Trajneri i Spanjës, Luis de la Fuente, foli në fund të fitores 4-1 të skuadrës së tij ndaj Gjeorgjisë, në 1/8 finale të “Euro 2024”: “Jemi shumë të lumtur, e dinim se sa e rëndësishme ishte të jemi këtu dhe e dëshmuam këtë, edhe nëse ndeshja mund të kishte përfunduar 8 ose 9-1.
Advertisements
Gjeorgjianët janë ekip i rrezikshëm në kundërsulm, por ne dhamë gjithçka në fushë dhe e merituam. Suksesi është falë djemve, mund t’iu përcjell idetë e mia për futbollin, pastaj janë ata që dalin në fushë dhe bëjnë mirë. Ishte e vështirë me mënyrën se si po shkonte ndeshja, por ruajtëm qetësinë”.
Advertisements
De la Fuente shtoi më pas: “Djemtë janë shumë të lumtur, ishte një ndeshje e rëndësishme për ne, sepse donim të arrinim në çerekfinale kundër Gjermanisë. Megjithatë, absolutisht i kemi këmbët në tokë, duhet të vazhdojmë të punojmë”.
Së fundi, për ndeshjen çerekfinale: “Në fillim mendojmë për rikuperimin e energjive, pastaj do të përpiqemi ta përgatisim ndeshjen me specifikat tona të futbollit. Pikat tona të forta janë të shumta, kemi identitet të qartë, ndaj do të garojmë edhe me një ekip të fortë si Gjermania”.
