Policia e Tiranës ka nisur së fundmi hetimet për dy raste të lëndimit të të miturve në kopësht dhe në çerdhe.
Advertisements
Në një njoftim për mediat, bëhet e ditur se prindërit kanë denoncuar se një i mitur 4-vjeç, është dëmtuar duke luajtuar me një bashkëmoshatar, në një kopsht në rrugën “Peti”.
Po ashtu një vajzë 2-vjeçare që frekuenton një çerdhe në rrugën “Dalip Zavalani” është paraqitur në spital, e dëmtuar në pjesën e krahut.
Advertisements
Efektivët e Policisë kanë sekuestruar pamjet filmike të çerdhes që frekuenton e mitura, për veprime të mëtejshme procedural.
“Më datë 10.11.2023, është paraqitur në spital për ndihmë mjekësore një i mitur 4 vjeç, i cili sipas deklarimeve të prindërve, është dëmtuar duke luajtuar me një bashkëmoshatar, në një kopsht në rrugën “Peti”.
Më datë 10.11.2023, është paraqitur në spital për ndihmë mjekësore një e mitur 2-vjeçare, e dëmtuar në pjesën e krahut, e cila frekuenton një çerdhe në rrugën “Dalip Zavalani”. Shërbimet e Policisë kanë sekuestruar DVR-në me pamjet filmike të çerdhes që frekuenton e mitura, për veprime të mëtejshme procedurale, dhe materialet i kanë kaluar Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për vlerësim”, – thuhet në njoftim.
Advertisements
