Një aksident i rëndë ka ndodhur në orët e para të mëngjesit të së hënës në autostradën Tiranë-Durrës, duke shkaktuar vdekjen e një të riu dhe plagosjen e tre personave të tjerë.
Advertisements
Sipas Policisë, viktima është 28-vjeçari Gëzim Muçaj, ndërsa të plagosurit janë Eduart Ripa, Ervin Qira dhe Shkëlqim Doçi.
Advertisements
Ngjarja ndodhi kur Muçaj, duke drejtuar automjetin e tij, humbi kontrollin dhe u përplas me trafikndarësen. Pas aksidentit, ai dhe pasagjerët dolën nga makina për të inspektuar dëmet, por u goditën nga një tjetër automjet me drejtues 70-vjeçarin Ismail Laçe, i cili tashmë është arrestuar.
Si pasojë e përplasjes, Muçaj humbi jetën në vendngjarje, ndërsa tre të tjerët u dërguan me urgjencë në Spitalin e Traumës për trajtim mjekësor.
Policia dhe grupi hetimor po punojnë për zbardhjen e plotë të rrethanave të aksidentit fatal.