Frozinone i është kthyer dje fitoreve në Serinë A falë paraqitjes së shqiptarëve të sulmit të këtij ekipi, pasi Marvin Çuni dhe Arijon Ibrahimoviç kanë qenë ata të cilët shënuan golat e suksesit 2-1 ndaj Empolit.
Advertisements
Për 17-vjeçarin Ibrahimoviç, ky gol në ndeshjen e tij të parë si titullar në Serinë A, ku dha edhe asistin për rrjetën e tundur nga Çuni, ishte një shfaqje e aftësive të tij, që e vendosi menjëherë në historinë e kampionatit të elitës në Itali. Djaloshi shqiptar i cili përfaqëson Gjermaninë në arenën ndërkombëtare, u bë dje futbollisti i parë i datëlindjes 2005 që tund rrjetën në Serinë A.
Advertisements
Në vijim është një listë me futbollistë të cilët kanë qenë të parët për vitin e lindjes të tyre që kanë shënuar në Serinë A:
1993: Khuma Babakar
1994: Marko Vitiljo
1995: Alesio Romanjoli
1996: Hose Mauri
1997: Umar Sadik
1998: Manuel Lokateli
1999: Enriko Brinjola
2000: Moise Ken
2001: Pietro Pelegri
2002: Amad Traore (Diallo)
2003: Feliks Afena-Gian
2004: Luka Romero
2005: Arijon Ibrahimoviç
Sulmuesi është dhënë në huazim me të drejtë blerje nga Bajern Mynih, i cili gjithsesi ka vendosur një kundërklauzolë riblerje nëse nuk dëshiron që të lërë futbollistin shqiptar në radhët e klubit italian.
