“Do të shtroj iftar” – Mashtroi biznesmenin duke u hequr si Behgjet Pacolli, arrestohet në Tiranë autori pasi i mori 25 mijë euro

Policia e Tiranës ka vënë në pranga një person të dyshuar për mashtrim ndaj një pronari të një hoteli në Tiranë. Sipas informacioneve, mësohet se këtij të fundit, autori i ka marrë një shumë parash prej 25 mijë euro, duke u hequr si Behgjet Pacolli dhe qëllimi ishte, shtrimi i një iftari në muajin e shenjtë të Ramazanit.

Burimet thonë se gjithashtu i dyshuari është futur në ambientet e hotelit me një kapele në kokë, që siç duket po shkonte t’i merrte të paratë. Ai ka arritur që përmes kësaj skeme mashtrimi t’i marrë një herë 12 mijë euro, teksa herën e dytë edhe 13 mijë euro të tjera.