Një 29-vjeçar është arrestuar ditën e sotme në Tiranë, teksa 3 të mitur janë vendosur nën hetim pasi akuzohen për vjedhje.
Advertisements
Mësohet se në pranga ka rënë Elvis Hasani, i cili në bashkëpunim me tre adoleshentët e moshës 17-vjeçare, kanë vjedhur disa produkte në një qendër trgtare në kryeqytet.
Advertisements
Në cilësinë e provës materiale u sekuestruan produktet e vjedhura, teksa po punohet për dokumentimin e vjedhjeve të tjera që mund të jenë kryer nga këta shtetas.Njoftimi i policisë:
DVP Tiranë
Shërbimet e Komisariatit të Policisë Nr. 1, të angazhuar maksimalisht për të garantuar sundimin e ligjit, goditjen e veprimtarive kriminale në fushën e vjedhjes së pronës dhe pasurisë, dhe vënien përpara përgjegjësisë penale të shtetasve që i kryejnë ato.
Finalizohet operacioni policor i koduar “Shopping”.
Vodhën në një qendër tregtare, identifikohen dhe vihen përpara përgjegjësisë penale, 4 autorët e dyshuar.
Arrestohet njëri prej tyre, procedohen në gjendje të lirë 3 të tjerët (të moshës 17 vjeç).
Sekuestrohen në cilësinë e provës materiale, produktet e vjedhura.
Shërbimet e Komisariatit të Policisë Nr. 1, në vijim të punës për goditjen e veprimtarive kriminale në fushën e vjedhjes, kanë organizuar dhe finalizuar operacionin policor të koduar “Shopping”, si rezultat i të cilit u vu në pranga shtetasi E. H., 29 vjeç, dhe nisi procedimi në gjendje të lirë për 3 shtetas të moshës 17 vjeç, të gjithë banues në Tiranë.
Nga veprimet hetimore të kryera ka rezultuar se këta shtetas, në bashkëpunim me njëri-tjetrin, kanë vjedhur produkte të ndryshme, në një qendër tregtare.
Në cilësinë e provës materiale u sekuestruan produktet e vjedhura.
Po punohet për dokumentimin e vjedhjeve të tjera që mund të jenë kryer nga këta shtetas.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
