Category: Uncategorized

Policia e Dibrës arrestoi një 20-vjeçar të identifikuar si Luiz Dikollari, në kuadër të operacionit të koduar “Inteligjenca”.

Në një njoftim zyrtar thuhet se policia parandaloi një ngjarje të rëndë kriminale, pasi 20-vjeçari qarkullonte me automjet me targa të huaja dhe shasi të dëmtuar, i armatosur me armë zjarri me kallashnikov, i pajisur me doreza dhe një bidon 20 litra me benzinë.

“Strukturat hetimore dhe operacionale të Drejtorisë Vendore të Policisë Dibër dhe të Komisariatit të Policisë Dibër, bazuar në informacionet e siguruara nga inteligjenca policore, për një shtetas që qarkullonte me automjet me targa të huaja dhe i armatosur, dhe dyshohej se do kryente një ngjarje të rëndë kriminale, menjëherë organizuan punën për parandalimin e ngjarjes dhe kapjen e personit.

Në kuadër të operacionit policor të koduar “Inteligjenca” shërbimet operacionale dhe patrullat e Përgjithshme kanë ndaluar automjetin dyshuar tip “Benz”, me targa të huaja që drejtohej nga 20-vjeçari shtetasi L.D., banues në fshatin Brezhdan, Dibër”, njoftoi Policia.

Gjatë kontrollit brenda në automjet, shërbimet e Policisë i gjetën dhe sekuestruan, në cilësinë e provës materiale, një armë zjarri kallashnikov me krëhër e municion luftarak, dhe një bidon me lëndë djegëse benzinë dhe një palë doreza.

Strukturat hetimore në bashkëpunim me Prokurorinë vijojnë hetimet intensive për të bërë zbardhjen dhe dokumentimin ligjor të qëllimit që kishte 20-vjeçari, i cili u arrestua në flagrancë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.

Këngëtarja e njohur Alma Bektashi, edhe pse jo për herë të parë, ka rrëfyer përsëri në një intervistë detaje nga ndarja me ish-burrin ku shkak u bë tradhëtia e këtij të fundit.

Ajo tregon se edhe pse 3 vite nga ndarja, procedurat e divorcit akoma nuk kanë mbaruar.

“Ende nuk ka mbaruar divorci, ishte dëshira ime për vitin e ri që këtë vit të mbaronte por jo,” u shpreh Alma.

Ajo tha se tradhëtia për të është “e patolerueshme” pasi e quan mosrespekt nga ana e partnerit.

Ndërsa u pyet nga moderatorja sesi e përballoi ajo tradhëtinë, këngëtarja u shpreh se në fillim ka menduar se diçka nuk shkonte me të që bashkëshorti e kishte tradhtuar por më pas ka kuptuar se gjithçka ka ardhur si pasojë e mos komunikimit.

“Të vjen çudi, se gjëja e parë që mendon është ku ke gabuar çfarë nuk ka shkuar mirë. Nuk kam dëgjuar në trevat shqiptare për marrëdhënie të shëndetshme mes çifteve. Çiftet këtu tek ne nuk komunikojnë, cohen në mëngjes pinë atë kafen shume shpejt dhe ikin në punë, pastaj jo po po dal me me shokët jo po iki të pi një kafe dhe femra bën gjithçka vetë.”

“Nuk dua të më thuash 50 herë në ditë të dua kur veprat nuk janë askund, ajo fjala të dua është bërë si mirëdita. Kur e thua fjalën të dua ose të dashuroj është shumë fjalë e madhe,” thekson ndër të tjera këngëtarja.

Më pas Alma është pyetur nëse do të dëshironte që te kishin mbetur miq me ish-partnerin por ajo është shprehur se në rastin e saj është e vështirë pasi ish-bashkëshortin ajo e quan narcistoid.

“Në rastin tim është shumë e vështirë të ballafaqohesh me një narsitoid, më një person që do vetëm vetën është shumë e vështirë të kuptohesh,” përfundon ajo në podcast me Mira Kazhanin.

Në një tjetër intervistë disa muaj më parë , Alma Bektashi tregoi se edhe pse kishte pasur dyshime, për atë që po ndodhte, lajmin tamam e kishte mësuar nga portalet.

Ndaj, duke marrë parasysh shkeljen e besimit të ish-bashkëshortit, vendosi që t’i jepte fund martesës së saj.

