Category: Lajme

Drejtuesi i Asosacionit të Gazetarëve Shqiptarë (AGSH), Isa Myzyraj, i tha BIRN se vendimi i qeverisë shqiptare për bllokimin e platformës së mediave sociale Tik Tok, cenonte lirinë e shprehjes dhe bie ndesh me Kushtetutën.

“Ne e konsiderojmë këtë veprim të rrezikshëm për lirinë e shprehjes dhe kemi nisur tashmë punën për dërgimin e çështjes në Gjykatën Kushtetuese”, tha Myzyraj.

“Çdo veprim që cenon lirinë e shprehjes do të sfidohet nga ne në Gjykatën Kushtetuese dhe në Gjykatën Evropiane të të Drejtave të Njeriut”, shtoi ai.

Me kërkesë të Autoritetit të Komunikimeve Postare Elektronike (AKEP), kompanitë që ofrojnë shërbimeve interneti në vend, pritet të bllokojnë të enjten qasjen ne aplikacionin e Tik Tok në Shqipëri.

Ky bllokim, ndjek vendimin e Këshillit të Ministrave të datës 6 mars, 2025, për mbylljen e platformës për shkak të efektit të pretenduar negativ mbi shëndetin psiko-emocional të fëmijëve.

TikTok, është një platformë e mediave sociale e fokusuar te videot e shkurtra. Ajo u krijua nga kompania kineze ByteDance dhe lejon përdoruesit të krijojnë, montojnë dhe ndajnë video të shkurtra me efekte speciale, muzikë dhe filtra të ndryshëm.

Kryeministri Edi Rama, deklaroi në një postim në rrjetin social ‘X’, që vendimi për mbylljen e platformës Tik Tok, është marrë nga qeveria pas konsultimeve të gjëra me prindër dhe mësues.

“Ky është një vendim i marrë në konsultimin e gjerë me 65 mijë prindër e mësues, dhe e dyta është një vendim i marrë pasi u ngritën kapacitetet e nevojshme teknike”, shkruan Rama.

Shifrat e ofruara nga kryesministri nuk mund të verifikohen në mënyrë të pavarur, pasi takimet e tij nuk janë mbajtur në prani të medias.

Megjithatë, organizatat për mbrojtjen e lirisë së shprehjes në vend dhe ato ndërkombëtare janë shprehur kritike ndaj vendimit të qeverisë.

Blerjana Bino, drejtuese ekzekutive e qendrës SCiDEV i tha BIRN se ky është një precedent që cënon të drejtat themelore të njeriut.

“Ne na shqetëson precedenti që krijohet me mbylljen totale të Tik Tok, pra një precedent i “internet shutdown” duke cenuar kështu të drejtat themelore të qytetarëve siç është liria e shprehjes”, u shpreh Bino.

“Nën justifikimin e sigurisë për fëmijët qeveria me të njëjtën mënyrë mund të mbyllë nesër platforma të tjera, media apo internetin vetë, sepse shkaktojnë ‘dëm’”, shtoi ajo.

Drejtuesja e SCiDEV shtoi më tej se marrja e një dakordësie nga prindërit në kushte emocionale të ngarkuar nga një tragjedi, nuk është proces i rregullt i konsultimit dhe nuk mund të shërbejë si justifikim për mbylljen totale të platformës.

“Nuk ka asnjë raport publik të këtij konsultimi të pretenduar veç daljeve mediatike të Kryeministrit dhe Ministres përkatëse në shkolla”, tha Bino, teksa theksoi se të gjithë janë të shqetësuar për sigurinë e fëmijëve, por ka masa proporcionale të tjera që mund të merren.

“Shqipëria ndodhet dy muaj përpara zgjedhjeve parlamentare dhe mbyllja e një platforme që është shndërruar në një medium të rëndësishëm për zërat e rinj në politikë dhe jo vetëm, ngre shqetësime të tjera për qëllimin pas saj”, theksoi Bino.

Edhe kreu i AGSH-së Isa Myzyraj, tha se ky vendim është praktikisht një precedent për akte të tjera të censurës në një vend me një qeveri autokratike.

