Shqiperia Ime

Author: editor

  • Konfirmohet gripi i shpendëve në Tiranë, ekspertët vendosin masa emergjente dhe karantinë

    Konfirmohet gripi i shpendëve në Tiranë, ekspertët vendosin masa emergjente dhe karantinë

    Një vatër e re e gripit të shpendëve është zbuluar në Zall-Herr, Tiranë, ku janë gjetur shenja të sëmundjes së Influencës Aviare me patogjenitet të lartë (H5N1).

    Pas konfirmimit të pranishëm nga Instituti i Sigurisë Ushqimore dhe Veterinarisë, Autoriteti Kombëtar i Veterinarisë dhe Mbrojtjes së Bimëve ka marrë masa të menjëhershme për të kontrolluar situatën.

    Mëngjesin e ditës së shtunë, përfaqësues të AKVMB kanë inspektuar vatrën, duke marrë masa për eliminimin e infeksionit dhe duke vendosur karantinë në zonat e prekura, për të parandalur përhapjen e sëmundjes.

  • Situata e rënduar në Lindjen e Mesme/ Shpallet jashtë shërbimit edhe spitali i fundit në Gaza, OBSH ngre alarmin

    Situata e rënduar në Lindjen e Mesme/ Shpallet jashtë shërbimit edhe spitali i fundit në Gaza, OBSH ngre alarmin

    Spitali i fundit funksional në veri të Gazës është shpallur “jashtë shërbimit” nga OBSH pas operacionit ushtarak izraelit kundër luftëtarëve të Hamasit pranë objektit.

    IDF mohoi të ketë ndezur një zjarr në qendrën shëndetësore, siç akuzon Hamasi, teksa situata shëndetësore dhe humanitare në Gaza është dramatike.

    Kombet e Bashkuara u bënë thirrje palëve që të mbrojnë objektet shëndetësore në Rripin e Gazës. Të paktën 7 viktima u regjistruan në një bastisje të re në një kamp refugjatësh.

    Që kur filloi lufta ndërmjet Izraelit dhe Hamasit në tetor të vitit 2023, ushtria izraelite ka akuzuar shpesh Hamasin se po përdorte spitalet si qendra komanduese për të kryer sulme ndaj forcave të saj. Hamasi i ka hedhur poshtë këto akuza.

    Pa dhënë detaje konkrete, ushtria izraelite tha se është përpjekur t’i zvogëlojë rreziqet ndaj civilëve dhe tha se “ka lehtësuar evakuimet e sigurta të civilëve, pacientëve dhe ekipit mjekësor para operacionit”.

  • SPAK-u ka ngritur 4 akuza ndaj Veliajt, ky është reagimi i Ramës

    SPAK-u ka ngritur 4 akuza ndaj Veliajt, ky është reagimi i Ramës

    Kryeministri Edi Rama, në një intervistë për Zërin e Amerikës, komentoi lidhur me hetimet ndaj disa figurave të njohura politike, duke përfshirë edhe Erion Veliajn, kryetarin e bashkisë së Tiranës.

    Rama theksoi se nuk ka komentuar raste individuale, përveç kur ka pasur një vendim të shkallës përfundimtare të gjykatës, dhe theksoi se një person që është nën hetim nuk është domosdoshmërisht i fajshëm.

    Ai theksoi rëndësinë që proceset gjyqësore të zhvillohen sipas ligjit dhe nuk duhet të gjykohen në media.

    Rama u shpreh se, përballë drejtësisë dhe ligjit, emrat e individëve nuk caktuan se për kë bëhen hetimet, por se janë faktet dhe proceset ligjore që duhet të udhëhoqin punën e institucioneve të drejtësisë. Ai përsëriti se duhet respektuar e drejta e çdo individi për një proces të drejtë dhe të barabartë.

    Zëri i Amerikës: Pyetja për shqetësimin, lidhet pikërisht me këtë, jo me faktin që ju habiteni nga kjo gjë, por a mund t’ju pyes për rastin e zotit Veliaj i përfshirë së fundmi në hetime? A e cënon kjo imazhin e Partisë suaj?