“Nuk e toleroj mosrespektin, gjërat që nuk janë të shëndetshme në një lidhje. Duke qenë kategorike, 0 tolerancë për tradhtinë kam marrë vendimin. E kam marrë vesh nëpërmjet portaleve. Kisha dyshime, kisha dëgjuar, por nuk u besoj pa i parë gjërat vetë asnjëherë. Është e vështirë kur je profesoreshë, në koncerte, spektakle, edhe në kështu rastesh prej mirëkuptim në mënyrë absolute. Por duke e parë që luhatet në familje besimi, nuk besoj që duhet të fal…Mund të kem edhe kritika nga publiku, por pa kaluar në lëkurën time nuk e kupton,” tha këngëtarja e njohur.

Këngëtarja Alma Bektashi i ka dhënë fund në vitin 2021 martesës me bashkëshortin e saj Sokol Stafa, pas 25 vjetësh martesë, pasi ai nisi një lidhje dashurie me një psikologe 20 vjet më të re.

Asokohe në media thuaj se edhe vetë Alma ishte njohur me këtë aferë 2-vjeçare të bashkëshortit pasi ai dilte hapur në rrjetet sociale të psikologes.

Një aksident i rëndë ka ndodhur në Maliq, ku raportohet për 7 persona të plagosur.

Ngjarja ka ndodhur në afërsi të fshatit Pendavinj, ku sipas policisë raportohet se në aksident janë përfshirë një furgon mallrash dhe një makinë tjetër.

Të plagosurit janë shoferi dhe 3 pasagjerët e furgonit si dhe 3 pasagjerë të tjerë që ndodheshin në makinë.

Policia dhe grupi hetimor shkuan në vendin e ngjarjes dhe po punojnë për zbardhjen e rrethanave të aksidentit.

Njoftimi i policisë:

Maliq/Informacion paraprak

Rreth orës 05:55, në afersi të fshatit Pendavinj, është përplasur automjeti tip “Benz” furgon me drejtues shtetasin I. M., me automjetin tip “Volkswagwn” me drejtues shtetasin B. C.

Si pasojë e aksidentit janë dëmtuar drejtuesi i furgonit dhe 3 pasagjerë në këtë automjet si dhe 3 pasagjerë që udhëtonin me automjetin tip “Volkswagen”, të cilët ndodhen në spital, jashtë rrezikut për jetën.

Grupi hetimor ndodhet në vendngjarje dhe po punon për zbardhjen e rrethanave dhe shkakut të aksidentit.

Livia Brunga, e ftuar në Goca dhe Gra, ka zbuluar detaje nga marrëdhënia e saj me ish-konkurrentin e Për’puthen, Mevlan Shaba.

Livia tregoi ‘live’ mesazhet mes saj dhe Mevlanit, ndërsa tha se nuk e meritonte këtë gjë.

Ndër të tjera ajo tha “I kam të gjitha të faktuara, pasi kemi qenë në kontakt. Kam mesazhe.

Nëse doni mund t’i tregoj. Kam dhënë një deklaratë aq të fortë sa kam mundësi ta mbroj. Më tha ‘do vish në Tiranë të takohemi?’. Kur u ktheva nga Italia u takuam.

Ishte ora 01:30, i ra telefoni dhe tha që ishte mami. Nuk përgjigjet fillimisht. E hapi dhe tha ‘je me të vjella? Do vij në shtëpi’. Më pas e lidha unë ‘kush është me të vjella’.

Nuk jam unë një gocë për tu tallur. Kush është Mevlan Shaba. Që më merr në videocall dhe më thotë që më do. Jam e nxehur. Nuk e meritoja këtë.

Mendoj që ishte i sinqertë të dashuri, nuk i leverdiste të kthehej tek unë edhe kur ishte larg. Më thoshte ‘të dua, kam për të dashur gjithë jetën’.

Pas këtij rrëfimi, më kanë shkruar shumë vajza që ky njeri ka ngacmuar edhe vajza të tjera ndërkohë. Unë sot kam shpëtuar. Meritoj sinqeritet, siç kam qenë gjithmonë.

Unë mezi ushqehem, nuk ndihem mirë”.

Fshati Dardhë, i vendosur në shpatet malore të Moravës, në Korçë, është një nga destinacionet më të preferuara për turistët, veçanërisht gjatës stinës së dimrit.

