Category: Lajme

A.T, (emri dhe inicialet e oficerit janë ndryshuar për efekt të ruajtjes së identitetit të tij), ishte nga ata oficerë të rinj, që mund të kishte patur të ardhme në Policinë e Shtetit.

Pas një kohe të shkurtër si polic i Shqiponjave në Tiranë, oficeri, i frymëzuar për rendin dhe sigurinë e jetës së qytetarëve, konkurroi dhe u bë pjesë e repartit elitar RENEA, por karriera e tij nuk zgjati shumë.

Dy operacione të njëpasnjëshme, ku ai pa një realitet të ndryshëm nga pasioni për ligjin, si dhe dyshimet se efektivët tradhtohen nga brenda radhëve, e çuan drejt dorëheqjes së parevokueshme nga Policia e Shtetit.

Ishte viti 2020, kur RENEA u urdhërua të kontrollonte befasisht bizneset e Ervis Martinajt, në atë kohë një emër i pandëshkueshëm dhe i fuqishëm.

A. T., e kishin mësuar se, kur RENEA hyn për kontrolle dhe për kapjen e personave të rrezikshëm, parimi i sigurisë, që zbatohet, është shtrirja barkas dhe prangosja e kujtdo. Ky ishte standardi, që po ndiqte atë ditë polici i ri, kur i armatosur dhe me maskë rasti e solli që ai të urdhëronte të ulej në tokë vetë Ervis Martinajn.

Kur efektivi i specialëve u ndesh me kundërshti, reagoi, duke e shtrirë me forcë dhe në një moment shokët e tij panë, kur në aksion e sipër e qëlloi me shuplakë të njohurin si mbreti i lojërave të fatit, por ajo që pa A. T., pak minuta më vonë e shembi profesionalisht.

Ai vërejti disa eprorë të tij, duke ngushëlluar Ervis Martinajn, duke e qetësuar me fjalët: “Mos u mërzit”.

Nën anonimitet, miqtë e A. T., oficerë në RENEA, flasin për INA MEDIA-n mbi pikën e thyerjes së ish-policit, që tani shërben si profesor në një fakultet.

“Pas këtij momenti, ne vazhduam kontrollet, por e vërejtëm kolegun të shtangur nga skena me eprorët. Na mblodhi më pas dhe deklaroi: “Do ta lë policinë. Kjo polici nuk është ajo që unë doja”.

Mes policëve të repartit special kishte kohë që gumëzhinin thashethemet, nëse tradhtoheshin apo jo nga vetë radhët e tyre apo nga kush. Me dyshimet se u dekonspiruan, aksionet e dështuara ndër vite e kthyen RENEA-n pa të kërkuarit Gëzim Çela, ish-oficer policie, i dyshuar si trafikant, Talo Çela, Klement Balili dhe Ervis Martinaj.

Një nga efektivët veteranë në RENEA shton: “Hera e parë, kur mbërritëm për kontroll blic në Fushë Kuqe, ishte pas një informacioni se aty ishte rrahur një kryetar bashkie nga veriu i vendit. Ai kishte luajtur bixhoz dhe kishte humbur shumë. U bë briefing dhe u nisëm. I neutralizuam dhe i mbajtëm shtrirë edhe klientët. Aty gjetëm makina luksoze dhe çelësat në kuadër. Më vonë mësuam se aty kishin qenë Bajrat dhe ishin larguar, pa mbërritur ne. E kuptuam që dikush kishte njoftuar dhe të gjithë kishin ikur. Ervis Martinajn e çuam në policinë lokale bashkë me mjetin e blinduar dhe më pas ai doli”, – kujton ngjarjen e para tre viteve oficeri.

Iu desh të ndërhynte Kryeministres italiane për të “mbytur” zhurmën e rastit të turistëve të cilët u arratisën pasi konsumuan në restorantin në Berat.

Meloni pagoi faturën, që bëri të katërt turistët t’ia ‘mbathnin’, gjë e cila ka sjellë një reagim nga pronarët e restorantit.

