Do festonin 40 vjetorin e martesës, Agron Llakaj kujton sërish bashkëshorten e ndjerë: Sakrifikuam, vuajtëm…

Kanë kaluar dy muaj nga ndarja tragjike nga jeta e bashkëshortes së Agron Llakajt, Kostandinës, pas një beteje të gjatë me një sëmundje të rëndë.

Kjo ngjarje ka lënë zemërthyer aktorin e dashur për publikun dhe familjen e tyre.

Sot ata do festonin 40 vjetorin e martesës. Agroni e ka kujtuar edhe në rrjetet sociale me një dedikim të ndjerë.

“Sot do festonim 40 vjetorin e martesës, Kostandina ime. (Gon’Nina) sakrifikuam, vuajtëm, fituam, por Ti si marathonomaku, pas lajmit të fitores, ike. Festo me engjëjt, zemër”, shkruan Llakaj në postimin në “Instastory”.