    Kryeministri Rama: Unë nuk komentoj raste individuale, nuk e kam bërë asnjëherë, përveçse kur ka pasur një vendim përfundimtar gjykate, sic ka qenë rasti i një shpifësi recidiv. Por mund të them vetëm që, fakti se cilido është i hetueshëm, nuk e bën cilindo të fajshëm, dhe nga ana tjetër, gjyqet nuk bëhen në media, por gjyqet bëhen në proceset ligjore dhe kushtetuese.

    Zëri i Amerikës: Bëhet fjalë për emra të rëndësishëm të politikës dhe jetës publike. Kështu që, detyrimi është për të marrë një opinion nga ju.

    Kryeministri Rama: Opinioni im dihet. Është i njohur botërisht. Përballë drejtësisë dhe përballë ligjit dhe përballë të drejtës së institucioneve të drejtësisë për të bërë punën e tyre, nuk janë emrat që caktojnë se për kë e bëjnë apo për kë s’e bëjnë punën, por janë faktet dhe janë liritë dhe të drejtat e të gjithëve, që duhen ushtruar dhe duhen vënë në zbatim, duke filluar nga liria dhe e drejta e drejtësisë, që të bëjë detyrën e vet.

  • Parashikimi i yjeve për vitin 2025, astrologia rendit shenjat fatlume: Cilat janë më të favorizuarat

    Parashikimi i yjeve për vitin 2025, astrologia rendit shenjat fatlume: Cilat janë më të favorizuarat

    2025 do të jetë një vit stacion. Përgjatë pranverës, duhet të tregohemi të kujdesshëm në lëvizjet tona dhe ndërkohë mund të hedhim disa themele të qëndrueshme. Vera do të jetë e vrullshme e plot risi, parashikon Chrysanthi Kalogeri. Astrologia zbulon në programin “Shije Shtëpie” edhe 4 shenjat më të favorizuara: Gaforrja, Peshorja, Bricjapi dhe Peshqit.

    Dashi

    2025 është një vit shumë i rëndësishëm sepse do të prisni kalimin e Neptunit dhe Saturnit në shenjën tuaj në pranverë. Ky çift do të bëjë një fillim të ri dhe shënon një periudhë të re në jetën tuaj. Më të ndikuar do të jenë të lindurit në 2-3 ditët e para të shenjës, prandaj jini më të ndërgjegjësuar në iniciativa, shihini gjërat me këmbë në tokë, vlerësoni drejt situatat dhe kujdesuni për shëndetin e imunitetin. Jeni luftëtar, ndërmerrni iniciativa dhe jeni më të guximshmit e zodiakut ndaj përmes këtyre planetëve, do të realizoni një vepër ose ëndërr nëse sakrifikoni dhe punoni fort. Viti premton një lidhje të re, marrëdhënie të re, kryesisht në 6-mujorin e parë të vitit dhe sidomos për të lindurit në 10-ditëshin e parë të shenjës që mund të takoni njerëz që mund t’ju ndryshojnë jetën dhe të merrni vendime për të ardhmen. Do të keni mbështetje të fuqishme dhe karriera, puna do të jetë një nga preokupimet kryesore ku disa nga ju mund të ndryshoni drejtim dhe të merrni iniciativa të reja. Pak më të kujdesshëm në luhatjet psikologjike.

    Demi

    Deri në fund të majit jini të kujdesshëm dhe përfitoni nga shanset financiare. Do të keni të ardhura, por edhe tendencë për të shpenzuar më tepër. Duhet të parashikoni sepse Urani ikën nga shenja juaj dhe çliron të lindurit në 10-ditëshin e tretë të shenjës, ikën provizorisht nga 7 korriku dhe rikthehet më 8 nëntor, do të largohet destabiliteti. Nga ana tjetër, është një vit shumë i mirë, erotik, do të keni mbështetje, ngjarje në jetën emocionale, ndarje dhe më pas një ndërtim të ri në jetën tuaj. Ndryshime thelbësore do të kenë të lindurit në ditët e para të shenjës që do të vijnë në punë, karrierë dhe veç një bashkëpunimi të ri ose marrëdhënie në jetën personale, do të sjellë ndryshim në statusin social dhe jetën profesionale. Është shumë e rëndësishme pranvera, marsi dhe maji. Destabiliteti i fundit do të jetë për të lindurit në 10-ditëshin e tretë të shenjës që do të prishin marrëdhënie ose bashkëpunime si rezultat i një revolucioni ose lirie që do të kërkoni. Është një vit pozitiv për të ardhurat ku disa do të nxjerrin përfitime përmes ndryshimeve.