Ata shkruajnë se janë falenderues ndaj Kryeministres, sikurse shprehen se ato para do t’i mbajnë si një kujtim në restorant.

Postimi: Gazetarët dhe kanalet televizive shqiptare dhe italiane na kanë zhytur në ujë, por ne nuk kemi lejuar asnjë intervistë. Ata qytetarë italianë që kanë shkuar pa paguar kanë bërë një publicitet të madh për qytetin tonë. Le t’i falënderojmë ata!

Tashmë thamë që nuk kishte asnjë problem që italianët janë në shtëpi këtu, shumë prej tyre vijnë si familja jonë në Itali kur ne emigruam. Ne gjithashtu thamë se i pëlqeu ushqimi. Shpresojmë që ata i shpenzuan ato para për diçka të mirë!

Falenderojmë sinqerisht Xhorxha Melonin, një zonjë e vërtetë! Ne nuk jemi të pasur, ne punojmë shumë si familje, nuk bëjmë aq shumë për të mos i bërë përshtypje ato para! Por kjo nuk është çështje parash për ne dhe jemi shumë të prekur nga gjesti i tij! Një shembull i mrekullueshëm i dinjitetit nga një nënë e mirë e rreptë që jep një shembull për shtëpinë e saj! E madhe Xhorxha ! E duam shumë edhe si gjysmë italiane që jemi, ajo na nderoi shumë duke ardhur me pushime në Vlorë!

Në foto janë paratë e saj që na dërgoi në ambasadë. Ata do të qëndrojnë këtu në restorant si një kujtim i jashtëzakonshëm dhe gjithashtu kundër syrit të keq

Faleminderit Meloni Viva Itali Viva Albania!

Kryeministri Edi Rama është shprehur se ka shumë për të bërë mes Shqipërisë dhe Italisë, për të çuar më tej marrëdhëniet dypalëshe.

Komentet Rama i bëri përmes një interviste për median italiane Rai Uno, teksa ka komentuar mbi zhvillimin e turizmit në vend, si edhe vizitën e fundit të homologes së tij, Giorgia Meloni në Shqipëri.

Rama shprehu vlerësimet e tij për kryeministren Meloni, duke theksuar se ajo mbështet hyrjen e vendit tonë në BE dhe është një mikeshë e shqiptarëve.

Rama shprehet se Meloni është një mikeshë e shqiptarëve dhe se ajo mbështet hyrjen në Europë, ndërsa zbuloi dhe prapaskenën e pagesës së faturës së turistëve italianë që ikën pa paguar nga një restorant në Berat.

“Vizita shkoi shumë mirë, ishte shumë e lumtur së bashku me familjen e saj. Erdhi me traget dhe pushoi në paqe për tre ditë. Më pas ne shkëmbyem disa ide sepse ka shumë për të bërë mes Italisë dhe Shqipërisë”, u shpreh Rama ndër të tjera gjatë intervistës së shkurtër.

Gazetari: Ju të dy keni rrugëtime politike mjaft të kundërta, ju jeni socialist, ndërsa Meloni vjen nga e djathta, Po çfarë keni të përbashkët?

Rama: Mënyrën se si themi atë që mendojmë, përpos kësaj kemi fatin që këto ndarjet e majtë e djathtë janë thjeshte pjesë e historisë tashmë. Në momentin që duhet të merren vendime, duhet të jemi konkret.

Gazetari: Në Shqipëri ka një boom turistësh, po na bëni konkurrencë?

Rama: Të thuash kështu është vërtet e tepërt, sepse konkurrencë Italisë nuk i bën dot askush.

Gazetari: Po cili mund të jetë roli i vendit tonë në afrimin e Shqipërisë në Europë?

Rama: Pavarësisht se kë ka patur Kryeministër, Italia ka qenë gjithnjë avokati ynë dhe Giorgia në fakt flet madje për një riunfikim të Bashkimit Europian, jo thjesht për integrim europian.

