Këngëtarja shqiptare me famë ndërkombëtare, Bebe Rexha, u rikthye në vendin e saj të origjinës, Dibrën e Maqedonisë së Veriut, pas 12 vitesh. Nëpërmjet një postimi në rrjetet sociale, këngëtarja ndau disa fotografi nga kjo vizitë si dhe shprehu ndjenjat e saj të thella për rrënjët e saj dhe lidhjet emocionale.
Advertisements
“Pas 12 vitesh, u ktheva në vendlindjen e babait tim në Dibër të Maqedonisë. Rilidhja me rrënjët dhe familjen time ishte thellësisht emocionuese. Vizita e varrit të gjyshit tim ishte veçanërisht domethënëse, pasi nuk munda të merrja pjesë në funeralin e tij gjatë turneut. Familja do të thotë gjithçka për mua dhe kjo vizitë më kujtoi rëndësinë e lidhjeve tona,”- shkroi Bebe Rexha në postimin e saj. Në një koment tjetër ajo shprehu ndenjat e saj për rajonin: Kosova, Maqedonia, Mali i Zi, Presheva, për mua janë të gjitha Shqipëria ime.
Advertisements
Komenti i saj shkaktoi reagime të ndryshme në postimin e saj, ku shumë njerëz komentuan, por veçanërisht në mediat serbe, të cilët kanë qenë të zëshëm me lajme dhe tituj të ndryshëm për këngëtaren shqiptare.
“Shqipëria është një vend, Maqedonia, Serbia dhe Mali i Zi janë vende krejtësisht të ndryshme. Mësoni gjeografinë dhe historinë ju lutem”, “Ti je personazh publik dhe po përpiqesh të nënçmosh vendin dhe trashëgiminë tonë, turp të kesh!”, “Gjyshi juaj po kthehet në varr”, “Po bëni thirrje për luftë, plehrë!”, janë disa nga komentet në postimin e Bebes.
