“Dëgjova disa zhurma dhe hyra në dhomën e Markut”, ka deklaruar nëna e Mark Samson, 23-vjeçarit që masakroi me thikë shqiptaren Ilaria Sula, brenda banesës së tij në Via Homs.
Advertisements
mark-samson-ilaria-sula
Advertisements
Fillimisht ajo ka deklaruar se nuk kishte dëgjuar asgjë dhe se ishte gjumë, por më vonë ka pranuar se ka ndihmuar të birin në fshehjen e krimit.
“Unë e ndihmova djalin tim të pastronte njollat e gjakut në shtëpi”, pranoi Nors Manlapaz gjatë marrjes në pyetje për 4 orë.
Ishte 23-vjeçari që implikoi nënën e tij në krim në momentin e arrestimit nga policia italiane.
“Ishte në shtëpi me mua dhe më ndihmoi të laja gjithçka”, deklaroi Mark Samson, i cili më pas e ndryshoi dëshminë duke u shprehur se e kishte bërë gjithçka i vetëm.
Por nëna e 23-vjeçarit u implikua për shkak të qelizave telefonike dhe njollave të gjakut të gjetura në pjesë të tjera të shtëpisë.
Hetuesit nuk përjashtojnë që Nors Manlapaz të ketë ndihmuar djalin e saj edhe të fshehë trupin e Ilarias, duke e mbështjellë fillimisht me një qese të zezë dhe më pas duke e futur në valixhe duke e hedhur në një shkëmb rreth 40 kilometra larg Romës.
Nors Manlapaz ka pranuar se nuk i pëlqente 22-vjeçarja shqiptare sepse marrëdhënia e Ilarias me djalin e saj nuk korrespondonte me traditat filipinase.
Për momentin, jashtë babai i autorit, Rik Samson, mbetet jashtë hetimeve pasi nuk ka qenë në banesë në orët e krimit.
Megjithatë, hetimet vazhdojnë për të sqaruar më mirë orët në të cilat ndodhi e gjithë skena e krimit, rrethanat e së cilës mbeten mister.
Qelizat e telefonit të viktimës, të cilin vrasësi e mbajti për një javë, nuk përputhen me shpjegimin e tij.
Dikush mund të ketë ndihmuar vrasësin në transportimin e trupit. Ish-i dashuri i Ilarias pas krimit kishte tentuar t’i merrte kompjuterin nga banesa ku ajo jetonte me shoqet e dhomës.