Gazetari: Së fundi në një episod të veçantë në rrjetet sociale u bë virale një video ku një grup italianësh janë larguar nga restoranti pa paguar. Është e vërtetë që kur kryeministrja e ka mësuar këtë i ka kërkuar ambasadorit të paguajë faturën?

Rama: Unë ia tregova këtë gjë për të qeshur pak dhe të gjithë rreth saj u shkulen se qeshuri, por ajo u ngrys ne fytyre. U kthye nga Ambasadori:

“Ju ambasador duhet të paguani atë faturë dhe të bëni një komunikim dhe të kërkoni falje sepse këta janë të turpshëm, dhe unë, ata që janë turpi i Italisë nuk i pranoj”, i tha me atë dialektin e vet fantastik roman.

Zjarr në varrezat e Gjirokastrës.

Mendohet se shkak janë bërë qirinjtë e ndezur nga qytetarët nëpër qivure.

Në vendngjarje zjarrfikëset që po punojnë për lokalizimin dhe fikjen e flakëve.

Një azilkërkues afgan është burgosur për përdhunim dy herë ndaj një 12-vjeçareje shqiptare, të cilët qëndronin në një hotel të azilkërkuesve të financuar nga Home Office në Angli.

Sakhidad Ahadi, 25 vjeç, i cili vazhdon të gënjejë për moshën e tij dhe u konsiderua ‘i rrezikshëm’ nga gjyqtari, u dënua me dymbëdhjetë vjet burgim pasi përdhunoi vajzën e mitur.

Ai kishte kërkuar azil në Angli me pretendimin se u qëllua nga talebanët kur refuzoi të rekrutohej, dhe i ati ishte vrarë nga duart e sundimtarëve të vendit.

Vajza e mitur shqiptare dhe vëllai i saj ishin sjellë në Mbretërinë e Bashkuar nga nëna e tyre dhe familja u vendos në hotelin Queens, Crystal Palace – i njohur në vend si ‘Azili i Hotelit’. Ahadi u deklarua fajtor për akuzën e përdhunimin e vajzës midis peridhuës 22 dhjetorit 2022 dhe 1 janarit 2023.

Ai pretendoi se e mitura pranoi të kryente vetë marrëdhënie me të dhe ai besonte se ajo ishte 19 vjeç, ndërsa avokatja e tij Lisa Wilson u shpreh: “Perceptimi i moshës mund të mos jetë aq i qartë për dikë që është rritur në Afganistanin malor”.

Vajza i mbajti të fshehtë përdhunimet nga e ëma derisa i tha një roje sigurie hotelit se kishte frikë nga Ahadi dhe u njoftua policia. Kur oficerët mbërritën, ajo u tha atyre se ishte përdhunuar dhe aty nisën hetimet.

‘Qielli më ka rënë në kokë dhe më ka shkatërruar. Ne erdhëm në këtë vend për siguri dhe nuk doja që diçka e tillë t’u ndodhte fëmijëve të mi.’-ka deklaruar nëna e vajzës.

Ahadi vazhdon të gënjejë se ai është vetëm njëzet vjeç, por gjyqtari Dunne konfirmoi: ‘Të dhënat e autoriteteve përkatëse tregojnë se ai është njëzet e pesë vjeç.

Ai duhet të shërbejë të paktën tetë vjet në paraburgim përpara se të konsiderohet për lirim me kusht dhe do të mbetet në regjistrin e përdhunuesve.

Elhaida Dani po shijon pushimet e verës me partnerin e saj Ledian Agalliaj.

Këngëtarja, e cila u njoh me balernin në Dance With The Stars kur ky ishte i fejuar, ka publikuar foto nga pushimet.

Çifti shihen në lokal të përfaqur me njëri-tjetrin ku duken shumë të lumtur.

Postimi është shoqëruar me një emoji zemre, për të treguar që janë të dashuruar.

