Category: Sport

Djali i tij mund të jetë në formacionin titullar në ndeshjen ndaj Kroacisë. Ukë Hoxha, babai i Arbër Hoxhës, sulmuesit shqiptar të Dinamos së Zagrebit, është parë në rrugët e Hamburgut, në prag të ndeshjes që do të luhet në stadiumin “Volksparkstadion”.

Mediat kroate shkruajnë se Ukë Hoxha dhe disa tifozë shqiptarë janë bërë bashkë me kroatët, duke u fotografuar me flamujt e të dyja shteteve, çka tregon edhe raportet shumë të mira të dy tifozërive.

“Nuk e di nëse Arbëri do të fillojë nga minuta e parë. Kroacia është më e mirë në letër, por ndoshta mund të krijojmë një sensacion. Kush është më i mirë le të fitojë”, tha ai.

Shqipëria dhe Kroacia do të përballen këtë të mërkurë në stadiumin “Volksparkstadion” në Hamburg, ndeshje e vlefshme për grupin B për kampionatin evropian të futbollit, EURO 2024.

Sfida shihet si vendimtare për të dyja ekipet, pasi një fitore, mban gjallë shpresat për kualifikim në fazën e 1/16-ave./abcnews.al

Gazetari Arlind Sadiku është përjashtuar nga ndeshjet e Euro2024, pas një vendimi të fundit të marrë nga UEFA. Mësohet se gazetarit nga Kosova i është ndaluar hyrja në konferenca për media dhe nuk mund të raportojë sot ndeshjen Kroaci-Shqipëri dhe as përballje e ekipeve të tjera për Evropianin.

Shkak për këtë vendim të UEFA-s është bërë gjesti i gazetarit i cili në ndeshjen e Serbi-Angli, bëri shqiponjën pasi në kor serbët po bërtisnin “Kosova është Serbi”.

Ky gjest i Sadikut është parë si provokim nga pala serbe dhe kanë kërkuar që të merret masë.dritare.net

Kompania e specializuar e statistikave Opta ka publikuar së fundmi edhe statistikat për sa i përket parashikimit të duelit Kroaci-Shqipëria që do të zhvillohet ditën e nesërme prej orës 15:00.

Kroacia është favorit i madh për këtë duel, duke mposhtur Shqipërinë në 62.9% të simulimeve para ndeshjes në superkompjuter Opta.

Humbja e Shqipërisë kundër Italisë në ndeshjen e parë ishte humbja e parë që nga marsi 2023, duke i dhënë fund një serie shtatë ndeshjesh të pamposhtur në ndeshje të tilla (4 fitore, 3 barazime).

Kroacia ka humbur tre nga pesë ndeshjet e fundit, po aq humbje sa në 29 ndeshjet e mëparshme.

Pasi të dyja pësuan humbje në hapat e tyre përkatëse të Grupit B, Kroacia dhe Shqipëria do të shpresojnë për një reagim pozitiv kur të përballen në Hamburg për ndeshjen e së mërkurës.

Kjo do të jetë përballja e parë mes Kroacisë dhe Shqipërisë në çdo kompeticion, megjithëse sipas parashikimeve të Opta-s, do të jetë skuadra e Dalic do të festojë fitoren pas rënies së bilbilit të mërkurën. Shqipëria ka fituar vetëm një nga 10 ndeshjet e saj të fundit kur u përball me një kombëtare për herë të parë, duke mundur Ishujt Faroe 3-1 në qershor 2023.

Nedim Bajrami shënoi një gol historik ndaj Italisë, që rezulton më i shpejti në të gjitha Europianet.

Vetëm 23 sekonda i mjaftuan mesfushorit shqiptar për të tundur rrjetën ndaj italianëve, duke çuar peshë zemrat e miliona tifozëve shqiptarë anë e mbanë botës.

Një gol që ishte surprizë për çdo futbolldashës por edhe vetë futbollistët.

Së fundmi një video po bën namin në rrjet ku shfaqet një komentator grek i cili feston sikur të ishte shqiptar apo sikur të kishte shënuar Greqia.

VIDEO:

https://streamin.me/v/b550436c

Duket se humbja me Italinë nuk është i vetmi lajm i keq për Shqipërinë. Sot mësohet se federata jonë po përballet me katër akuza të UEFA-s për një “mesazh provokues” që është shfaqur nga tifozët kuqezi.

UEFA njoftoi se Federata Shqiptare e Futbollit po përballet me procedime disiplinore për mesazhie provokuese, hedhjen e objekteve, përdorimin e fishekzjarrëve dhe ‘futje në fushën e lojës’, në lidhje me tifozin që hyri në fushë.

UEFA nuk e theksoi se për cilin mesazh bëhej fjalë, vetëm se akuza lidhet me “transmetimin e një mesazhi provokues të papërshtatshëm për një ngjarje sportive”.

Me shumë mundësi bëhet fjalë për flamurin e UÇK-së, për të cilin ka pasur penalitete edhe më parë, por duhet bërë e ditur që ai flamur përfaqëson një pjesë të rëndësishme të kombit shqiptar.

Ndonëse Shqipëria nuk mundi të dilte me rezultat pozitiv nga ndeshja debutuese në “Euro 2024” ndaj Italisë, e shtuna e 15 qershorit do të mbahet mend gjatë. Një ditë e shoqëruar me emocione të forta dhe spektakël, duke nisur nga dallga kuqezi që pushtoi rrugët e Dortmundit dhe deri te shou magjik në mbrëmje tribunat e stadiumit “Signal Iduna Park”, me mbi 50 mijë tifozë shqiptarë.

Siç parashikohej, Gjermania “u pushtua” nga mijëra tifozë që vinin nga të gjitha trevat shqiptare, duke krijuar një atmosferë të jashtëzakonshme shumë ora para nisjes së ndeshjes, imazhe që tërhoqën vëmendjen e mediave më të mëdha botërore. Por le të shikojmë disa prej momenteve më të bukura që dhuruan shqiptarët në Dortmund.

Një video që bëri xhiron e rrjetit ishte gjesti i një tifozi shqiptar me makaronat ndaj një grupimi “axurrësh”. Fansi kuqezi mbante në duar një pako me spageti, teksa i theu para italianëve, të cilët madje “u përgjëruan”, duke ulur deri në gjunjë që mos ta bënte diçka të tillë.

Një veprim që konsiderohet si “sakrilegj” për një prej ushqimeve më tradicionale në vendin fqinj. E gjitha ishte në kuadrin sportiv, ndërsa në fund u shoqërua me duartrokitje dhe përqafime, duke dhënë një leksion të vërtetë se si mund të bëhen “talljet” e shëndetshme në botën e sportit, larg dhunës dhe gjuhës së urrejtjes. Ndërkohë duke kaluar në shkallët e tribunave, si zakonisht nuk munguan bukuroshet shqiptare, të cilat shkëlqyen me sharmin e tyre.