Ndryshimi i motit, ka sjellë edhe reshjet e para të dëborës në zonë, duke ofruar pamje mbresëlënëse të peizazhit dimëror.

Kryeministri Edi Rama ka ndarë në rrjetet sociale pamje nga fshati Dardhë, i mbuluar nga dëbora.

“Mirëmëngjesi nga Dardha!”- shkruan kreu i qeverisë.

Më të veçantë këtë fshat turistik e bën edhe pista e skive, e cila kryesisht gjatë fundjavave në stinën e dimrit kthehet në një prej atraksioneve kryesore për turistët vendas e të huaj.

Shtëpitë karakteristike të gurit me çati prej rrasash krijojnë një atmosferë të ngrohtë dhe autentike. Shumë prej tyre janë kthyer në bujtina për turistët.

Dardha ofron një klimë ideale, ajër të pastër të pasur me oksigjen, gjë që e bën një prej destinacioneve të preferuar gjatë gjithë vitit.

Egla Ceno ka rrëfyer mes lotësh mallin për të atin, Agim Cenon, që u nda nga jeta vite më parë.

E ftuar në “S’e luan topi”, e përlotur, aktorja tregon lidhjen e fortë që ata kanë pasur dhe momentet e frikshme kur ai pësoi hemorragji cerebrale.

“Ka qenë një njeri gjakëmbël. Këtë nuk ma ka trashëguar, për fat të keq. Mblidheshin pas tij shumë njerëz, kaçurrel si puna ime. Kisha një stol ku shihja filma dhe kur atij i mungonte asistenti, asistenti i tij isha unë, ngrija një pulsant dhe filmi nuk ndërpritej.

Ecnim nga Poliçani deri në Peshtan te gjyshja, ecnim rreth dy orë larg në këmbë, mblidhnim lule, bënim kurora. Para pak ditësh takova mamin andej dhe…(qan) më ka marrë malli. Ka vdekur aq vjeç sa jam unë sot.

Mami më thotë që duart i kam si babi dhe kaçurrelat. Jam krenare që i kam ngjarë. Sa kisha mbushur 18 vjeçe, kur ndërroi jetë. Më merrte kudo me vete, në kinostudio dhe dasma, në kinema sigurisht, në shfaqje…

Më dha atë që mund të më jepte, nëse më bie rasti trashëgoj një këshillë nga im atë që më thoshte ‘bëj çfarë të dojë zemra, por kur të ikësh mos të thonë ja kjo’ dhe një gjë tjetër që nuk e kam kuptuar deri vonë, më thoshte ‘çdo ves mund të falet, ama vjedhja është mama i gjithë veseve.

Unë isha gjimaziste, ai dilte çdo mëngjes pinte kafe te një lokal afër kinoteatrit. Dy raste më janë fiksuar në kokë me babin, ditën kur i ra hemorragjia cerebrale, kam kërkuar për të dalë jashtë nga ora e mësimit, ndjeja ankth. U afrova te lokali dhe një shok i babit më merr dhe më afron te lokali ku ishte babi. Shoh tim atë. Vjen ambulanca dhe e transferon në Berat, aty ka ndenjur 14 ditë.

Gjetëm një makinë u nisëm dhe e kam takuar, nuk fliste ishte paralizuar gjysma e tij e djathtë. I thashë se do të sjell dhe çunat, diçka u mundua të thoshte, por nuk e bëri dot. Ika në shtëpi atë mbrëmje dhe ditën tjetër e sollën pa jetë.

Më ka ngelur peng që nuk arriti të jetojë. Unë e gëzoj çdo ditë, kam energji të madhe, e di që dhe ai do ishte kështu. Nuk mundi të bëjë shumë gjëra. Më vjen keq për të”, tha Egla në rrëfimin e saj.

Dita e diel për territorin shqiptar do të sjellë një rritje të ndjeshme të temperaturave të ajrit, duke bërë që vlerat minimale të qyteteve të zonave malore të njgiten në 0 apo -1 gradë celcius, ndërsa në ultësirën perëndimore, pritet që temperaturat e ajrit të jenë luhatur nga 6-12 gradë celcuis në vijën bregdetare.

Mesdita do të sjellë një tjetër rritje të temperaturave të ajrit, me të paktën 2 gradë celcius, duke bërë që maksimumet të luhaten rreth vlerës 19 gradë celcuis në qytetet e zonës e ulët.