Si nisi historia e tyre

Elhaida Dani dhe Ledian Agalliaj nuk arritën të fitonin “Dancing With The Stars”, por sigurisht që fituan njëri-tjetrin.

Ndonëse të shumtë ishin ata që e gjykuan këtë raport të lindur mbi fejesën e prishur të balerinit, dyshja duken më të dashuruar se kurrë e më pranë njëri-tjetrit tashmë që spektakli ka përfunduar.

Që pasi bënë publike romancën e tyre, Elhaida Dani dhe Ledian Agalliaj janë përballur me reagime nga më të ndryshmet të publikut. Balerini tha gjatë puntatës së fundit të “Dancing With The Stars” se ndjenja e tyre është shumë reale.

“S’e kam bërë, nuk e bëra dot, unë kam dashur ta bëj diçka të tillë, e menduam të dy dhe thamë jo, nuk e menduam që do të merrte këtë lloj përmase, edhe kur është dhënë videoja kemi menduar të ndahej kjo copëz e ta mbanim për vete, kjo është shumë reale, e ndjejmë njëri-tjetrin dhe aq”, u shpreh ai.

Më tej erdhi dhe reagimi i Elhaidës, e cila u shpreh se ajo dhe partneri i saj nuk kanë thyer asnjë kod moral. Ajo theksoi se vendosi ta bënte publike lidhjen e saj për shkak të përgjegjësisë që ka si një personazh publik që është.“Ka qenë një javë shumë intensive kjo që kaluam, kishim vendosur të mos reagonim asnjëri, unë nuk jam këtu për të edukuar një popull të tërë, por duke qenë se jam një personazh publik kam një lloj përgjegjësie kur bëj veprimet e mia në sy të publikut, e ndjeja të nevojshme të sqaroja vendin tim, fjalët nuk do të mbarojnë kurrë”, tha ajo.

Balerini kishte hyrë në këtë format i fejuar me bukuroshen Ditjona Bora, me të cilën kishte pasur një histori dashurie prej 7 vitesh.

Në fillim të spektaklit, ish-e fejuara e Ledianit dhe Elhaida kishin një raport të mirë. Në rrjetet sociale, madje ajo komentonte në fotot që këngëtarja publikonte nga skena me balerinin.

Policia arrestoi mbrëmë një person të rrezikshëm që udhëtonte me shpejtësi në rrugët të kryeqytetit, ndërsa u konstatua se mbante një thikë të madhe në formë shpate me vete. Pas verifikimeve, u vërtetua se personi në fjalë drejtonte makinën nën efektin e lëndëve narkotike.

Në lulëzimin e saj turistik, ku shumë të huaj kanë zgjedhur Shqipërinë për të kaluar pushimet, të pakët janë ata të cilat kanë zgjedhur të akomodohen në hotele, bujtina apo dhe apartamente. Sipas Institutit të Statistikave në muajin qershor nga 1 milionë e 7 mijë të huaj që zgjodhën vendin tonë, vetëm 17.8% u akomoduan, raporton A2CNN.

“Jemi një vend mesdhetar që duhet ta shfrytëzojmë pozicionin tonë. Por jemi edhe në mes të konkurrentëve më të mëdhenj turizmit botëror si Italia, Greqia, Spanja, Portugalia. Një mirëmendim i ofertës turistike është e rëndësishme”, shprehet Blerina Ago, eksperte e turizmit.

Megjithatë krahasuar me të njëjtën periudhë të vitit të kaluar, INSTAT raporton një rritje të akomodimeve të turistëve. Jugu mbetet destinacioni i preferuar me 2.5 herë më shumë vizitorë se e njëjta periudhë e një viti më parë. Ky tregues në zonat bregdetare është rritur 75%. Por të shumtë janë dhe ata turistë të cilët preferojnë të qëndrojnë në rajonin qendror.

“Shumë destinacione të turizmit tanimë flasim për qëndrueshmëri. Ku turistët janë të prirur të qëndrojnë më gjatë dhe shpenzojnë më tepër. Sigurisht që kemi shumë punë për të bërë për përmirësimin e ofertës turistike”, thotë ekspertja.

