Konfliktet mes vëllezërve në familjet shqiptare në kosovë, shpesh përfundojnë me sharje e ofendime ndaj njëri-tjetrit.
Advertisements
Ata madje me raste eskalojnë në kërcënime e përleshje fizike, duke u dashur kështu intervenimi i Policisë, për të zgjidhur telashet.
Advertisements
Një rast i rëndë ka ndodhur edhe ditën e djeshme, në një familje në Prishtinë, ku një person dyshohet se ka sulmuar me thikë vëllain e tij.
Burimet e Gazetës Sinjali, brenda Emergjencës kanë bërë me dije se viktima është dërguar atje për tretman mjekësor, si pasojë e lëndimeve që dyshohet se i kishte marrë nga një mjet i mprehtë.
Pas intervenimit të stafit mjekësor, gjendja e tij shëndetësore është stabilizuar.
Ndërkohë, lidhur me rastin është njoftuar edhe Policia e Kosovës, të cilët kanë dalë në vendin e ngjarjes dhe kanë marrë dëshminë e viktimës dhe babait të tyre.
I dyshuari akoma nuk është kapur, pasi është arratisur pas kryerjes së veprës.
Pas përfundimit të procedurave policore, Prokurori i Shtetit ka urdhëruar inicimin e rastit dhe ndërmarrjen e veprimeve të nevojshme, për të siguruar prezencën e të dyshuarit.
