Sparta, Greqi – Dy prindër arritën të shpëtojnë gjallë nga një aksident në vendin fqinj Greqi, por vajza e tyre e mitur nuk ia doli dot, duke i shkaktuar dhimbje të pafundme.
Advertisements
Tragjedia ndodhi në Lakoni, 15-vjeçarja mbeti e bllokuar në sedilje pa mundur dot të dalë gjallë ndërsa makina u zhytur në lumë.
Advertisements
Gjithçka ndodhi teksa familja po udhëtonte me makinë kur në zonën e Leimonas, mjeti me të cilin udhëtonin ra në lumë.
Vajza ka mbetur e bllokuar me rripin e sigurimit në sediljen e shoferit dhe me siguri ishte ajo që drejtonte makinën.
Prindërit e saj, babai 53-vjeçar dhe nëna 49-vjeçare, arritën të dalin që andej.
Pika ku makina ra në lumë (foto) ishte mjaft e thellë duke zhytur të gjithë mjetin nën ujë, madje edhe me kokë poshtë.
Prindërit u përpoqën për 40 minuta ta ndihmonin fëmijën e tyre të dilte nga makina pa sukses.
Kur mbërriti zjarrfikësja, për fat të keq ishte tepër vonë: 15-vjeçarja u nxorr pa ndjenja dhe u shpall e vdekur.
Gjithçka tregon se ajo është mbytur nën ujë, megjithatë shkaku i saktë i vdekjes do të përcaktohet nga ekspertiza mjeko-ligjore.
Udhëtimi që përfundoi në tragjedi
Aksidenti ka ndodhur rreth orës 15:00 të së dielës. 15-vjeçarja dhe prindërit e saj shkuan për një makinë në rrugën për në plazhin Leimonas.
Në një pikë të rrugës ku ndodhet një urë e vogël që kalon mbi lumin Vasilopotamos, mjeti ka dalë nga korsia, ka goditur parmakët, i ka copëtuar ato dhe më pas ka rënë në ujë.
Prindërit e të miturës kanë braktisur mjetin, ndryshe nga 15-vjeçarja që mbeti e bllokuar në kabinë dhe më pas u nxor i vdekur nga zjarrfikësit.
Prindërit e saj u dërguan në Qendrën Shëndetësore, ku qëndrojnë për mjekim dhe pritet të dëshmojnë për punonjësit e Policisë Rrugore dhe të sqarojnë saktësisht se si ka ndodhur aksidenti.
Trupi i të miturës është transportuar në Spartë, ku do të kryhet autopsia për të përcaktuar shkakun e vdekjes së saj. /noa.al