Treguesi i netqëndrimeve është rritur me 52,8 %, në krahasim me qershorin e vitit të shkuar. Dyfishimi ka ndodhur pothuajse në të gjitha rajonet, përveç veriut i cili shënon një ulje të lehtë. Sa i takon shtetësisë së vizitorëve INSTAT raporton se përveç shqiptarëve të Kosovës që historikisht kanë shifrën më të lartë, polakët janë ata që kryesojnë nga vendet e BE-së me 9.2 %, italianët me 8.3 për qind dhe më pas vijnë Gjermania me 7 % dhe Spanja me 4.3 %.

Një burrë ka vendosur t’i shkruajë një letër gruas së tij, ku i thotë se e ka tr.adhëtuar me motrën e saj dhe pas gjithë kësaj do të largohet.

Por përgjigjia që i ka kthyer ajo e ka lënë pa fjalë.

Letra e burrit:“E dashur grua,

Po të shkruaj këtë letër për të thënë se po largohem përgjithmonë nga jeta jote. Unë kam qenë bashkëshorti ideal me ty për 7 vjet. Këto 2 javët e fundit kanë qenë fe rr… Shefi yt me telefonoi për të thënë se sot ti u largove nga puna.

Javën e kaluar, kur ti erdhe në shtëpi as që e vure re se unë kisha ndryshuar modelin e flokëve, as që unë kisha gatuar ushqimin tënd të preferuar dhe as që kisha veshur një palë bo.kse të reja të mëndafshta.

Ti hëngre për 2 minuta, dhe shkove direkt për të fjetur. Ti nuk më thua më se më do, ti nuk do më të bëjmë s*ks apo ndonjë gjë tjetër që na lidh si burri dhe grua. Ose ti po më tra.dhton me dikë tjetër, ose nuk më do më. Kushdo qoftë arsyeja, unë jam po largohem.

Ish burri yt.

P.S. Mos u përpiq të më gjesh. Motra jote dhe unë jemi duke u larguar për në Virxhinia së bashku! Të uroj suksese!”

Letra e ish-gruas:“I dashur ish-burrë,

Asgjë nuk e ka bërë ditën time më të bukur veçse marrja e letrës tënde. Eshtë e vërtetë që kemi qenë të martuar për 7 vjet, por tani ky burrë i mirë është shumë larg atij që ka qenë. E vura re dhe modelin tënd të flokëve javën e kaluar, por gjëja e parë që më erdhi në mendje ishte: ” Dukesh tamam si vajzë!” Nëna ime më ka mësuar se nëse nuk kam diçka të mirë për të thënë më mirë të mos komentoj.

Dhe kur thua se ke gatuar ushqimin tim të preferuar, e ke ngatërruar atë me të motrës time, sepse unë nuk ha mish derri që 7 vjet më parë. Për ato b.okset e reja mëndafshi u largova nga ty sepse pash çmimin $ 49.99 që ishte ende mbi to, dhe u luta të ishte vetëm një rastësi që motra ime këtë mëngjes më kërkoi $ 50 borxh. Pas gjithë kësaj, unë ende të dua dhe mendoja që ne do të mund të rregullonim marrëdh ënien tonë sërish.

Kur unë fitova lotarinë prej 10 milionë dollarësh lashë punën dhe bleva 2 bileta për në Xhamajkë por kur unë u ktheva në shtëpi ti kishe ikur. Besoj se çdo gjë ndodh për një arsye. Shpresoj që ju të keni jetën që gjithmonë keni dashur. Avokati im më tha se letra që më ke shkruar siguron që mos të marrësh asnjë lek nga unë. Kështu që kujdesu për veten.

Nga ish gruaja jote!

P.S. Nuk e di nëse ta kam thënë ndonjëherë këtë, por motra ime Karla ka lindur Karl. Shpresoj të mos jetë problem. “