“Kjo tregon qartë se institucionet tona janë autokrate dhe nuk reflektojnë pavarësisht se dhjetra organizata vendase dhe ndërkombëtare kanë shprehur shqetësimin për mbylljen e Tik Tok”, tha ai.

“Jemi të shokuar që qeveria nuk ka bërë asnjë reflektim dhe asnjë hap pas në lidhje me këtë situatë”, përfundoi Myzyraj./BIRN

Kryeministri Edi Rama në nisje të serisë së sotme “Sy m’sy” ka publikuar një video nga tuneli i murrizit, i cili do të hapet më 14 mars.

Rama u shpreh se kjo ditë përkon edhe me ditën e verës, ndërsa ka bërë me dije se shumë shpejt mbaron edhe aksi Maqellarë- Peshkopi.

“Ky është tuneli i shumëpritur i Murrizit. Më në fund u dorëzua mali. Edhe tuneli do të dorëzohet nesër për të gjithë popullin e Dibrës që mezi e kanë pritur për vite. Syri i keq më në fund plasi se tel ai tunel na u mblodh energjia negative dhe gjeologjia e atij tuneli ishte tmerr kështu që nesër, tuneli i Murrizit hapet. Kjo përkon me ditën e verës. Nesër ditë vere nga Elbasani në Dibër e në të gjithë Shqipërinë. Jam i bindur se nëse s’ke shkuar do të zbulosh një copë Shqipërie të mrekullueshme, por ajo që kemi bërë gjatë këtyre viteve, kemi krijuar mundësi për zbulimin e copave të mrekullueshme”, tha ai.

Një tërmet me magnitudë 4.4 ballë të shkallës Rihter është regjistruar në orën 01:25 të natës, me orën italiane, në zonën e Napolit.

Tërmeti ka qenë me qendër në zonën e Pozzuoli dhe është ndjerë në të gjithë qytetin. Shumë banorë kanë dalë të frikësuar nga shtëpitë e tyre ndërsa nga pamjet e shpërndara në rrjetet sociale shihen dëmet e shumta materiale të shkaktuara.

#Terremoto ai Campi Flegrei, magnitudo 4.4: danni a Bagnoli e Fuorigrotta. pic.twitter.com/CRYI25xhyj

— MC (@Virus1979C) March 13, 2025

Kryeministri Edi Rama, i cili pak ditë më parë deklaroi se qëndron 2 ditë pa ngrënë, ka sqaruar edhe arsyen e këtij vendimi.

Kreu i qeverisë u shpreh se “nuk e thashë se s’kam çfarë ha apo për t’u dukur sikur jam një njeri pa bukë”.

Kryeministri deklaroi se agjërimi, të cilin shtoi se e ka aplikuar 3 herë deri më tani, nuk lidhet me besimin fetar, por për t’u kujdesur për mendjen dhe trupin.

Rama theksoi se abstenimi nga ushqimi dhe konsumimi i ujit pastron qelizat, rrit qartësinë mendore dhe mban në kontroll peshën fizike.

Edi Rama: Pashë që ishin marrë shumë me atë që thashë unë lidhur me mosngrënien, po është habi e madhe. Nuk thashë që nuk ha bukë dy ditë se nuk kam çfarë ha, dhe nuk e thashë për t’u dukur sikur jam një njeri pa bukë, prandaj mos kujtoni se bëj këto gjëra që ju them për mua.

Nuk e kisha në atë sens, por këneta kënetë e keni parasysh.

Desha të them që e bëj këtë gjë për arsye komplet tjetër, për arsye se agjërimi, jo si besimtar, por për tu kujdesur për mendjen në radhë të parë, pastaj edhe për trupin sepse mendja e shëndoshë në trup të shëndoshë, dhe për të lehtësuar veten nga ngarkesa, është një metodë dem baba dem, nuk është një gjë që lidhet thjesht me besimin. Abstenimi nga ushqimi, duke konsumuar ujë natyrisht, çaj ose pije pa kalori, bën që të fillojë një pastrim i qelizave dhe të rritet qartësia mendore. Në këtë mënyrë efekt tjetër është edhe mbajtja në një farë mënyre në kontroll e peshës.

