Një 50-vjeçar shqiptar është vrarë në një pikë karburanti në qytetin e Selanikut nga një bashkatdhetar i tij.
Advertisements
Mediat greke kanë publikuar dhe pamjet e rënda të vrasjes, ku 50-vjeçari shihet teksa qëllohet me 3 plumba.
Advertisements
Sipas mediave greke, dy shqiptarët janë përplasur për mosmarrëveshje financiare. Ata mësohet se ishin miq dhe të njohur në zonën ku ka ndodhur ngjarja.
Autori dhe viktima kanë qenë ulur së bashku në të njëjtën kafene përpara ngjarjes ku kanë debatuar me njëri tjetrin.
Advertisements
Pas largimit nga kafeneja ata kanë shkuar në një pikë karburanti ku kanë vijuar debatin. Në një moment 50-vjeçari tenton ta qëllojë nga jashtë makinës, por kundërpërgjigjja me armë bën që ai të ndërrojë jetë në vend.
“Njëri nga të dy doli nga automjeti i tij dhe qëlloi tjetrin me armë dhe u zhduk, para syve të tmerruar të kalimtarëve”, ka thënë për mediat greke një dëshmitar.
Ngjarja e rëndë mësohet se ka ndodhur në rrugën Solonos, në zonën lindore të Selanikut, mesditën e kësaj të enjteje.
