilometra në perëndim të Giannitsochori, Ilia. Thellësia fokale u vlerësua në 15.5 kilometra.

Në fillim Instituti Gjeodinamik foli për një epiqendër 4 kilometra në perëndim Veri-Perëndim të Giannitsochori Ilia dhe një pikë qendrore në 5 kilometra.

Sipas patrisnews lëkundjet kanë shkaktuar shqetësim tek banorët e Ilias, por deri më tani nuk raportohet për dëme apo të lënduar.

Ekspertët po monitorojnë evoluimin e aktivitetit sizmik, ndërkohë që vlen të theksohet se ka pasur edhe disa lëkundje të tjera me intensitet më të vogël.

Një minator ka humbur jetën këtë të hënë në një nga galeritë e kromit në Bulqizë, pasi dyshohet se ka pësuar arrest kardiak.

Paraprakisht mësohet se minatori Sokol Toçi rreth 40 vjeç ka ndërruar jetë brenda galerisë teksa ishte rikthyer sot në punë pas pushimeve të fundvitit.

Ai është dërguar në spitalin e Bulqizës ku është konfirmuar vdekja e tij.

Nëna e Monika Kryemadhit, Fatime Kryemadhi është paraqitur ditën e sotme në ambientet e Prokurorisë së Posaçme Kundër Korrupsionit dhe Krimit të Organizuar.

Në fjalën e saj për mediat, ajo u shpreh se nuk ka dhënë një deklaratë para prokurorëve të posaçëm, ndërsa shtoi se SPAK nuk merret me ata që vjedhin shtetin, por merren me një grua në moshë.