Humb jetën gruaja në aksident, policia: Kërkojmë një djalë të ri që mori arratinë

Korçë: 65-vjeçarja humbi jetën pas aksidentit në Bulgarec – identifikohet dhe shpallet në kërkim 27-vjeçari që u largua nga vendi i ngjarjes

Advertisements

Një aksident me pasojë vdekjen ka ndodhur pasditen e së shtunës në fshatin Bulgarec, ku një 65-vjeçare, këmbësore, u përplas nga një automjet që më pas u largua nga vendi i ngjarjes.

Advertisements

Pas ndjekjes intensive dhe verifikimeve të kryera nga Specialistët e Qarkullimit Rrugor dhe analizës së kamerave të sigurisë, është bërë i mundur identifikimi i drejtuesit të mjetit. Ai është shtetasi G. M., 27 vjeç, banues në Dërsnik, i cili tashmë është shpallur në kërkim nga Policia.

Viktima, shtetasja S. Q., 65 vjeçe, ndërroi jetë në spital si pasojë e plagëve të marra.

Vijojnë veprimet për kapjen e autorit dhe dokumentimin e plotë të rrethanave të ngjarjes. Materialet i janë referuar Prokurorisë për veprime të mëtejshme.