Por kujt ti flasësh?! 48 orëshi është akoma më mirë sepse thellon pastrimin. Unë dy tre herë e kam bërë, sepse është i fortë, edhe për shkak të detyrës është e vështirë për ti thënë dikujt që s’mundem, por sjell ndryshime të mëdha në fiziologji, provokon humbje të konsiderueshme të yndyrës, ka efekt të madh në sistemin imunitar, mbi zorrën, janë të gjitha gjëra që i kam studiuar si sportist i kahershëm. Fillova të ndjej ngarkesat, por e bëj rrallë këtë gjë.

Një operacion i Policisë Vendore të Lezhës në zonën e Kurbinit është shoqëruar me të shtëna me armë zjarri drejt policisë.

Sipas informacioneve një efektiv policie ka mbetur i lënduar, ndërsa dy persona janë vënë në pranga.

Incidenti është regjistruar gjatë natës, ndërsa policia ende nuk ka një njoftim zyrtar në lidhje me rastin.

Lajm në përditësim…

Një person është plagosur me armë zjarri gjatë natës në Kurbin.

Mësohet se 1 person është arrestuar nga uniformat blu dhe 2 të tjerë janë shoqëruar.

I plagosur ndodhet në spitalin e Lezhës nën kujdesin e mjekëve.

Gjyqi për të vendosur mbi faktin nëse Erion Veliaj do të hetohet në arrest me burg, apo në një masë tjetër më të butë sigurimi do të vendosë ditën e sotme nga ana e Gjykatës së Apelit.

Ose të paktën kështu u vendos dje, kur u mësua se për të dytën ditë me radhë, Apeli i GJKKO-së, shtyu dhënien e vendimit për kryetarin e Bashkisë së Tiranës, Erion Veliaj, i cili ka ankimuar masën e arrestit me burg. Prokurorët e çështjes, Olsi Dado dhe Altin Dumani kanë kërkuar vazhdimin e masës arrest me burg, por gjyqtarët vendosen që seanca për shpalljen e vendimit do të jepet nesër në orën 10:00.

Gjatë seancës së djeshme kryebashkiaku Veliaj ka kundërshtuar dosjen e SPAK, duke u shprehur se provat e reja janë “çimka dhe telefonatat e tij me djalin, si edhe familjen”. Sipas të dhënave, mësohet se nga seanca në Apelin e GJKKO-së, Erion Veliaj ka pretenduar se SPAK ka përgjuar 1 muaj bisedat e tij familjare që sipas kryebashkiakut kanë të bëjnë intervistat në media. “Ju nuk keni konsideruar prova të reja sulmet publike të Sali Berishës ndaj SPAK. Por keni konsideruar prova të reja çimkat dhe telefonatat e mia me djalin dhe familjen dhe interesimin tim për intervista në TV kryesore”, – mësohet se është shprehur Erion Veliaj. Ai ka kërkuar seancë me dyer të hapura duke u shprehur se: “Unë jam ende kryetar bashkie në detyrë, i votuar nga çerek milioni njerëz. Unë i qëndroj çdo postimi që kam bërë në rrjetet sociale”.

GJYQET PËR MASAT

Seanca e vlerësimit të masës së sigurisë ndaj kryetarit të Bashkisë së Tiranës, Erion Veliaj dhe të akuzuarve të tjerë të kësaj çështjeje në Gjykatën e Posaçme të Apelit që nisi ditën e martë në një gjyq maratonë, u shty për dje. Shkak u tha se u bënë avokatët mbrojtës, të cilët kërkuan kohë për t’u njohur me provat e reja. Veç provave të dorëzuara nga ana e SPAK, mësohet se u dorëzuan prova të reja edhe nga ana e mbrojtësve të Veliajt dhe të proceduarve të tjerë, të cilët i kundërshtojnë si të pabazuara në ligj masat e sigurimit personal të caktuara ndaj tyre në Shkallën e Parë. Erion Veliaj u arrestua nga SPAK më 10 shkurt me akuzën e krijimit të një skeme korruptive mes kompanive të bashkëshortes dhe një grupi biznesmenësh pranë tij, me vlerë transaksionesh më shumë se 1 milion euro.