    Binjakët

    Një vit i rëndësishëm sepse deri më 9 qershor duhet të përfitoni nga shanset dhe favorizimet që do të keni në çdo drejtim, në jetën sociale, personale. Më të fokusuar në karrierë gjatë muajit mars, mos u ekspozoni dhe arrini t’i realizoni qëllimet. Urani në shenjën tuaj do të ndikojë të lindurit në dy ditët e para të shenjës nga data 7 korrik e deri në vjeshtë kur do të bëni ndryshime shumë të mira që hapin horizonte të reja, mund të zhvendoseni jashtë shtetit për një karrierë, studime dhe do të keni shanse në jetën personale. Rishikoni qëllimet dhe synimet në pjesën e dytë të vitit dhe fokusohuni te financat ku do të keni përfitime shumë të mira.

    Gaforrja

    Është viti juaj, jeni më të favorizuarit sepse në shenjën tuaj do të prisni planetin e fatit, zhvillimit dhe përparimit, Jupiterin në datën 9 qershor. Disa nga ju do të realizojnë një ëndërr, por për ata që kanë luftuar, punuar e sakrifikuar për të. Një nga preokupimet do të jetë karriera dhe jeta sociale që duhet të jeni të kujdesshëm në 4-mujorin e parë, por sidomos dy muajt e parë. Do të keni mbështetje ekonomike, ndryshime financiare, sidomos në parat që vijë nga të tjerët. Në pjesën e parë të vitit mund të përqendroheni në jetën intime dhe gjatë verës, duhet të kujdeseni më tepër për një gjendje shpirtërore më të ekuilibruar, por mund të keni zhvillime dhe ekzagjerime që mund t’ju krijojë destabilitet të brendshëm. Do të gjeni ndihmë në verë dhe do të realizoni synimet e qëllimet tuaja.

    Luani

    Do të ndryshojë mënyra si shihni të tjerët, bashkëpunëtorët, njerëzit që ju afrohen, shoqërinë dhe këndvështrimin. Do të gjeni aleatë, njerëz të fuqishëm që ju mbështesin, do të nisni një dashuri të re dhe disa nga ju mund të nisni një dashuri ku mund të gjeni mbështetjen. Në mes të vitit mund të ketë një dashuri të fshehtë. Kujdesuni dhe përkushtohuni në jetën private në 6-mujorin e dytë të vitit dhe në sferën financiare, mos ndërmerrni iniciativa për të cilat s’jeni të sigurt dhe do të gjeni qetësinë në jetën sociale, punë e karrierë dhe do të njihni, miq, njerëz të rinj, njerëz me ide të reja që do ju ndihmojnë në synime e qëllime. Nuk përjashtohet mundësia që të implikoheni në politikë ose të gjeni një politikan që do të kthehet në mbështetje për ju.

    Virgjëresha

    Eklipset në aksin tuaj do të sjellin ndryshime në jetën tuaj si në sferën profesionale, edhe në jetën personale. Mbroni marrëdhëniet personale dhe ato që i konsideroni të rëndësishme. Në punën tuaj do të keni një sukses, madje disa nga të lindurit në ditët e para të shenjës, do të kenë një fillim ndryshimi në behar dhe nga ndryshimet në punë, edhe pse disa s’do ju pëlqejnë, do të jenë gjithnjë për të mirën tuaj dhe do të jenë një hap për jetën tuaj në vazhdim. Në pjesën e parë të vitit fokusohuni në punë e karrierë. Nga data 9 qershor fokusohuni në jetën sociale, rrjetin shoqëror dhe gjeni njerëzit që do t’ju ndihmojnë në realizimin e qëllimeve.

