Shqiptarja do të vuajë një dënim prej 7 vjet e gjysmë dhe pas përfundimit do të rikthehet në Shqipëri
Advertisements
Një grua shqiptare ka përfunduar në burg në Britaninë e Madhe, pasi akuzohet se ishte bashkëpunëtore me një rrjet kontrabadistësh.
Advertisements
Sipas mediave britnaike, bëhet fjalë për Ujëza Kurmekaj, e cila ndihmonte trafikantët që të transportonin emigrantë nga Shqipëria drejt Anglisë, në rrugë ilegale.
Lidhjet e saj me grupin e kontrabandistëve u zbuluan nga mesazhet që ajo kishte shkëmbyer me ta në telefon, Oficerët e Agjencisë Kombëtare të Krimit (NCA) e lidhën atë me kontrabandën e njerëzve përmes qindra mesazheve të gjetura në telefonin e saj. Pasi ajo u arrestua, hetuesit zbuluan se u kishte dërguar udhëzime kontakteve në Francë duke detajuar se kë duhet të merrnin.
Mesazhe të tjera flisnin për kushtet në Kanalin Anglez, duke përfshirë një që thoshte: “Deti shumë i keq”. Kishte gjithashtu shenja të vendndodhjes në hartë që udhëzonin kontrabandistët se ku të merrnin emigrantët ose ku ishin vendosur varkat në Kanal.
NCA tha gjithashtu se telefoni i saj përmbante 21 imazhe të kartave të identitetit dhe pasaportave shqiptare, të cilat, kur u kontrolluan, tregonin se nëntë nga individët kishin mbërritur në Mbretërinë e Bashkuar me gomone.
Shqiptarja do të vuajë një dënim prej 7 vjet e gjysmë dhe pas përfundimit do të rikthehet në Shqipëri.
