Category: Uncategorized

  • I nxorri ‘bojën’ Mevlanit pas lajmit që do bëhet baba, Livias i ndodh e ‘papritura’(Foto)

    I nxorri ‘bojën’ Mevlanit pas lajmit që do bëhet baba, Livias i ndodh e ‘papritura’(Foto)

    Mbrëmjen e djeshme, Mevlan Shaba përjetoi një moment tejet të veçantë, pasi partnerja e tij e surprizoi me lajmin se shumë shpejt do të bëhet baba. Pak pas këtij lajmi, ish-e dashura e tij, Livia, bëri një deklaratë ku zbuloi se vetëm një ditë para hyrjes së tij në “Big Brother VIP Kosova,” Mevlani kishte ndarë me të se ende kishte ndjenja për të. Deklarata e saj u komentua shumë në rrjet.

    Livia dhe Mevlani janë dy personazhet më të komentuara orët e fundit. Bukuroshja shkodrane tha se shpëtoi nga Mevlani pasi e zbuloi se ai po bëhet baba.

    Por pas kësaj deklarate asaj iu shtuan afro 10 mijë ndjekës në Instagram. A është e vetmja Livia që ia sheh hajrin edhe tradhëtis?!

  • Bekim Balaj tërhiqet nga Kombëtarja shqiptare, FSH: Më shumë se 10 vite kuqezi. Faleminderit

    Bekim Balaj tërhiqet nga Kombëtarja shqiptare, FSH: Më shumë se 10 vite kuqezi. Faleminderit

    Bekim Balaj ka vendosur të tërhiqet nga Kombëtarja shqiptare.

    Federata Shqiptare e Futbollit, ka njoftuar se sulmuesi ia ka komunikuar vendimin trajnerit Silvinjo dhe stafit teknik.

    Mesazhi:

    Më shumë se 10 vite kuqezi, 48 ndeshje të luajtura, 9 gola të shënuar, i pari i veçantë për mënyrën e realizimit dhe rëndësinë që pati, në fitoren e parë në histori me Portugalinë.

    Bekim Balaj ka vendosur të tërhiqet nga Kombëtarja dhe Federata e Futbollit e falënderon për gjithçka që sulmuesi ka dhënë në fushën e lojës, duke nisur nga kombëtaret e moshave te Kombëtarja A. Faleminderit Bekim!

  • Qeni i shfaqur nga hiçi, shpëton alpinistin e humbur në 5000 metra mbi nivelin e detit

    Qeni i shfaqur nga hiçi, shpëton alpinistin e humbur në 5000 metra mbi nivelin e detit

    Në zemër të maleve peruane, mes borës dhe heshtjes së lartësive, një i ri anglez që e donte gjuhën spanjolle dhe që njihej në rrjetet sociale si “El guero ingles” (“biondi i vogël anglez”) jetoi një aventurë unike, i shoqëruar nga një shoqërues i pazakontë dhe i jashtëzakonshëm, një qen endacak, i cili u shfaq nga hiçi për ta shpëtuar, sipas lastampa.it.

    Gjatë një ekspedite në Santa Cruz, pranë qytetit të Huarazit, i riu shpresonte të arrinte në vendkalimin sugjestionues të Punta Unionit, 4 750 metra mbi nivelin e detit.

    Rruga nuk ishte e lehtë, pasi dëbora, i ftohti dhe një mjegull e dendur e bënë ngjitjen edhe më të ndërlikuar. Në ditën e dytë të ecjes, pasi kishte parakaluar anëtarët e tjerë të grupit, ai u gjend plotësisht i vetëm, në mëshirën e pasigurisë se cili ishte drejtimi i duhur për të ndjekur.

    Pikërisht në atë moment konfuzioni, si një lloj vegimi, nga mjegulla u shfaq një qen, duke u afruar me një mënyrë miqësore dhe duke tundur bishtin. Mosbesimi i të riut anglez ishte i madh, si mund të ishte një qen atje, në mes të askundit dhe kaq lart? Çuditërisht, kafsha dukej se e dinte rrugën dhe nuk tregoi asnjë shenjë se ishte e humbur.

    Në atë moment, biondi anglez kuptoi se e vetmja gjë për të bërë ishte të mbështetej në instinktet e ”mikut” të tij të ri dhe të ndiqte ”udhërrëfyesin” e tij të heshtur.

