Kirurgu shqiptar dënohet nga gjykata italiane për ngacmim seksual në mjediset e urgjencës. Si ndodhi ngjarja?

by editor

Në pritje, e reja e kishte pyetur mjekun se ku mund të shkonte për të pirë duhan dhe ai e kishte shoqëruar në një dhomë, ku duke biseduar i kishte prekur kërthizën

Advertisements

Një kirurg 40-vjeçar me origjinë shqiptare, i identifikuar me inicialet R.G është dënuar nga gjykata e Monzës, pasi ngacmoi seksualisht një vajzë 20-vjeçare.

Advertisements

Mediat italiane shkruajnë se mjeku u dënua nga Gjykata e Monzës me 20 muaj burg për dhunë seksuale. I akuzuari, pa precedentë penalë, mori një dënim me kusht dhe pa përmendje të dënimit në dosjen penale. Ngjarja ndodhi në vitin 2019, kur vajza shkoi në urgjencë për të shoqëruar të dashurin e saj.

Ngjarja e diskutueshme ka ndodhur në klinikën Zucchi ku në atë kohë punonte mjeku. Sipas hetimeve të prokurorit të Monzës, Flaminio Forieri, i cili kishte kërkuar dënimin me 14 muaj burg, vajza kishte shoqëruar në urgjencë të dashurin e saj, i cili kishte dhimbje fyti.

Në pritje, e reja e kishte pyetur mjekun se ku mund të shkonte për të pirë duhan dhe ai e kishte shoqëruar në një dhomë, ku duke biseduar i kishte prekur kërthizën. Pavarësisht ankesave të vajzës, ai kishte vazhduar ta prekte atë.

E reja ia kishte treguar episodin të dashurit të saj dhe, para se të dilnin nga urgjenca, kishin shkuar te mjeku, duke e fyer dhe duke regjistruar bisedën në të cilën ai e mohonte.

Denoncimi është bërë nga e reja, e cila nuk ka marrë pjesë në një proces civil për kompensimin e dëmit, por ka konfirmuar akuzat në gjykim. I akuzuari pohoi se nuk lejohej pirja e duhanit brenda në klinikë dhe vajza ishte kapur duke e bërë një gjë të tillë dhe kishte kërkuar të largohej.

You may also like