Këngëtarja Ruenca Haxhija, e njohur me emrin e artit Enca ka reaguar për herë të parë pas arrestimit, pasi iu gjet kanabis në vazot me lule në banesën e saj.
Këngëtarja me anë të një postimi në “Instastory” u ka shprehur mirënjohjen të gjithë atyre që e kanë suportuar dhe i kanë dërguar komente pozitive në këto ditë të vështira për të.
Advertisements
“Jam mirënjohëse dhe e bekuar për të gjithë suportin, komentet pozitive dhe dashurinë që kam marrë gjatë ditëve të vështira që kalova“, shkruan Enca në postimin e saj.
Kujtojmë që Enca u arrestua disa ditë më parë nga Shërbimet e Komisariatit Nr. 1 në Tiranë, pasi në ballkonin e vilës së saj në zonën e Lundrës kishte mbjellë kanabis në vazot e luleve.
Advertisements
Gjatë kontrollit të vilës së Ruenca Haxhiaj, janë konstatuar në pjesën e ballkonit pesë vazo lulesh me kanabis.
Pak ditë pas arrestimit këngëtarja është liruar pasi Gjykata e Tiranës caktoi masën “detyrim paraqitje” për këngëtaren.
Advertisements
Enca në lidhje me kanabisin që ndodhej në ballkonin e banesës së saj, tha se ishte konsumatore dhe se lënda narkotike ishte për përdorim vetjak.