    “Vendosa t’i besoj njohurive të tij për malet”, tha ai.

    Qeni, i shpejtë dhe i vendosur, ecte me shpejtësi përgjatë rrugës, pothuajse sikur të ishte mësuar me ato vende. Herë pas here, silueta e “udhërrëfyesit të tij me katër këmbë” humbiste në mjegull dhe më pas shfaqej sërish, sikur priste që alpinisti ta arrinte.

    Në fund, rruga i çoi të dy te tabela që tregonte Punta Unionin: i riu kishte humbur, por ”shoku” i tij i ri me gëzof kishte gjetur rrugën për në majë për të. Pasi arriti në vijën e finishit, qeni ndaloi pranë biondit, si një shoqërues i vërtetë aventure, duke pritur në heshtje që të mbërrinin edhe alpinistët e tjerë.

    Për për habinë e madhe të të gjithëve, gjetën një qen tjetër që i priste të nesërmen dhe dy qentë vazhduan me alpinistët 22 kilometra të tjera, duke u dhënë atyre pak qetësi dhe siguri gjatë rrugëtimit të vështirë.

    Në mbrëmje, ata flinin pranë çadrave, si dy roje besnike që ruanin miqtë e tyre të rinj.

    Ditën e fundit, para përfundimit të rrugës, biondi anglez kuptoi që qentë ishin zhdukur. Nuk mund ta besonte që shoqëruesi i tij ishte larguar kështu, pa një lamtumirë të fundit. Por, kur arriti në fund të shtegut, pikërisht pranë një kafeneje të vogël, e gjeti shokun e tij me katër këmbë të ulur, i qetë dhe sikur priste një vështrim të fundit.

    Një banor vendas i shpjegoi alpinistit se ata qen jetonin në fshatrat e zonës dhe e kishin zakon të ndiqnin turistët gjatë shëtitjeve të tyre, thuajse sikur të ishin udhërrëfyes të trajnuar.

    Por, për anglezin ai qen nuk kishte qenë thjesht një kafshë endacake që kërkonte shoqëri, por një shoqërues i vërtetë, një kujdestar i heshtur që e kishte bërë aventurën e tij peruane të paharrueshme.

  • E tmerrshme/ Zbulohet rasti i rëndë i in*cestit, babai abu*zonte prej një viti me të bijën 14-vjeçare

    E tmerrshme/ Zbulohet rasti i rëndë i in*cestit, babai abu*zonte prej një viti me të bijën 14-vjeçare

    Një rast i rëndë incesti është zbuluar në Maqedoninë e Veriut, teksa një 59-vjeçar ka rënë në prangat e policisë. Në “Shqipëria Live”, gazetari Nevrij Ademi raportoi nga Shkupi se abuzimi ka nisur që prej qershorit të vitit 2023, deri në gusht të këtij viti.

    “Është një rast i rëndë incesti. Një 59-vjeçar nga Shkupi akuzohet se ka përdhunuar vajzën e tij të mitur 14-vjeçare prej qershorit të vitit 2023 deri në gusht të këtij viti. Vajza është dërguar në spital për të marrë ndihmën mjekësore, teksa dyshohet se edhe familjarë të tjerë janë të përfshirë në këtë ngjarje, pasi kanë qenë në dijeni të abuzimit.

    Ky nuk është i vetmi rast. Janë shumë raste të rënda që ne po përballemi. Më herët kemi raportuar se një 60-vjeçar ka tentuar të abuzojë një djalë të mitur në parkun e shkollës. Sa i përket rastit të parë, pikëpyetje ka për nënë, teksa nuk dihet se ku ajo ndodhet apo nëse ka qenë ajo që e ka denoncuar ngjarjen. Nuk dihet nëse babai ka jetuar vetëm me vajzën. Nuk ka asnjë detaj mbi jetën e familjes. Babai është arrestuar menjëherë sapo u provua abuzimi.”- tha gazetari.

  • “Iu ankua Presidentit turk se ka zyrën e vogël”- Bardhi akuza Begajt: U ndjeva i turpëruar! Shkarkoi Ambasadorin se nuk i vuri në dispozicion eskortë për të takuar fëmijët e tij!