    Peshorja

    Është një nga shenjat e favorizuara sepse Plutoni, Urani në Binjak bëjnë lidhje harmonike, Jupiteri që nga data 4 kthehet në kurs të drejtë do të ketë ndihmë e mbështetje në planet që keni me jashtë shtetit, për të ardhmen, jetën personale e profesionale. Nga data 9 qershor do të ketë një sukses në jetën sociale, karrierë, mund të vendosni për një lidhje apo dasmë. Në shtëpinë e marrëdhënieve dhe bashkëpunimeve, kalojnë dy planetë, Neptuni dhe Saturni që vënë gjërat në provë. Ju që keni marrëdhënie në baza të forta mund ta kurorëzoni. Do të zgjidhni problemet e lidhura me familjen, shtëpinë dhe punën. Ata që duan të gjejnë njeriun e jetës ose të bëni fëmijë, të krijoni një dashuri të re ose diçka të re në biznes, do të keni të gjitha shanset. Periudha nga 4 shkurti e deri në fund të majit është shumë e favorshme. Disa do të kenë ndryshime që s’varen prej tyre, por do të jenë pozitive. Kujdes të lindurit në ditët e para të shenjës në vlerësimet që do të bëni me të tjerët dhe nëse keni çështje ligjore, të dini si do t’i zgjidhni dhe mos u implikoni në punë ose gjëra që ju vendosin përballë ligjit.

    Akrepi

    2025 në periudhën e verës i çliron nga destabiliteti në marrëdhëniet personale e profesionale. Një këshillë është që të menaxhoni veten, jo vetëm ndjenjat por edhe reagimet. Nëse menaxhoni mirë reagimet, çdo gjë do të jetë e suksesshme. Kujdes në financa ku do të keni shumë zhvillime, do të gjeni mbështetje kryesisht në pjesën e parë të vitit. Nëse doni të merrni një inciativë të madhe, duhet të jeni të kujdesshëm në lëvizjet që do të merrni. Edhe në jetën personale ëështë vit interesant sepse do të keni ndryshime në përditshmëri, kujdesuni për shëndetin. Të lindurit në ditët e para të shenjës do të kenë ndryshime thelbësore që u japin një drejtim për të marrë një risk më të madh. Nëse kjo vjen nga faktorë të jashtëm dhe s’u pëlqejnë, bëhen në të mirë.

    Shigjetari

    Nga 4 shkurti e deri në fund të majit është periudhë shumë pozitive, për marrëdhëniet personale e profesionale. Jini të vëmendshëm në familje e karrierë, zgjidhni problemet në shtëpi ose me pronën, kujdes me gjërat ligjore dhe zgjidhini me mençuri. Kujdes në jetën sociale, punë e karrierë nga shtatori e tutje. Do të ndërmerrni iniciativa të reja, do të gjeni mbështetje financiare ose psikologjike ku një këshillë mund të vlejë sa paratë.

    Bricjapi

    Një nga preokupimet veç karrierës në 6-mujorin e parë, do të jetë përditshmëria, fitimet nga puna dhe duhet të kujdeseni e t’i jepni përparësi, sidomos deri në maj. Më vonë, në verë e në 2026 nuk do të keni stabilitet në përditshmëri e punë si për ata që kanë biznes ose janë punonjës. Do të jetë periudhë pozitive për bashkëpunimet nga fillimi i qershorit e deri në 2026 dhe bashkë me Gaforren, jeni nga më të favorizuarit e shenjës. Do të merrni një iniciativë në punë që sjell ndryshime dhe të ardhura pozitive.

    Ujori

    Do të ndiheni të fuqishëm, se keni pushtet, do të sjellë ndryshime thelbësore te ju, sidomos të lindurit në ditët e para të shenjës. Kjo do të bëhet më e theksuar në ditët e para të verës, është periudhë në përgjithësi erotike dhe do të vazhdojë të jetë. Ju që jeni të guximshëm dhe ju pëlqejnë ndryshimet, udhëhiqni jetën tuaj drejt një ndryshimi që u shërben synimeve dhe qëllimeve tuaja. Edhe sikur të vijnë nga faktorë të jashtëm e s’ju pëlqejnë, s’do të keni forcën t’i kontrolloni, mendoni për të ardhmen. Kujdes në sferën financiare. Mënyra si dashuroni do të ndryshojë dhe do të takoni njerëz të rinj e pak ndryshe në periudhën e verës. Keni shanse gjithë vitin.