Sa i përket kushteve atmosferike, edhe dita e diel mbetet në mbizotërimin e motit të qëndrueshëm, duke bërë që ne të kemi intervale të gjata me diell, ndërsa pasditja sjell kalime të shpeshta të vranësirave në të gjithë territorin, por nuk pritet të krijojë mundësi për reshjet.

Ky është momenti i arrestimit të 10 personave të dyshuar si trafikantë droge, dhe grup i strukturuar kriminal, të cilët nga një hetim një vjeçar i SPAK rezultojnë se bënë gati infrastrukturën për të përpunuar një ngarkesë të madhe kokaine e sjellë nga Amerika Latine.

Në total SPAK deklaron se sekuestroi 48 tonë, të tretur në 850 lëkurë të kriposura që ishin importuar në Shqipëri. Për ta nxjerrë përmbajtjen narkotike nga lëkurë e gjethëve udhëtuan drejt kryeqytetit shqiptar 3 shtetas të huaj, dhe konkretisht kolumbiani Hiulen Narvarez, Joze Vasquez dhe Samuel Serrano nga Venezuela.

Se sa është ngarkesa e kokainës pritet të llogaritet nga ekspertët e hetimit, ndërsa në investigimin penal bashkë me SPAK u përfshinë edhe agjencitë e huaja mes tyre edhe DEA.

Hetimi i narkotrafikut u kryesua nga prokurori Adnan Xholi, ndërsa zyrtarisht thuhet se u bllokuan edhe gati 6 kilogramë kokainë dhe përzierës që do të shërbenin për procesin. Grupi i identifikuar mes tyre financues dhe me role të qarta në trafik përbëhet nga Geis Fejsullai, Klajd Birce, Albi Zonja, Artion Caushllari, Endi Sejdini, Ismail Abdurramani dhe Baki Huqi.

Ata hapën një kompani për futjen e lëkurëve të gjethëve, duke e regjistruar në emër të një shtetasi që rezulton i paimplikuar në trafik dhe përmes saj futën ngarkesat, të cilat u shpërndanë në dy pika, njëra pak kilometra larg Tiranës.

SPAK e konsideron nivelin e bashkëpunimit me trafikantët e huaj që do të kryenin ekstratimin e kokainës të një niveli të lartë organizimi që do të realizohej me një teknologji të avancuar. Ndërkohë që vendosja e laboratorëve në afërsi të aeroportit dhe të portit të Durrësit u krye me qëllim transportin e shpejtë të kokainës.

Mes provave të sekuestruara numërohen edhe dhe 57 milionë peso kolumbianë dhe 36 mijë euro. Ndërsa SPAK e ka të qartë se rolet e të dyshuarve ishin të ndara duke përfshirë financimin, transportin nga vendet e Amerikës Latine, përpunimin dhe futjen në tregjet e Evropës./top channel

Gazetari dhe analisti Lorenc Vangjeli i ftuar në “Goca dhe Gra” ka sqaruar deklaratën e tij të disa ditëve më parë, ku është shprehur se ‘të sëmurët me kancer janë të dënuar nga Zoti’.

Vangjeli kërkoi ndjesë publike për këdo që është prekur nga fjalia, e cila sipas tij është nxjerrë nga konteksti.

“Ndjesë, me përulësinë më të thellë për këdo, për gjithçka që ka kuptuar krejt tjetër gjë nga ajo që kam thënë. Ndjesë për çdo vuajtje që mund të ketë sjellë. Është e nxjerrë jashtë kontekstit.

Si qenie njerëzore jemi të dënuar me vdekje, mes nesh dhe Perëndisë qëndron doktori. Pra jemi të gjithë të dënuar me vdekje, kushdo që lind e ka të shkruar në faturën e tij atë çfarë do ndodhi më pas”, u shpreh analisti.

Ishte kjo një lloj forme për të hequr vëmendjen nga Onkologjiku?

Vangjeli: Krijoi mundësi për vëmendje më të shtuar edhe për Onkologjinun dhe sistemin e shëndetësisë. Shpresoj të ndodhë kështu. Nëse do jetë një detaj më shumë, për të detyrar 140 gra dhe burra në parlament që të thonë ‘po, shëndetësia ka më shumë nevojë për ndihmë’.