    “Iu ankua Presidentit turk se ka zyrën e vogël”- Bardhi akuza Begajt: U ndjeva i turpëruar! Shkarkoi Ambasadorin se nuk i vuri në dispozicion eskortë për të takuar fëmijët e tij!

    Kreu i Grupit të PD-së, Gazment Bardhi ka hedhur akuza ndaj Presidentit Bajram Begaj se ka shkarkuar ambasadorin shqiptar në Gjermani, pasi sipas tij, nuk i vendosi në dispozicion eskortë për të takuar fëmijët e tij, të cilët jetojnë jashtë vendit.

    “Presidenti shkarkoi një nga diplomatët më të mirë të karrierës që ka pasur Shqipëria, ambasadorin tonë në Gjermani sepse nuk i vuri në dispozicion eskortë dhe makinë, që të shkonte Presidenti në komoditet për të takuar fëmijët e tij që jetonin në një vend tjetër, e shkarkoi ambasadorin në Gjermani”, tha Bardhi tek Komisioni i Ligjeve ku u diskutua pr.buxheti 2025.

    Kreu i Grupit të PD-së deklaroi se Kreu i Shtetit madje “iu acaruan shumë nervat nga ambasadori saqë vrau dorën dhe mori dhe nja 6 mln apo 60 mln se nuk e di a ishin të reja apo të vjetra, që të kurohej. Në vend që paratë të shkonin tek të sëmurët, buxheti i shtetit financoi rregullimin e dorës së Presidentit”, thekosi Bardhi.

    Gjithashtu ai komentoi edhe deklaratën e Kreut të Shtetit, Bajram Begaj gjatë takimit në Presidencë me homologun turk, Erdogan, ku iu “ankua” për zyrën e vogël.

    “Jam ndjerë i turpëruar, që ne presim një Presidenti të një vendi mik, Presidenti turk dhe çdo shqiptar tallet me presidentit e vendit të vet që në vend ti urojë mirëseardhjen presidentit mik i ankohet që ka zyrën e vogël”, theksoi ai.

    Gazment Bardhi: Nuk kam asgjë me stafin teknik të Presidencës, i uroj suksese sekretares së Përgjithshme, në mos gaboj Presidenti ka ndërruar nja 4 sekretarë, nuk e di pse e bën këtë. Uroj që ju të jeni më afatgjatë në detyrë dhe këtë e kam në mënyrë krejt të sinqertë.

    Nuk u habita nga kërkesat buxhetore të Presidentit pasi mesa kam kuptuar është në detyrë për rehati, kërkon automjet, një zyrë më komode, një kolltuk më të rehatshëm, nuk di se çfarë ka kërkuar tjetër. Uroj të mos hapë dhe ndonjë sallon bukurie në Presidencë, që ti bëjmë gati nga këtu dhe të mos kemi mundësi ti marrim jashtë në vizita zyrtare.

    Sikundër nuk e di se çfarë të dhënash administron Presidenti i Republikës që çdo vit që vjen këtu kërkon fonde për servera. Ka qenë e njëjta kërkesë edhe vitin tjetër, ne ia dhamë. Nuk e di të dhënat e çfarë ruan presidenti.

    Secili prej jush ka qenë në Presidencë, kam qenë disa herë në Presidenca të Presidentëve të ndryshëm dhe nuk më rezulton që godina e Presidencës të ketë ndonjë problematike të madhe që të kërkohen fonde për të rikonstruktuar godinën.

    Sikundër nuk di se me çfarë automjeti lëviz Presidenti që do një automjet të ri por të jem i vërtetë nuk ka ndodhur kurrë asnjë President as për të kërkuar kolltuk e as për të kërkuar automjet, ky është i pari që e bën dhe nuk habitem fare. Qëndrimi im për Presidenti im është publik, për mënyrën se si ushtron detyrën. Përpara se të kërkojë automjet e kolltuk, automjet, karrige, parukeri brenda Presidencës, të luajë rolin e tij si kryetar i shtetit.

    Dua të bëj të qartë se nuk e ka luajtur asnjë dittë rolin që kur është ulur në atë karrige, madje është dhënë disa herë shansi të ngrihet në lartësinë e Kreut të Shtetit pavarësisht se kush e ka emëruar në detyrë dhe nuk ka guxuar ta bëjë asnjëherë. Madje ne i kërkojmë të japë shembullin se si nuk jep mesazhin e ndasisë politike.