    Peshqit

    Do të çliroheni pak sivjet nga pengesat, përgjegjësitë e mëdha dhe idealizimi, ulje-ngritje psikologjike, dëshpërimi. Saturni, planeti i përgjegjësisë ju ka vënë nën presion e stres dhe do ta bëjë më shumë sepse marsi e shtatori do të jenë shumë të rëndësishme për marrëdhëniet, jetën sociale e familjare. Neptuni ikën nga shenja juaj më 30 mars, në datën 25 maj edhe Saturni e kjo krijon një çlirim. Ata rikthehen për t’ju dhënë një mësim të fundit dhe më të ndikuarit janë të lindurit në 10-ditëshin e tretë të shenjës që duhet të jenë të kujdesshëm nga çdo pikëpamje. Rrugët hapen dhe vijnë gjëra të mira. Jeni nga shenjat më me fat të vitit sepse më 9 qershor, Jupiteri kalon në shtëpinë e pestë që është e fatit për ju ndaj do të keni përparim personal, dashuri, gëzim nga fëmijët, realizime, do të jetë një periudhë shumë pozitive. Në fund të vitit do të keni disa vështirësi, por për ata që janë treguar të disiplinuar dhe me këmbë në tokë, do të kenë hedhur bazat dhe forcuar pozitat. Vështirësitë janë në mars, rikthehet e kaluara, marrëdhëniet sprovohen, do të keni ca probleme me financat dhe pak në shtator në marrëdhëniet tuaja.

  • Takim i ftohtë mes Ledri Vulës dhe Sara Hoxhës, ja se çfarë i bëri bashkë

    Takim i ftohtë mes Ledri Vulës dhe Sara Hoxhës, ja se çfarë i bëri bashkë

    Ledri Vula dhe Sara Hoxha janë fotografuar së bashku për herë të parë pas ndarjes së tyre, gjatë festës për ditëlindjen e vajzës së tyre, Poem.

    Në pamjet e kapura, Ledri mbante vajzën në krah, ndërsa Sara mbante një arush të pelushit që reperi i kishte sjellë Poem, dhe më pas largohej, pa shkëmbyer asnjë fjalë me ish-partnerin e saj, përveç disa puthjeve për vogëlushen.

    Sara ecte disa hapa përpara, duke tentuar të shmangte të ecë krah për krah me Ledrin, ndërkohë që reperi nuk ktheu as vështrimin nga ish-partnerja. Këto imazhe i japin një pasqyrë të qartë të ndarjes së vështirë mes dyshes, që, ndonëse janë prindër të Poem dhe janë të angazhuar për të, duket se ende ruajnë një distancë të thellë mes tyre.

  • ‘Zbardhet’ Valbona! Pamje magjepsëse nga veriu i vendit, vizitohet nga turistët

    ‘Zbardhet’ Valbona! Pamje magjepsëse nga veriu i vendit, vizitohet nga turistët

    Valbona është zbardhur nga dëbora, duke ofruar një pamje magjike për vizitorët vendas e të huaj. Në këtë fundvit, kjo zonë e veriut të Shqipërisë kthehet në një kartolinë dhe ftesë të hapur për ta vizituar e shijuar atë çka ofron natyra.

    Luginën e Valbonës e ka mbuluar dëbora duke i dhënë një hijeshi magjepsëse, sidomos në këtë prag fundviti është një kartolinë e ftesë për të gjithë ata që natën e ndërrimit të viteve duan ta kalojnë ndryshe.

    Dëbora në këtë zonë, ku ndodhen fshatrat Dragobi, Valbonë e Rragami i Shalës, ka arritur në rreth 40 cm, por rruga për automjetet është plotësisht e kalueshme

    Mikëpritja, është virtyti më i çmuar i zonës, çka e dëshmon edhe rrëfimi i kësaj qytetareje.
    Valbona i hap dyert për të gjithë dhe turistët e huaj apo edhe vizitorët vendas kanë mundësinë e akomodimit në bujtina, shtëpitë e zonës apo edhe në hotele nga më modestët tek ata me 5 yje.

    Veç bukurive të natyrës, ajo që do t’ia shtonte hijeshinë vendit e do të rriste numrin e tursitëve, do të ishin pistat për ski, teleferikët dhe mjetet motorike të përshtatshme për deborë.

  • Blendi Fevziu bllokohet në trafik në Tiranë-Elbasan: Radha 4.7 kilometra, kështu është cdo ditë!