Pse u shprehët ashtu?

Vangjeli: E kam sqaruar disa herë, ishte një fjali e gjatë, e cila u ndërpre.

Nëse do ta riformulonit çfarë do thonit?

Vangjeli: Si qenie njerëzore jemi të dënuar me vdekje, këtë persona me sëmundje të rëndë kanë më nevojë për shumë më tepër empati nga shoqëri, për shumë mbështetje nga shteti. Ky është mendimi im, aq më tepër këta njerëz, bëhet fjalë për një rreth familjar, për të mirën e përgjithshme. Kërkoj ndjesë, në këtë botën tonë të ndërlikuar gjuajmë me gur edhe aty ku s’duhet.

I keni ndjekur reagimet në rrjetet sociale?

Vangjeli: Nuk i ndjek, por ndjeva zhurmën e madhe të krijuar.

Dashi
Të lindurit e kësaj shenje do të ndihen në humor të mirë thuaj gjatë gjithë ditës. Do të keni një ditë të mbushur plot aktivitete. Bëni plan që sot të organizoni një mbrëmje me miq. Do të argëtoheni dhe do të qeshni pafund.

Demi
Meditimi do të ishte çelsi i një dite të qetë për këtë të diel. Do të përpiqeni të largoni mendjen nga problemet me të cilat mund të jeni përballur gjatë kësaj jave. Shëtitja në natyrë do të ishte gjithashtu një zgjidhje shumë e mire.Binjakët
Krijimtaria juaj është në kulmet e saj edhe pse mund të mos e keni vënë re për shkak të punës apo gjërave të përditshme që ju zënë shumë kohë. Ka gjasa të gjeni frymëzimin e duhur për t’u marrë me art.

Gaforrja
Bëni kujdes ditën e sotme dhe mos u përqëndroni në detaje të parëndësishme. Ndryshoni mënyrën e të menduarit sepse nuk po ju lejon të ecni përpara. Nëse keni ndërmend të kritikoni dikë, nuk është dita e duhur.

Luani
Sot do të ndiheni sikur jeni mbi re.. Mundohuni të relaksoheni dhe të argëtoheni. Aspekti sentimental paraqitet në formë shumë pozitive. Me paratë gjërat po shkojnë shumë mirë.

Virgjëresha
Sot ka gjasa të komunikoni me dikë me të cilin nuk keni folur prej kohësh. Do të ndjeni shumë nostalgji për kohët e mëparshme kur ishit më të qetë dhe miqtë tuaj ishin pranë jush. Sa i përket marrëdhënies në çift, do të jetë një ditë e qetë.

Peshorja
Mundohuni të tregoheni më të durueshëm dhe të dashur me të afermit tuaj sot. Nëse jeni prindër, ka gjasa që fëmijët tuaj të kenë nevojë për më shumë vëmendje dhe siguri të veçantë që vetëm ju mund t’ia ofroni.

Akrepi
Intuita juaj do tju ndihmoje te kuptoni mire shpresat dhe endrrat e te tjereve. Sidoqoftë, kjo mund të jetë pak e ndërlikuar në një situatë sociale. Mos u ndalni shumë te mendimet e të tjerëve.

Shigjetari
Ju e dini mirë se mund të mbështeteni te të gjithë miqtë tuaj në rast nevoje. Kjo nuk është koha që të ndiheni në siklet apo të ngurroni të kërkoni ndihmë. Mos e mendoni veten si një barrë për të tjerët.

Bricjapi
Dita e sotme do të jetë një ditë për të mos u humbur. Nëse dikush ju ka lënduar ose zhgënjyer, bëni mirë ta falni dhe të ecni përpara, pasi nëse do të mbani mëri, nuk do të jetë aspak në favorin tuaj.

Ujori
Nëse po përgatiteni të merrni një vendimi të rëndësishëm në jetën tuaj personale, përpiquni ta shtyni atë për një moment tjetër. Nëse doni të jeni të sigurt që të merrni atë që dëshironi, duhet të prisni edhe pak.

Peshqit
Ngjarjet e kësaj dite mund të krijojnë shumë pasiguri në të ardhmen tuaj të afërt, por mos e prishni qetësinë. Mos jini tepër konservator në të menduarit tuaj dhe respektoni njerëzit që bëjnë zgjedhje që janë shumë të ndryshme nga ju./bw