    Presidenti shkarkoi një nga diplomatët më të mirë të karrierës që ka pasur Shqipëria, ambasadorin tonë në Gjermani sepse nuk i vuri në dispozicion eskortë dhe makinë, që të shkonte Presidenti në komoditet për të takuar fëmijët e tij që jetonin në një vend tjetër, e shkarkoi ambasadorin në Gjermani. Ndërkohë që për aktivitete të ambasadorëve që marrin pjesën ë aktivitete politike të PS nuk flet asnjë fjalë, e vetmja fjalë që thotë është që ‘dua kolltuk të ri’. Madje në atë histori zonja kryetare, Presidentit ngaqë iu acaruan shumë nervat nga ambasadori që më pas e shkarkoi se nuk i vuri në dispozicion makinë komode, vrau dorën dhe mori dhe nja 6 mln apo 60 mln se nuk e di a ishin të reja apo të vjetra, që të kurohej. Në vend që paratë të shkonin tek të sëmurët, buxheti i shtetit financoi rregullimin e dorës së Presidentit.

    Jam ndjerë i turpëruar, që ne presim një Presidenti të një vendi mik, Presidenti turk dhe çdo shqiptar tallet me presidentit e vendit të vet që në vend ti urojë mirëseardhjen presidentit mik i ankohet që ka zyrën e vogël.

    Nuk di që Presidenti bën batuta, aq më tepër në raporte institucionale.

  • “Si ndihesh, a je e…”/ Zbardhen mesazhet që mësuesi ped*fil i dërgoi nxënëses 14-vjeçare në Korçë

    “Si ndihesh, a je e…”/ Zbardhen mesazhet që mësuesi ped*fil i dërgoi nxënëses 14-vjeçare në Korçë

    Bledar Duro, një mësues në shkollën 9-vjeçare “Sotir Gura” në qytetin e Korçës është arrestuar nga policia në qytetin juglindor dhe pezulluar nga detyra, pasi akuzohet nga dy nxënëse 14 vjeçare të kësaj shkolle se i ka ngacmuar seksualisht. Vajzat e akuzojnë mësuesin e tyre se ka përdorur aplikacionin “Whatsapp” për t’i ngacmuar.

    Burime nga drejtoria rajonale e arsimit parauniversitar në Korçë bëjnë me dije se Duro, mësues i arteve pamore pranë kësaj drejtorie është pezulluar nga detyra. Bisedat e mësuesit me nxënëset kanë nisur para një muaji. Mesazhi që ka komprementuar mësuesin është ai që i ka dërguar 14-vjeçares me tekstin: “Si ndihesh, a je eksituar”. Ky mesazh duket se është prova më e fortë që prokuroria ka në dorë.

    Mësuesi i arteve pamore sipas oficerëve të policisë gjyqësore i kishte fshirë të gjitha mesazhet e komunikimit ndërkohë që vajza që ka denoncuar rastin i kishte ruajtur. Me këto mesazhe ajo së bashku me njërin nga prindërit ka takuar psikologen e shkollës, e cila ia ka bërë gjithçka të ditur titullares se shkollës e me pas është lajmëruar policia, e cila ka kryer dhe arrestimin e tij. Grupi hetimor ka sekuestruar telefonin e 41 vjecarit për të rikthyer edhe njëherë tjetër bisedat që mësuesi Bledar Duro ka kryer me dy nxënëset e ngacmuara prej tij.

  • Andresa na prezanton për herë të parë me djalin e saj

    Andresa na prezanton për herë të parë me djalin e saj

    Andresa Ambrosio është rikthyer pas 2 vitesh në studion e “Rudina” në Tv Klan, por kësaj here jo vetëm. Ajo është shfaqur për herë të parë së bashku me djalin e saj, Rafaelin.

    Lidhja e saj e dashurisë gati 13-vjeçare me avokatin italian Mirko, u bekua para dy viteve me një fëmijë.

    Rudina Magjistari: Jeni në Shqipëri apo keni lëvizur me Mirkon në Itali?

