“Çdo shkollë duhet të ketë fermën e vet”- Rama: Fëmijëve të mos u duket sikur edhe domatet ua sjell TikTok-u! S’njohin kush është qeni e kush është delja

Kryeministri Edi Rama është shprehur se në çdo shkollë duhet të futet programi i fermave në mënyrë që fëmijët të jenë në kontakt me natyrën.

Rama u shpreh se çdo shkollë duhet të ketë parcelën e vet që fëmijëve të mos t’iu duket sikur edhe domatet ua sjell TikTok.

Kryeministri theksoi se ka që të mos njohin dot kush është qen dhe kush është dele.

Edi Rama: Kam qenë shumë partizan i programit të fermës së shkollës.

Çdo shkollë duhet të ketë fermën e vet, parcelën e vet që fëmijët të mos humbin farë kontaktin, mos t’iu duket sikur edhe domatet ua sjell TikTok, por ta dinë si mbillen, dalin. Është komplet e pabesueshme që të mos njohin dot kush është qen e kush është dele.

Kur shkuam në një panair në shesh me kafshët të organizuar nga bashkia Tiranë, ishin nja dy kalamaj dhe njëri i thoshte mamasë e babait ‘pse është ashtu ai qeni, ishte dash’. Nuk kanë lidhje me natyrën, i shohin dhe qenin e dashin si njerëz të TikTok që flasin.