    Blendi Fevziu bllokohet në trafik në Tiranë-Elbasan: Radha 4.7 kilometra, kështu është cdo ditë!

    Rruga Tirane-Elbasan-Librazhd eshte kthyer ne nje makth per trafikun nderkohe qe diten e sotme, ne radhet e gjata te automjeteve eshte bllokuar edhe gazetari Blendi Fevziu.

    Ai ka zbritur nga makina dhe ka realizuar nje video ku thote se ka pritur 40 minuta ne trafik.

    https://www.instagram.com/blendifevziu/?utm_source=ig_embed&ig_rid=9e75c847-d4ea-462a-9f22-3616cbd7aca1
    Sipas tij, pajisja e automjetit sipas Google, tregon se vonesa do te jete edhe 30 minuta te tjera si pasoje e radhes se makinave qe presin per te kaluar aksin.

    Ajo qe vihet re eshte se radhet e gjata te automjeteve krijohen edhe ne akset apo kryqezimet ku qendrojne efektiva te policise rrugore te cilet me shume sesa te shpejtojne levizjen e mjeteve, behen shkak per krijimin e radheve te gjata ne trafik.

  • Tjetër paraqitje e skiatores që përfaqëson Shqipërinë, çfarë vendi zuri në kampionatin botëror

    Tjetër paraqitje e skiatores që përfaqëson Shqipërinë, çfarë vendi zuri në kampionatin botëror

    Skiatorja që përfaqëson Shqipërinë në kampionatin Botëror të skive, Laura Colturi, ka bërë një tjetër paraqitje mjaft fantastike në ditën e parë të garimit në Semmering të Austrisë në Kupën e Botës të skive alpine.

    Skiatorja që përfaqëson Shqipërinë u pozicionua në vendin e 11-të në Giant Slalom. Pavarësisht ulje-ngritjeve gjatë garës, 18-vjeçarja ia doli që të sigurojë një vend mes më të mirëve.

    Në zbritjen e parë, Colturi u rendit në vendin e tetë mes 69 garueseve, duke regjistruar kohën 1’03”34. Në zbritjen e dytë, ajo arrin kohën 1’01”94, por gjërat nuk shkojnë mirë në fund.

    Vlen të theksojmë se gara e Sllalomit do të mbahet të dielën, në Semmering, sakaq cirkuiti i Kupës së Botës do të rifillojë më 4 dhe 5 janar 2025, në Kranjska Gora të Sllovenisë.

  • Humbi ndjenjat gjatë protestës së opozitës, Gjekmarkaj rrëfen momentin: Rezistova disa minuta, por… U ndjeva i fyer nga reagimi i policisë, ishte manipulim

    Humbi ndjenjat gjatë protestës së opozitës, Gjekmarkaj rrëfen momentin: Rezistova disa minuta, por… U ndjeva i fyer nga reagimi i policisë, ishte manipulim

    Deputeti i Partisë Demokratike, Agron Gjekmarkaj, ka treguar për herë të parë detaje rreth momentit gjatë protestës së opozitës, kur humbi ndjenjat pas ndërhyrjes së forcave të policisë.

    I ftuar në emisionin “Kjo Javë” në News24, Gjekmarkaj tha se nuk e kishte menduar që mund të ndodhte diçka e tillë pasi ata ishim protestues paqësor, ndërsa shton se nga pas ka pasur një urdhër politik”.

    “Unë rezistova disa minuta, nuk doja të ikja nga aty, por ndjeva ngadalësimin e frymëmarrjes. Kur më tërhoqën nga turma e policëve, humba ndjenjat”, ka treguar ai, duke theksuar se ka qëndruar për disa minuta pa ndjenja dhe më pas është dërguar në spital.

    Sipas Gjekmarkajt, ajo që e shqetësoi më tepër ishte reagimi i policisë, e cila sipas tij, u përpoq të manipulonte situatën, duke njoftuar se ai kishte “ikur” nga protesta, gjë që ai e quajti fyese.

    “Nuk ika, as në kafe, as në shtëpi, ika në spital”, tha ai.

    Ai ka theksuar se nuk vuan nga asnjë problem shëndetësor, por ngjarja ndodhi për shkak të presionit fizik që ushtroi policia.