    Andresa Ambrosio: Pak në Brazil, pak në Itali, sepse ka babain dhe familjen Mirko dhe pak këtu. Një muaj këtu e një muaj andej.

    Rudina Magjistari: Po tre vende shumë të bukura. Ndërkohë që Rafaeli kënaqet duke parë veten e vet mesa shikoj në ekran dhe duket që po i pëlqen. Është hera e parë që del në televizor apo jo?

    Andresa Ambrosio: Fiks, fiks në program është hera e parë.

    Rudina Magjistari: Po dhe do e ketë kujtim.

  • Dhjetori po vjen/ Producentja e ‘Big Brother Vip Albania’ publikon pamjet për herë të parë, si do duket shtëpia e BBV4

    Dhjetori po vjen/ Producentja e ‘Big Brother Vip Albania’ publikon pamjet për herë të parë, si do duket shtëpia e BBV4

    Dhjetori është shumë afër dhe të gjithë po presin që shtëpia më e famshme në Shqipëri e “Big Brother VIP Albania 4”, të ndezë dritat. Producentja e Big Brother VIP Albania, Sara Hoxha ka ndarë për herë të parë një pjesëz të shtëpisë, e cila do të kthehet në “shtëpinë e dytë” të shqiptarëve për shumë muaj.

    Sikurse duket në pamje, bëhet fjalë për oborrin e shtëpisë, i cili duket krejtësisht ndryshe nga ai i edicioneve të kaluara. Sesi do të jetë e projektuar shtëpia e BBV4 këtë vit dhe se cilët do të jenë banorët VIP që do të ndiqen 24/24 në dy kanalet e dedikuara të Digitalb, na mbetet të presim.

    Vitin e shkuar, risia ishte numri i madh i banorëve dhe shtëpia tërësisht e re, ku Top Channel bëri një investim kolosal në të gjithë elementët, përfshirë teknologjinë. Ajo që dihet, është se ky Big Brother i thyerjeve të rekordeve po vjen më shpejt sesa e prisni, dhe deri atëherë, aludoni se cilët do të jenë banorët…

  • “Mirëmbrëma yje”/ Kush “janë ‘Vipat’ e ftuar dhe data e nisjes, detaje nga emisioni i ri i Arbana Osmanit

    “Mirëmbrëma yje”/ Kush “janë ‘Vipat’ e ftuar dhe data e nisjes, detaje nga emisioni i ri i Arbana Osmanit

    Më në fund Arbana Osmani rikthehet me një emision të ri që do të transmetohet ekskluzivisht në kanalin e saj në YouTube. Emisioni, i titulluar “Mirëmbrëma yje”, do të shfaqë intervista dhe momente të veçanta me disa nga emrat më të njohur të artit dhe ekranit shqiptar. Ishte vetë Arbana ajo që njoftoi se premiera e episodit të parë do të jetë këtë të enjte në orën 20:00, duke surprizuar ndjekësit e saj, të cilët prisnin një nisje më të vonshme.

    Por cilët do të jenë të ftuarit specialë të këtij sezoni? Në videon promo të publikuar, shfaqen disa nga figurat më të dashura për publikun, si Olta Gixhari, Arian Çani, Xhensila Myrtezaj, Alketa Vejsiu, Ledri Vula, Alban Skënderaj, Ylli Limani, Eno Popi, Xhemi Shehu, Ermal Mamaqi, Adriana Matoshi, Fadil Berisha, Emina Cunmulaj dhe të tjerë. Fansat e Arbanës janë entuziastë për këtë rikthim dhe presin me padurim premierën e “Mirëmbrëma yje”.

  • Gjendet e pajetë në banesën e saj një e moshuar, ja çfarë dyshohet

    Gjendet e pajetë në banesën e saj një e moshuar, ja çfarë dyshohet

    Një e moshuar është gjetur e vdekur në banesën e saj në fshatin Dragostunjë në Elbasan. Mësohet se ajo vuante nga disa sëmundje dhe shkaqet mund të kenë qenë natyrale.

    “Më datë 12.11.2024, në fshatin Dragostunjë, ka humbur jetën në banesën e saj, shtetasja 77 vjeçe, dyshohet për shkaqe natyrale, pasi vuante nga disa sëmundje”, thuhet në njoftimin e policisë.