Teksa e gjithë bota po përjeton valën ekstreme të të nxehtit edhe në Shqipëri janë shënuar temperatura rekord, duke shkaktuar vatra zjarri dhe probleme shëndetësore tek qytetarët.
Advertisements
Sa i takon gushtit, në raport me temperaturat e korrikut, priten nivele me të ulëta dhe normale për këtë muaj, duke lënë pas valën ekstreme dhe shqetësuese të të nxehtit.
Advertisements
Sipas specialistes së IGJEUM-t, gushti do të shoqërohet nga disa ditë të nxehta por që janë normale dhe jo shqetësuese për qytetarët.
“Në gusht nuk pritet të ketë shi por do të këtë ulje të temperaturave, të cilat do të fillojnë që nga dita e enjte dhe kjo do të vazhdojë deri në datën 2 dhe 3 gusht, pra pritet një qetësim i temperaturave maksimale dhe ngritje sërish në gusht, ku do të shoqërohemi nga disa ditë të nxehta, ndonëse nuk presim të shkojmë në këto nivele siç jemi apo siç përjetuam gjatë korrikut, por do të ketë ditë të nxehta”, tha specialistja e IGJEUM-t.
Advertisements
Për të gjithë ata që kanë planifikuar të bëjnë pushimet në gusht, dy javët e para janë më të favorshmet, sidomos për ata që preferojnë bregdetin dhe plazhin. Ndërsa për të gjithë ata që preferojnë malin dhe alpet, në fund të muajit gusht pritet ulje e temperaturave.
“Korriku historikisht ka qenë më i nxehtë se muaji gusht, përgjatë viteve ka pasur vetëm disa ditë kur gushti ka kaluar korrikun me 0.1 apo 0,2 gradë celcius, por përsëri korriku mbetet muaji më i nxehtë. Në gusht, pas datës 3 dhe 4 që presim ngritjen e temperaturave, do të jenë dy javë shumë të nxehta dhe pastaj në javën e fundit presim ulje të temperaturave, por ajo që vlen të theksohet është se nuk do të ketë temperatura ekstreme si në korrik, pra do të jenë temperatura normale për gushtin”, u shpreh specialistja”, tha specialistja.