Pas arrestimit, Veliaj sulmoi përmes disa statuseve në “Facebook” prokurorin e çështjes, Olsi Dado dhe gjyqtarin Erion Bani, duke pretenduar për persekutim politik. Po ashtu, gjatë se ancës së vlerësimit të masave së sigurimit, qindra mbështetës të Veliajt protestuan kundër ndalimit të tij. Sipas njoftimeve të atëhershme të Gjykatës së Posaçme të Shkallës së Parë dhe SPAK, protestuesit kishin rrezikuar seriozisht jetën dhe shëndetin e gjyqtarëve, prokurorëve dhe punonjësve të administratave të këtyre institucioneve, kur ata ishin larguar nga puna. Kujtojmë që në masën e “arrestit në burg” ndodhet edhe biznesmeni Elman Adule, ndërsa janë lënë në “detyrim paraqitje” bashkëshortja e Veliajt, Ajola Xoxa dhe pesë biznesmenë, mes të cilëve, Shkëlqim Fusha i kompanisë “Fusha”, Gentian Sula i kompanisë “Agi Kons” dhe Fatmir Bektashi i kompanisë “Kontakt”.

Nën hetim është dhe deputetja socialiste, Klotilda Bushka, njëherazi kryetare e Komisionit të Ligjeve, e cila dyshohet për kryerjen e veprimeve aktive që pengojnë zbulimin e të vërtetës në rastin e çështjes penale në ngarkim të Veliajt dhe të proceduarve të tjerë. Ndaj tyre SPAK ka ngritur disa akuza, ku sipas materialit të gjykatës, mësohet se janë fiksuar disa episode që implikojnë edhe kreun e Bashkisë së Tiranës./Gazeta Panorama

Në tregun e këmbimit valutor shqiptar të ditës së sotme, një dollar do të blihet me 91 lekë dhe do shitet me 92.2 lekë.

Ndërkohë monedha evropiane euro do blihet me 99 lekë dhe do shitet me 99.7 lekë.

Franga zvicerane sot në tregun shqiptar do blihet me 102.8 lekë dhe do shitet me 104.2 lekë.

Ndërsa paundi britanik do blihet me 117.5 lekë dhe do shitet me 118.8 lekë.

Avokati Genc Gjokutaj foli në “Top Story” për sulmet që Erion Veliaj ka bërë për prokurorët e çështjes së tij. Teksa foli për përgjimet, ai u shpreh se kryebashkiaku nuk është naiv, që të flasë pa filtra në telefonat e burgut.

Gjokutaj u shpreh se vendimi për Veliajn duhet të merret nesër, pasi kalimi i afatit të përcaktuar 10 ditor për të dhënë vendimin do të sjellë rrjedhimisht shfuqizimin e masës së arrestit.

“Gjithë kjo që ka ndodhur, duhen kursyer këto minuta, ka të bëjë me një përgjim në burg. Nuk dimë te themi a është përgjime ambientale apo i bërë me telefon në burg. Do të jetë një skandal. Telefonat janë të tillë që edhe te drejtoria e burgut duhet të dorëzosh të paktën 15 numra.

Më mirë të të dëgjojnë në telefon burgu sesa unë edhe ti. Nuk mendoj se është kaq naiv, ose ai mendon se e ka të drejtë kushtetuese edhe të intimidojë. Kjo nuk ka ndodhur asnjëherë përveçse elementëve kriminalë që kanë urdhëruar vrasje nga burgu.

Kanë qenë shumë të tjerë dhe nuk kanë dhënë këto porosi. Të vijmë tek thelbi i çështjes. Tre ditë gjyq, shkalla e parë e mbylli brenda një dite. Përgjimi telefonik kërkon urdhër prokurori.

Pse e shtyu gjyqtari çështjen sot, sipas meje, unë mendoj që sensiviteti i kësaj çështjeje me sjellje dhe përplasje, Erioni është selektiv në këto sulme, sulmon Ols Dadon por jo Dumanin. E ka natyrë intimidimi, në burg nuk është për të treguar sa i fortë është.

Nesër do të merret një vendim gjallë a vdekur, por ka afat 10 ditë, nëse ai e jep në ditën e 11 vendimit masa e arrestit bie, nuk e ka lirinë ta shtyjë”, tha Genc Gjokutaj.