    Ishte fyese deklarata ë policisë, se thanë që iku. Unë nuk ika, as në kafe as në shtëpi, ika në spital. Ajo që ndodhi nuk është se unë vuaj nga ndonjë shqetësim shëndetësor, por ishte derivat i presionit fizik që ushtroi policia. Reagimin pas ngjarjes e bëra sepse u ndjeva i fyer nga reagimi i policisë që mu duk manipulim”, tha demokrati.

    Agron Gjekmarkaj: Se kisha menduar qe mund të ndodhte, se ishim protestues paqësor. Në atë moment isha në zonën e Pallatit me shigjeta, isha i shoqëruar me punonjësin e Gardës, i cili më shoqëron si Nënkryetar i Kuvendit.

    Besoj se nga pas është një urdhër politik, se di nëse e ka dhënë ministri i Brendshëm, Rama apo Drejtori i Policisë. Filluan me shtyrje, u lidhen me njëri-tjetrin dhe shtyjnë me parzmoret e tyre. Në fillim i thash me shaka “nuk jam tip që frekuentoj palestra”, ia thash me të qeshur.

    Nga e qeshura kaluan në situatë serioze. Unë rezistova disa minuta, se nuk doja të ikja nga aty. Policia duke ndërhyrë në këtë mënyrë nuk largojnë njerëzit, se ata dalin nga krahu tjetër. Është një formë presioni për të dekurajuar njerëzit. Unë isha me njerëzit e mi, të Lezhës, Mirditës.

    Ndjeva ngadalësimin e frymëmarrjes, në momentin që më tërhoqën nga turma e policëve, humba ndjenjat. Nuk e di sa kohë ka zgjatur, ata që ishin aty më thanë për disa minuta. Më pas më çuan në Spital.

    Ishte fyese deklarata ë policisë, se thanë që iku. Unë nuk ika, as në kafe as në shtëpi, ika në spital. Ajo që ndodhi nuk është se unë vuaj nga ndonjë shqetësim shëndetësor, por ishte derivat i presionit fizik që ushtroi policia. Reagimin pas ngjarjes e bëra sepse u ndjeva i fyer nga reagimi i policisë që mu duk manipulim.

    Jo të gjithë policët u sollën njësoj. Për dy tre ditë kam pasur një gjendje aritmie, një luhatje tensioni, dhimbje koke. Unë do të jem gjithmonë një protestues paqësor, do t’i bashkohem njerëzve, do jem në protestë në Tiranë dhe kudo tjetër.

  • Putin kërkon falje, por nuk merr përgjegjësi për rrëzimin e avionit me 62 pasagjerë

    Putin kërkon falje, por nuk merr përgjegjësi për rrëzimin e avionit me 62 pasagjerë

    Presidenti rus Vladimir Putin kërkoi falje të shtunën për rrëzimin e avionit të Azerbajxhanit, duke thyer heshtjen treditore të Kremlinit për aksidentin që mori jetën e 38 personave.

    Megjithe faljen e kerkuar, lideri rus nuk e pranoi në mënyrë eksplicite përgjegjësinë e Rusisë për rrëzimin.

    Putin “i kerkoi falje” për rrëzimin në një telefonatë me homologun e tij azerbajxhanas, Ilham Aliyev, tha Kremlini në një deklaratë.Putin i tha zotit Aliyev “se incidenti tragjik ndodhi në hapësirën ajrore ruse”, sipas deklaratës. Telefonata u iniciua nga lideri rus, tha Kremlini.

    Kreu rus tha se ndërsa avioni i afrohej destinacionit të tij të planifikuar të Groznit, në Rusinë jugore, mbrojtja ajrore ruse kishte filluar të zmbrapsë një sulm nga dronët ukrainas në aeroportin e Groznit dhe të tjerë aty pranë.

    Deklarata nuk ia atribuoi rrëzimin një rakete ruse të mbrojtjes ajrore, një shkak ku hetuesit në Azerbajxhan janë fokusuar si pista kryesore e hetimit per tragjedine.

    Zyra presidenciale e Azerbajxhanit konfirmoi se zoti Putin i kishte ofruar falje zotit Aliyev, por sugjeroi se faji ishte me mbrojtjen ajrore ruse.