Dritan Dajti ka marrë pjesë këtë të shtunë në ceremoninë mortore të nënës së tij.
Advertisements
I rrethuar nga Forcat Operacionale të Burgjeve, Dajti shihet me syze mbi varin e të ëmës, ku në krah i qëndrojnë efektivët e armatosur dhe me antiplumb.
Advertisements
Dajtit iu miratua leja nga drejtoria e burgjeve, një ditë më parë, pas ndarjes nga jeta të nënës së tij.
Ishin forcat RENEA ato që e shoqëruan vrasësin e 4 policëve nga burgu i Peqinit në drejtim të Tiranës. Pas përfundimit të ceremonisë mortore, Dajti po rikthehet nën masa të rrepta sigurie në burgun e Peqinit, ku duhet të vuajë burgimin e përjetshëm.
Dritan Dajti akuzohet për masakrën e 7 gushtit të vitit 2009 në Plazhin e Durrësit, ku u vranë dëshmorët e policisë; Fatos Xhani, Sajmir Duçkollari, Altin Dizdari, Kastriot Feskaj.
Advertisements
Ngjarja cilësohet si ndër më të rëndat për forcat e policisë. Dajti së bashku me personat që e shoqëronin ju përgjigjën me armë skuadrës së policisë që kishte shkuar për arrestimin e tij. Në këtë ngjarje u plagos vet Dajti, si dhe u vra shoqëruesi i tij, Ledjon Mara dhe u plagos Fatjon Shamku.
