“Ku e njeh Saliu ligjin, ligji jam unë thotë ai. Është i prapambetur, çfarë të them unë i shkreti”
Pavarësisht vendimit të gjykatës që i ndaloi komunikimin me persona që nuk jetojnë me të, Sali Berisha edhe sot ka folur me simpatizantët e tij me mikrofon nga dritarja e shtëpisë së tij.
Advertisements
Këtë fakt e ka komentuar dhe avokati Spartak Ngjela, teksa ishte i ftuar në “Top Talk”. Ngjela tha se me këtë veprim, Berisha ka bërë shkkelje dhe prokuroria duhet të veprojë.
“Ku e njeh Saliu ligjin, ligji jam unë thotë ai. Është i prapambetur, çfarë të them unë i shkreti. Tani drejtësia e ka në dorë, nuk mund të flasim dot. Ligji të mbron deri atje sa nuk ka sanksion të ri. Kur ka sanksion të ri nuk të mbron, kjo është teoria e së drejtës. Ligji ka mbrojtje në momentet që je brenda strukturës së konceptit juridik me të cilin ke filluar të hetohesh. Flas për procesin penal, në qoftë se ti shkel rregullat e arrestit, ai rëndohet. Rëndohet deri në arrest, nuk pyet njeri për moshën më, ai shkon deri në arrest dhe nëse atje ka gjëra të tilla, rri i lidhur në birucë”, u shpreh Ngjela.
Advertisements
