“Këndon si gjysmagjeli në majë të penxheres”- Rama ironizon Berishën dhe u premton pensionistëve: Jemi duke finalizuar rritjen e bonusit të fundvitit, 50 euro për secilin nuk mjaftojnë

Edi Rama u ka premtuar pensionistëve rritjen e bonuesit të fundvitit, ndërsa ka sulmuar ish-kryeministrin duke thënë se jepte një gjel deti për dy pensionistë.

“Taksat janë të fëmijëve, sigurimet shoqërore janë të pensioneve. Kur ndodh që kontributet shoqërore janë më pak se cna duhet, i marrim nga taksat. Për këtë arsye po ju them se 500 milion është cdo vit gropa që duhet të mbushim për pensionet.

Nuk ka një shpellë diku me florinj që duhet ta hapim. Çdo pension që rritet rritet për gjithmonë. Ka dy gjëra për të bërë, e para është të fillojmë që tani.

Ka qenë njëri që ka thënë do të japim gjel. Ju kujtohet një i gjeli që këndon si gjysmagjeli në maj të penxheres. Edhe juve u dha një gjysmagjel.

Ne e rritëm bonusin dhe e bëmë jo një gjel për dy pensionist, por një bonus 50 euro për secilin. Kjo nuk mjafton më.

Jemi duke finalizuar rritjen e bonusit, e dyta jemi duke parë një plan rritjeje pensionesh gradual, duke shtuar pjesën tonë dhe duke rritur të ardhurat nga ata që duhet të paguajnë një për një sigurimet shoqërore”, tha Rama.